Lukas 11:29 - Jaji ma Su-sungi

²⁹ Wakutu ngowa'a repe 'aḏi sigoloḏi Yesus, Unanga 'o kanau, “Ngowa-ngowa'a 'orasa nange-ne, ngowa'a ma jira. Ngini ni golo'o Ngoi to 'a'a didina'o heranga mada'a rimoi i'a mai ua To pula'a ra ngini, pa'i ḏuga-ḏuga ga'a 'age ra ngini ḏua gena-ge didina'o heranga mangale nabi Yunus.

Lukas 11:29 Iomraidhean Croise

Matias 3:7

Ngowa'a Farisi re ngowa'a Saduki manga repe ḏi'i 'aḏi sapolo ra Yohanes di'a 'aḏi sanga baptis. Mada'a wakutu unanga oḏi'i ananga 'aḏi sapolo, unanga 'o kanau i'a ra ananga, “Ngini ngowa'a ma jira ma ju'uda ma tero sa'olo cuku'u rema bisa ma ngowa! 'A guna 'o kanau ra ngini mangale na'o 'aḏi sanga baptis ḇato ngini ḏuanga i'a sanga hukumu ua ra Ma Jou'ongu Madutu!

Markus 8:38

Toma dungia nena-ne, 'i romanga reo ngowa'a 'aḏi 'isene Ma Jou'ongu Madutu ua? 'A guna ḇato 'o mara'a mangaku mete'e Ngoi re 'ari do-doto'o; Ngoi to mara'a ḏi'i mangaku unanga gena-ge 'Ari me-mete'e wakutu Ngoi, Manusia ma Ngowa'a Nau'u, dadunu to sapolo moju mamete'e Rari Ḇaḇa ma kuasa re mala'ekata-mala'ekata 'Ofi-'Ofi.”

Lukas 11:16

'Age ngowa'a ma lelegu ḏi'i 'aḏi mau disa 'a Yesus 'ai sala. Ananga 'aḏi golo'o Unanga 'o 'a'a ga'a hera-heranga sa'olo bukiti rimoi mangale Unanga ro sapolo da'u ra Ma Jou'ongu Madutu tala.

Lukas 11:50

Sababu ngini ni simete'e 'oru ga'a ninga ete re dotumu 'ua re 'au wali manga ga'a gena-ge, ngini ngowa-ngowa'a 'orasa nange-ne ni sanga hukumu ra Ma Jou'ongu Madutu sababu nabi mo-moini ninga ete re dotumu ya'u sisengene, mulaingi dungia 'i dadi.

Lukas 12:1

Ngowa'a rema cala-cala 'aḏi malomu dadi 'aḏi ma'u tutuḏu singadolo matengo re matengo 'aḏi ma'u jo'u. Wakutu ananga gena-ge 'aḏi malomu, Yesus 'o kanau Tai me-mete'e, “Ngini ni ma'istiari ino toma ngowa'a Farisi manga ragi. 'Ari maksudu awa ni mete'e ngowa'a Farisi manga de'oso re ḏegoro sababu ananga gena-ge ngowa'a munafiki.

Lukas 9:41

Yesus 'o sangoro, “Ngini mode-mode'e ngowa-ngowa'a ga'a ni ngaku Ngoi ua, re ni iranga ninga ngo'omo! Singadolo ma di'ara ngau moju, Ngoi balasu to tegoro marimoi ra ngini?! Singadolo ma di'ara ngau moju, Ngoi to sidodai 'Ari 'akala ḇanyo ra ngini?! Gasa ino 'ani ngowa 'olo gena-ge!”

Yohanes 2:18

Mada'a Yahudi manga bi-biri'i 'aḏi tuntutu ra Unanga 'aḏi kanau, “Sijumu ga'a hera-heranga rimoi ra ngomi, la ngomi ma waro mangale Ngana rani kuasa di'a no 'a'a mo-moini gena-ge.”

Yohanes 6:30

Dadi ananga 'aḏi kanau, “Na'o so'o gena, no 'a'a ga'a hera-heranga, la ngomi ma oḏi'i re mi ngaku Ma Jou'ongu Madutu 'o 'utusu Ngana.

Yohanes 8:44

Ngini ninga ḇaḇa 'Iblisi, re ngini mau ni mete'e 'Iblisi ma mau. Toma ma mulaingi singadolo nange-ne, 'Iblisi 'i mau sisengene ngowa'a. Soi moi nyangu 'Iblisi 'i kanau 'oru ga'a 'i banari. Sababu ba-banari 'i tegoro ua toma 'Iblisi. Wakutu enanga 'i kanau sa-sakala, gena-ge biasa ḏua, sababu enanga sa-sakala re sa-sakala mo-moini ma cimi.

1 Korintus 1:22

Ngowa-ngowa'a Yahudi 'aḏi golo'o didina'o-didina'o heranga sa'olo bukiti rimoi, la ananga 'aḏi ngaku Habari Roanga gena-ge. Re ngowa-ngowa'a Yunani, 'aḏi disa 'akala ma soro'unu, la ananga 'aḏi ngaku 'Ai Habari Roanga.