Lukas 11:2 - Jaji ma Su-sungi

² Ḏua Yesus 'o kanau i'a ra ananga, “Wakutu ngini ni manyiata ni kanau so'o ne: ‘Baba, 'Ani lomanga ngowa'a ya silamo'o re siḏubuso, 'Ani Pareta 'i sapolo ino.

Lukas 11:2 Iomraidhean Croise

Matias 10:32

“ 'A guna ḇato 'o mangaku toma mandan mangale unanga 'Ari me-mete'e, Ngoi ga'a toma soroga Tari Ḇaḇa 'ai biono Ngoi nena-ne ḏi'i to mangaku unanga 'Ari me-mete'e.

Matias 3:2

ma betongo so'o ne: “Ni maḏibo toma ngo'omo boloto sababu ti'ara riwara Soroga ma Pareta 'i ngadolo.”

Matias 5:16

So'o gena ḏi'i, ninga ga'a ma la-la ga'a ma tero sa'olo tarangi, balasu na sijumu toma mandan, la ngowa'a ya oḏi'i kara 'aḏi puji re silamo'o nanga Ḇaḇa toma soroga.”

Lukas 11:1

Toma 'orasa rimoi, Yesus 'o manyiata toma ngi'i rimoi. Unanga 'o manyiata togumu i'a, 'Ai me-mete'e matengo 'o kanau ra Unanga, “Ma Jou, no doto'o ngomi mangale manyiata, sa'olo 'a Yohanes 'o doto'o 'Ai me-mete'e 'aḏi manyiata.”

Roma 1:7

Toma ioronongoḏu ngo-ngaku rimoi mo-moini toma limau Roma, ga'a Ma Jou'ongu Madutu 'o dadalara, re ro 'aro'o ngini di'a ni dadi Unanga 'ai 'umata; ngoi to golo'o ra Ma Jou'ongu Madutu ngene nanga Baba, re Yesus Kristus nanga Jou mangale Ananga 'aḏi pula'a manga mura re dadalara, re dame ra ngini.

Roma 8:15

Sababu Ma Ngagara 'Ofi-'Ofi ga'a Ma Jou'ongu Madutu 'a pula'a ra ngini, si'a'a ua ngini ni dadi ngowa'a budaka, singadolo ngini ni 'ahu mojongo ma hukumu ra Ma Jou'ongu Madutu. Siḏibo ḏi'i, Ma Ngagara 'Ofi-'Ofi 'i si'a'a ngini dadi Unanga 'ai ngowa-ngowa'a nau'u. Re sababu Ma Ngagara 'Ofi-'Ofi ma kuasa, ngene nga'unu wo 'aro'o Ma Jou'ongu Madutu, “Baba, ngene nanga Ḇaḇa.”

1 Korintus 1:3

Ngoi re Sostenes, ngomi mi manyiata ra Ma Jou'ongu Madutu nanga Ḇaḇa, re Yesus Kristus nanga Jou, la 'Aḏi pula'a dame re 'Aḏi pula'a ḏi'i mura re dadalara ra ngini.

2 Korintus 1:2

Ngoi re 'a Timotius, ngomi mi manyiata ra Ma Jou'ongu Madutu nanga Ḇaḇa, re Yesus Kristus nanga Jou, la 'O pula'a dame re pula'a ḏi'i mura re dadalara ra ngini.

Galatia 1:4

Yesus Kristus 'o sengene di'a 'a tuusu ngene tananga ḏosa-ḏosa, la ngene bebasa toma bo-baja ma jira toma dungia nena-ne. Unanga 'o 'a'a so'o gena-ge, sababu 'O mete'e mode-mode'e Ma Jou'ongu Madutu 'ai 'akala ma mau, Unanga gena-ge nanga Ḇaḇa.

Efesus 1:2

Ngoi, 'a Paulus, Kristus Yesus 'ai so-soma'a mete'e Ma Jou'ongu Madutu 'ai 'akala ma mau. Ngoi to manyiata to golo'o ra Ma Jou'ongu Madutu, nanga Ḇaḇa, re Ma Jou Yesus Kristus di'a pula'a mura re dadalara re pula'a ḏi'i dame ra ngini.

Filipi 1:2

Ngomi mi golo'o ra Ma Jou'ongu Madutu nanga Ḇaḇa re Ma Jou Yesus Kristus di'a 'aḏi pula'a mura re dadalara re 'aḏi pula'a dame ḏi'i ra ngini mo-moini.

Filipi 4:20

Puji re silamo'o Ma Jou'ongu Madutu nanga Ḇaḇa kasingado-ngadolo i'a 'Amin.

1 Tesalonika 1:1

Ngomi, Paulus, Silas re Timotius mi siḏingoto surata ne tananga ioronongoḏu ngo-ngaku rimoi toma jama'ata Tesalonika, ngini ga'a ni marimoi ra Ma Jou'ongu Madutu nanga Ḇaḇa re Yesus Kristus nanga Jou. Ngomi mi manyiata ra Ma Jou'ongu Madutu nanga Ḇaḇa, re Yesus Kristus nanga Jou, la ḏuanga i'a 'Aḏi pula'a manga mura re dadalara re 'Aḏi pula'a ḏi'i manga dame tau-taunu ra ngini mo-moini.

2 Tesalonika 2:16

Ma Jou'ongu Madutu nanga Ḇaḇa 'o dadalara ngene re mete'e 'Ai mura re dadalara, Unanga na si'a'a ngene nanga 'akala namo-namoto re dadi site'e nanga ngo-nganono. Sababu gena-ge, ngoi to golo'o Ma Jou'ongu Madutu nanga Ḇaḇa re nanga Jou Yesus Kristus masiretene 'o babata ngini re site'e ninga 'akala re sinyingara, la ngini nga'unu ni si'a'a re ni sihabari 'ori i'a la-la.

Tingoýi 11:15

Gena ḏua, mala'ekata ma nyo-nyoimi tumudingi 'o wusu terompet. Ḏua ngoi to 'isene iḏingi lai siḏi madutu da'u soroga tala ma betongo so'o ne: “Nange-ne dungia nena-ne ma pareta ri dadi di'a Ma Jou'ongu Madutu ga'a ngene wo silamo'o re siḏubuso, re 'O Kristus manga Pareta. 'O Kristus gena-ge ga'a Ma Jou'ongu Madutu 'o sijaji pasala ḏua, Unanga ḏuanga i'a 'o parenta kasingado-ngadolo i'a!”

Tingoýi 15:4

'A guna 'o mojongo ua Ma Jou'ongu Madutu?! 'A guna 'o oḏu'u siajele 'Ani kabasarana, Ma Jou'ongu Madutu?! Pa'i Ma Jou'ongu Madutu masiretene ḇato no 'Ofi-'Ofi. Bangsa mo-moini ḏuanga i'a 'aḏi sapolo re 'aḏi silamo'o re siḏubuso Ma Jou'ongu Madutu, sababu ngowa'a repe raḏi oḏi'i 'Ani munara loasa re banari.”

Tingoýi 19:6

Gena ḏua, ngoi to 'isene iḏingi sa'olo ngowa'a repe masala manga nyiwere, ma iḏingi sa'olo duduala ma rurusu re ma tero sa'olo murasa 'i te'iri lai siḏi. Ngoi to 'isene ananga 'aḏi poa'a re 'aḏi kanau siduga-duga: “Puji re silamo'o Ma Jou'ongu Madutu! Sababu Ma Jou'ongu Madutu nanga Jou, Unanga ga'a 'Ai kuasa ma pari cua 'O parenta 'orasa nange-ne!

Tingoýi 20:4

Gena ḏua, ngoi to oḏi'i ngowa-ngowa'a manga nyawa-nyawa, ananga gena-ge ga'a manga camala ngowa'a ya tola'a ḏua, sababu 'aḏi singadolo habari mangale Yesus re 'aḏi mete'e Ma Jou'ongu Madutu 'ai demo. Re ḏi'i sababu ngowa-ngowa'a gena-ge 'aḏi oḏu'u silamo'o re siḏubuso haiwani re dulada haiwani. Ananga gena-ge ḏi'i 'aḏi sanga ua nana'o haiwani tamanga memese bolo tamanga giama. Dadi ananga dadunu 'aḏi 'ahu moju re 'aḏi tegoro toma ḏe-ḏegoro—ḏe-ḏegoro re 'aḏi parenta sa'olo 'olana mamete'e ra Kristus ma di'ara musungu cala moi