Lukas 11:31 - Jaji ma Su-sungi

³¹ Toma Kiamata ma Wangere, 'olana we-were'a toma kore sara ma nagara mo momi'i re mo kalaki ngowa-ngowa'a 'orasa nange-ne. Munanga mi ḏo-ḏagi lai kiḏanga madutu, sababu mau ma 'isene 'a Salomo 'ai 'akala ma soro'unu. Kalaha 'ane-ne, nange-ne Ngoi lebe la-lamo'o i'a rea Salomo taninga sigolona, mada'a ni ngaku Ngoi ua re ni maḏibo toma ngo'omo boloto ua!

Lukas 11:31 Iomraidhean Croise

Matias 12:42

Toma Kiamata ma Wangere, 'olana we-were'a toma kore mie ino, munanga ḏuanga i'a dadunu mo 'ahu moju mamete'e ra ngini ngowa-ngowa'a toma 'orasa nena-ne re mo kalaki ngini. Sababu munanga mo tagi toma ngi'i lai kiḏanga di'a mo 'isene Salomo 'ai 'akala ma soro'unu. Kalaha 'ane-ne, nange-ne Ngoi lebe la-lamo'o i'a ḏi'i rea Salomo taninga sigolona, mada'a ni ngaku Ngoi ua re ni maḏibo toma ngo'omo boloto ua!”

Lukas 3:22

kara Ma Ngagara 'Ofi-'Ofi 'i matuhu sa'olo namo dara, 'i 'uci ra Unanga. Ḏua Unanga 'o 'isene Ma Jou'ongu Madutu 'ai iḏingi ma betongo so'o ne, “Ngana nena-ne 'Ari ngowa'a Ta dadalara, Ngoi 'ari 'akala re sinyingara ma sanangi Ta sipa'ala ra Ngana.”

Lukas 9:35

Gena ḏua, ananga 'aḏi 'isene toma kakamo gena-ge ma dara iḏingi ma betongo, “Nena-ne 'Ari Ngowa'a ga'a Ngoi to cumutu ḏua. Ni 'isene Unanga!”

Roma 2:27

Dadi ngini, ngowa'a Yahudi, Ma Jou'ongu Madutu ḏuanga i'a nu singe-ngeta'a hukumu. Sababu kalaha ananga gena-ge 'aḏi masuna ua, 'age ngowa'a Yahudi ua ga'a 'aḏi mete'e Musa 'ai hukumu. Momongolo ua, ngini, ngowa'a Yahudi, kalaha ngini reni sanga Musa 'ai hukumu re reni masuna ḏi'i, ngini ni sito-to'u Musa 'ai hukumu!

'Ibrani 11:7

Sababu Nuh 'ai ngo-ngaku, unanga gena-ge 'o mete'e Ma Jou'ongu Madutu 'ai parenta. Ma Jou'ongu Madutu 'u siajele ra Nuh mangale Unanga 'o siromanga dungia sitabi donga reo ḇanyo. Kalaha Nuh 'a oḏi'i nyangu enanga gena-ge 'i dadi, unanga 'o silamo'o re mojongo Ma Jou'ongu Madutu re dadi 'o mete'e 'Ai parenta. Dadi unanga 'o madiga'a kapala rimoi di'a sisalamata unanga re 'ai ngitu re ngale. Nuh 'ai ngo-ngaku gena-ge 'i dadi nana'o rimoi mangale ngowa'a mo-moini ga'a 'aḏi ngaku Ma Jou'ongu Madutu ua, ananga gena-ge ngowa'a ma jira. Sababu gena-ge Ma Jou'ongu Madutu 'o 'adili di'a sihukumu ngowa'a ma jira gena-ge wakutu 'O siromanga dungia sitabi donga reo ḇanyo. Sababu Nuh 'ai ngo-ngaku gena-ge, Ma Jou'ongu Madutu 'o si'aro'o unanga, ngowa'a loasa re banari.