Lukas 11:22 - Jaji ma Su-sungi

²² Mada'a na'o matengo i'a, lebe te'e ra unanga 'o parangi, ḏua unanga 'o iranga. Ngowa'a lebe te'e gena-ge 'a ra-rabasa 'ai dare, ga'a wala ma dutu 'a sitoro-toro, ḏua 'a palangu 'ai 'ori i'a rana mo-moini tai ḏagilomu-ḏagilomu.

Lukas 11:22 Iomraidhean Croise

Lukas 11:21

Na'o matengo ga'a lao te'e re 'ai dare 'i to-totomo, 'a jaga 'ai wala masiretene, 'ai 'ori i'a rana 'i salamata.

Lukas 11:23

'A guna marimoi ra Ngoi ua, unanga gena-ge mode-mode'e 'o malawana Ngoi, re 'a guna riono Ngoi ua, unanga gena-ge mode-mode'e 'a dola'aku Ngoi 'ari munara.”

Efesus 6:11

Ni pake mo-moini dare parangi ga'a Ma Jou'ongu Madutu ro pula'a ra ngini, la nga'unu ni lawana 'o 'Iblisi ma bo-baja.

Efesus 6:13

Sababu gena-ge, nange-ne balasu ni pake Ma Jou'ongu Madutu 'ai dare 'i ti-tiai. Dadi wakutu 'orasa ma jira 'i ngadolo, ngini nga'unu ni matahana taninga lawana, ma tero sa'olo sordado matahana tamanga lawana. Re ḏi'i wakutu parangi ma ḏo-ḏogumu, ngini ninga ngo-ngaku 'i te'oso ogo-ogoro kama elala ua, sababu ni pake Ma Jou'ongu Madutu 'ai dare 'i ti-tiai.

Kolose 2:15

Toma salib gena-ge, Kristus ra sita'aloko roh mo-moini ga'a 'i kuasa re ga'a 'i siḏagi maparenta. Enanga 'i ma tero sa'olo ngowa'a dawana sanga piri'u 'aḏi tagi tu-tuu'u ra Yesus 'ai ḏuḏunu, la ngowa'a dungia mo-moini 'aḏi oḏi'i, re 'aḏi waro mangale roh-roh gena-ge ri ta'aloko ra Unanga.

1 Yohanes 3:8

Mada'a ngowa'a ga'a 'a'a ḏosa tau-taunu, ananga gena-ge 'Iblisi ma ngowa-ngowa'a. Sababu ma mulaingi i'a, 'Iblisi 'i baraḏosa ḏua. Ma sababu gena-ge, Ma Jou'ongu Madutu 'ai Ngowa'a Nau'u 'o sapolo toma dungia nena-ne di'a 'a siwejere 'Iblisi ma munara.

1 Yohanes 4:4

Ngini, 'ari ngowa-ngowa'a, reni dadi Ma Jou'ongu Madutu 'ai ngowa-ngowa'a. Ngini reni 'utungu talaḏi toma nabi-nabi sa-sakala gena-ge. Sababu Ma Ngagara 'Ofi-'Ofi ga'a 'age ra ngini, lebe kuasa reo 'Iblisi ga'a ḏegoro dungia ma ngowa-ngowa'a, ananga gena-ge ga'a ngaku Yesus ua.