Lukas 11:39 - Jaji ma Su-sungi

³⁹ Dadi Ma Jou 'o kanau ra unanga, “Ngini ngowa'a Farisi, ninga moku re ninga suḏe ma ḏuḏunu na soso'o 'i 'ofi madutu. Mada'a taninga 'akala re sinyingara ma dara 'i romanga reo 'ori i'a ma faja re ni nyafusu ngowa'a manga 'ori i'a rana.

Lukas 11:39 Iomraidhean Croise

Matias 15:19

Sababu toma 'akala re sinyingara 'i baolo 'ulungu ma jira, sisengene ngowa'a, su-sudala, tinikai, to-tori'i, sakisi sa-sakala ngowa'a, re sikanau ngowa'a.

Matias 7:15

“Ni ma'istiari toma nabi-nabi sa-sakala. Ananga 'aḏi sapolo ra ngini ma tero sa'olo doba. Mada'a ma ba-banari ananga manga maksudu 'i sijira ninga ngo-ngaku ma tero sa'olo serigala ga'a 'i oro-oromo ngowa'a.

Lukas 16:15

Mada'a Yesus 'o kanau ra ananga, “Ngini nena-ne ni matuhu ngowa'a loasa re banari toma mandan. Mada'a Ma Jou'ongu Madutu 'a waro ninga 'akala re sinyingara. Sababu 'ori i'a ga'a manusia 'aḏi nyafusu, Ma Jou'ongu Madutu 'a emono.

Lukas 7:13

Wakutu Ma Jou Yesus 'o oḏi'i were'a balo gena-ge, Tai 'akala re sinyingara 'i baolo dadalara ra munanga. Dadi Unanga 'o kanau, “Meme, no 'aḏi rawara!”

Lukas 7:19

kara unanga 'o soma'a ananga 'aḏi tagi ra Ma Jou Yesus re 'aḏi sano ra Unanga ma betongo so'o ne: “Jou nena-ne ḏua ga'a no sapolo mete'e Ma Jou'ongu Madutu 'ai jaji bolo ngomi balasu mi totoma ngowa'a lelegu?”

Yohanes 12:6

Yudas 'o kanau so'o gena sababu unanga ngowa'a to-tori'i re soi rai o'o i'a unanga 'o tori'i pipisi toma kas, ga'a unanga 'a gu'u. Unanga 'o sioḏi'i ua ngowa'a ma dinga'unu ua!

Yohanes 13:2

Toma lobi'i gena-ge, Yesus re 'Ai me-mete'e ananga 'aḏi oromo mamete'e. 'Iblisi ri osama ra Yudas 'ai 'akala re sinyingara. Unanga gena-ge 'a Simon Iskariot 'ai ngowa'a nau'u. Dadi unanga mau 'o sipula'a Yesus Tai lawana.

Yesus 'ai so-soma'a 5:3

Ḏua 'a Petrus 'o kanau ra unanga gena-ge, “Ananias, i'a sa'olo ngana na sieanga i'a 'ani 'akala re sinyingara 'o 'Iblisi ya parenta? Wakutu ngana no masigo-gogoro na tahana tana'a ma ijana kaci moi di'a ngana, ngana no sa-sakala Ma Ngagara 'Ofi-'Ofi!

Galatia 1:14

'Ahu be-bere moi ra ngoi wakutu gena-ge 'aḏi nga'unu ngoi ua di'a mete'e 'agama Yahudi ma 'atoranga. Ngoi to cufala madutu mete'e ete re dotumu manga 'atoranga.

2 Timotius 3:5

Wa oḏi'i i'a manga 'ahu ma duhu: Ananga ya mete'e re ya siḏagi manga 'agama ma 'atoranga, mada'a tamanga 'akala re sinyingara ma dara 'i kiḏanga ra Ma Jou'ongu Madutu. Sababu gena-ge, ngana no maki-kiḏanga toma ngowa-ngowa'a gena-ge!

Titus 1:15

'Ori i'a mo-moini 'i 'ofi-'ofi re 'ori i'a rimoi mai ua 'i wosono ua di'a ngowa'a ga'a manga 'akala re sinyingara ma kanau 'i 'ofi-'ofi ra Ma Jou'ongu Madutu 'ai momina. Mada'a ngowa'a ga'a manga fikirana 'i cira re kamanga ngo-ngaku ua, 'ori i'a rimoi i'a mai ua 'i 'ofi-'ofi re 'ori i'a ma repe 'i wosono ra ananga, sababu ananga manga 'akala re sinyingara ma kanau ri faja singadolo 'aḏi basono ḏosa riwara.

Yakobus 4:8

Ni maco-cori ra Ma Jou'ongu Madutu re Unanga ḏuanga i'a 'o maco-cori ra ngini ḏi'i. Ngini ngowa'a baraḏosa ga'a ninga 'akala re sinyingara ri sa-salanga, matogumu ni madaga'a 'ori i'a ma jira re ni siboloto ninga 'akala re sinyingara.