Lukas 11:13 - Jaji ma Su-sungi

¹³ Kalaha ngini ngowa'a baraḏosa, ngini mai ni waro ḏi'i ni pula'a 'ori i'a ma la-la taninga ngowa-ngowa'a. Ma la-lamo'o i'a ḏi'i, ninga Ḇaḇa toma soroga! Tantu ḏua, Unanga 'o pula'a Ma Ngagara 'Ofi-'Ofi ra ananga ga'a 'aḏi golo'o ra Unanga!”

Lukas 11:13 Iomraidhean Croise

Matias 5:16

So'o gena ḏi'i, ninga ga'a ma la-la ga'a ma tero sa'olo tarangi, balasu na sijumu toma mandan, la ngowa'a ya oḏi'i kara 'aḏi puji re silamo'o nanga Ḇaḇa toma soroga.”

Matias 5:45

Na'o ni 'a'a so'o gena-ge ngini ni mete'e Ma Jou'ongu Madutu toma soroga, Unanga 'ai tabeata. Sababu Unanga 'o sijumu 'Ai dadalara toma ngowa-ngowa'a mo-moini: Unanga 'A siciḏoto wangere ma la'o pa'i di'a ngowa'a ma la-la ḇato ua, mada'a di'a ngowa'a ma jira ḏi'i. Unanga 'o 'a'a besa'a pa'i di'a ngowa'a loasa re banari ḇato ua, mada'a di'a ngowa'a ma jira ḏi'i.

Matias 6:14

Na'o ngini na si'apongo ngowa'a ga'a 'aḏi 'a'a sala ra ngini, ninga Ḇaḇa toma soroga ḏuanga i'a 'a singi-ngiranga ḏi'i ngini ninga sala.

Matias 6:30

Saya-saya toma goroa 'i konyo wangere nange-ne, re da-daini ngowa'a ya tau'u. Kalaha so'o gena-ge, Ma Jou'ongu Madutu 'a diai saya-saya gena-ge lai rousu masala. Dadi ma la-lamo'o i'a ḏi'i Unanga 'o diai ngini! Dadi i'a sa'olo ninga ngo-ngaku pa'i ceka'a ua ra Ma Jou'ongu Madutu?!

Matias 6:32

Mo-moini gena-ge ngowa-ngowa'a ga'a nana'o Ma Jou'ongu Madutu ua ananga ya disa. Mada'a ninga Ḇaḇa da'u toma soroga 'a waro ninga paralu mo-moini.

Matias 7:11

Kalaha ngini ngowa'a baraḏosa, ngini mai ni waro ḏi'i ni pula'a 'ori i'a ma la-la taninga ngowa-ngowa'a. Ma la-lamo'o i'a ḏi'i, ninga Ḇaḇa toma soroga! Tantu ḏua, Unanga 'o pula'a 'ori i'a ma la-la ra ananga ga'a 'aḏi golo'o ra Unanga.”

Lukas 11:12

Bolo na'o 'ai ngowa'a 'o golo'o namo ma gosi, unanga 'o pula'a kalajengking!

Lukas 11:2

Ḏua Yesus 'o kanau i'a ra ananga, “Wakutu ngini ni manyiata ni kanau so'o ne: ‘Baba, 'Ani lomanga ngowa'a ya silamo'o re siḏubuso, 'Ani Pareta 'i sapolo ino.

Lukas 18:7

Nah, sanga ua Ma Jou'ongu Madutu na riono ua 'ai ngowa-ngowa'a masiretene remanga hali ga'a 'aḏi maḏigaro'o ra Unanga lobi'i re wangere! Tantu ḏua Ma Jou'ongu Madutu 'a sitehe ua enanga ma 'orasa di'a 'O riono ananga!

Yohanes 4:10

Yesus 'a sangoro, “Na'o ngana na waro mangale Ma Jou'ongu Madutu 'ai bu-bula'a re Ngoi nena-ne 'a guna ga'a to golo'o ka'e ra ngana, tantu ḏua, ngana masiretene ḏuanga i'a no golo'o ka'e ḇanyo ra Ngoi, re Ngoi to pula'a ḇanyo 'ahu ra ngana.”

Yesus 'ai so-soma'a 2:38

'A Petrus 'a sangoro i'a ra ananga, “Ngini matengo re matengo balasu ni maḏibo toma ngo'omo boloto, kara ni sanga baptis ra Yesus Kristus 'ai lomanga, la Ma Jou'ongu Madutu 'o singi-ngiranga ninga ḏosa re ni dawongo Ma Ngagara 'Ofi-'Ofi.

Roma 5:17

Sababu matengo i'a 'o 'a'a ḏosa, ngowa'a mo-moini 'aḏi basono sengene sababu ananga mo-moini gena-ge raḏi marimoi ra unanga. Mada'a lebe la-lamo'o i'a ḏi'i matengo 'ai ga'a, gena-ge Yesus Kristus. Sababu ngowa'a ga'a manga ngo-ngaku ra Yesus Kristus, ananga gena-ge raḏi dawongo Ma Jou'ongu Madutu 'ai mura re dadalara lamo'o re Unanga ra si'a'a ananga ngowa'a loasa re banari. Sidogo ḏi'i, ananga gena-ge ḏuanga i'a 'aḏi 'ahu kasingado-ngadolo i'a, 'aḏi parenta toma soroga sababu 'aḏi marimoi ra matengo i'a, gena-ge Yesus Kristus.

Roma 7:18

Ngoi to waro mangale tari diri nena-ne, 'ori i'a ma la-la 'i cua sababu 'ari tabeata baraḏosa. Sababu ngoi to nyafusu to 'a'a 'ori i'a ma la-la, mada'a ta nga'unu ua.

Roma 8:32

'Ai Ngowa'a Nau'u masiretene Unanga 'a sidoa'a toma ngowa'a ma jira, la ananga 'U sisengene di'a sisalamata ngene mo-moini ga'a ngowa'a baraḏosa. Dadi, tantu ḏua Unanga 'o pula'a 'oru ḇato ga'a ngene wo paralu!

Titus 3:3

Sababu 'au nga'ene, ngene masiretene wo haga, mete'e ua Ma Jou'ongu Madutu re ngowa'a na sihaga. Ngene wo dadi budaka toma dungia ma nyafusu ma jira mo-moini, singadolo tananga 'ahu ma dara 'i romanga re 'i baolo 'ori i'a ma jira, 'akala go-goḏi re ngene ma'u emono matengo re matengo.