Lukas 10:9 - Jaji ma Su-sungi

⁹ Toma limau-limau gena-ge ngini ni si-la ngowa'a siḏi re ni sihabari ra ananga gena-ge, ‘Tiara riwara Ma Jou'ongu Madutu 'ai Pareta 'i ngadolo.’

Lukas 10:9 Iomraidhean Croise

Matias 3:2

ma betongo so'o ne: “Ni maḏibo toma ngo'omo boloto sababu ti'ara riwara Soroga ma Pareta 'i ngadolo.”

Matias 4:17

Mulaingi toma 'orasa gena-ge, Yesus 'o singadolo ma habari nena-ne: “Ni maḏibo toma ngo'omo boloto, sababu tiara riwara Soroga ma Pareta 'i ngadolo.”

Markus 4:30

Yesus 'o sano, “Ma Jou'ongu Madutu 'ai Pareta; ni site-tero 'oru? Ma Jou'ongu Madutu 'ai Pareta ma tero sa'olo ma 'ade-'ade so'o ne: Ngowa'a matengo 'o 'oro gisisi ma moi 'i ngai moi ḏua kara 'a so'ana toma tana'a. Gisisi gena-ge lai 'alusu madutu.

Markus 6:13

Yesus 'ai me-mete'e 'aḏi dusu'u roh-roh ma jira ma repe re 'aḏi siḇianga Zaitun ma goroho re ngowa-ngowa'a siḏi manga sae'e singadolo 'aḏi la.

Lukas 10:10

Mada'a na'o ngini ni sapolo toma limau rimoi i'a, re ananga 'aḏi dawongo ngini ua, ni tagi re ni made-de'oso toma tapaka re ni kanau,

Lukas 10:11

‘Limau nena-ne ma korou'u ga'a 'i pata taminga rou ma sata, ngomi ma sesara ra ngini ninga momina di'a 'i dadi nana'o rimoi ra ngini mangale Ma Jou'ongu Madutu dawongo ngini ua ḏi'i. Mada'a ngini ni 'elingi 'Ari demo nena-ne: Tiara riwara Ma Jou'ongu Madutu 'ai Pareta 'i ngadolo.’

Lukas 9:2

Gena ḏua, Unanga 'o soma'a ananga 'aḏi tagi si-la ngowa'a siḏi re singadolo habari Roanga mangale Ma Jou'ongu Madutu 'Ai Pareta.

Yohanes 3:3

Yesus 'a sangoro, “No ngaku mode-mode'e 'Ari demo-demo nena-ne: Na'o ngowa'a matengo i'a dadunu sibuoro ua, unanga 'o osama nyo-nyoimi yoḏu'u ra Ma Jou'ongu Madutu 'ai Pareta.”

Yohanes 3:5

Yesus 'a sangoro: “No ngaku mode-mode'e 'Ari demo-demo nena-ne: Na'o matengo i'a mau 'o osama nyo-nyoimi ra Ma Jou'ongu Madutu 'ai Pareta, unanga gena-ge balasu dadunu sibuoro moju. Enanga gena-ge 'i dadi sababu Ma Ngagara 'Ofi-'Ofi ma kuasa re 'i sijumu wakutu ananga 'aḏi sanga baptis.

Yesus 'ai so-soma'a 28:28

Ma ḏo-ḏogumu tala 'a Paulus 'o kanau, “Sababu gena-ge ioronongoḏu ngowa'a Yahudi, ngini balasu na waro mangale habari mangale salamata ra Ma Jou'ongu Madutu ino, nange-ne singadolo toma ngowa-ngowa'a Yahudi ua re ḏuanga i'a ananga ya mete'e.” [

Yesus 'ai so-soma'a 28:31

Unanga 'o singadolo kama mojongo ua mangale Ma Jou'ongu Madutu 'ai Pareta re mangale Ma Jou Yesus Kristus. Re Paulus 'a si'a'a 'ai munara gena-ge kama sanga dola'aku ua.