Lukas 10:6 - Jaji ma Su-sungi

⁶ Na'o wala ma dutu gena-ge ngowa'a la-la ga'a 'o dawongo ngini, Ma Jou'ongu Madutu 'ai dame ḏuanga i'a 'i tegoro ra ananga. Mada'a na'o wala ma dutu 'o dawongo ngini ua, tantu ḏua Ma Jou'ongu Madutu 'o sibarakati ananga ua.

Lukas 10:6 Iomraidhean Croise

Lukas 10:5

Na'o ngini ni osama toma wala ḏu moi, siḏa-siḏa ni kanau, ‘Ngoi to golo'o ra Ma Jou'ongu Madutu di'a 'o pula'a 'Ai dame 'i tegoro ra ngini toma wala nena-ne.’

Lukas 10:7

Na'o wala ma dutu unanga 'o dawongo ngini, ngini tegoro ra ananga gena-ge ḇato. Re 'oru wala ma dutu 'o pula'a ngo-ngoromo ra ngini, na oromo. Sababu 'a guna ḇato 'aḏi munara ananga 'aḏi patasa ya sanga manga bo-bangu. Awa ngini ni mareta-reta'a wala ḏu moi togumu ḏu moi.

Efesus 5:6

Awa ngini ngowa'a nu'u sihaga reo ngowa-ngowa'a manga demo ma faeda 'i cua. Ananga gena-ge 'aḏi kanau 'o ḏosa ua mo-moini so'o ne: su-sudala, tinikai, da-danata. Ḏuanga i'a, ngowa'a gena-ge ga'a mete'e ua Ma Jou'ongu Madutu 'ai 'akala ma mau, 'aḏi sibaolo Unanga 'ai borata.

2 Tesalonika 3:16

Ma Jou Yesus Unanga ga'a dame ma cimi, ngoi to golo'o Unanga masiretene 'o pula'a dame ra ngini toma 'orasa re ngi'i le'a ḇato. Ngoi to golo'o Unanga 'o sieanga i'a awa ngini mo-moini.

Yakobus 3:18

Ngowa'a lelegu ḏuanga i'a mete'e ngowa'a ga'a nyanyaḏi dame singadolo ngowa'a gena-ge 'aḏi 'a'a 'ori i'a ma la-la ḏi'i; ma tero sa'olo wakutu ngowa'a guḏa 'o siare gisisi dame, ma sowo'o dame!

1 Petrus 1:14

Sa'olo Ma Jou'ongu Madutu 'ai ngowa-ngowa'a, ngini ninga 'ahu balasu mete'e Unanga 'ai mau. Wakutu ngini nana'o nyangu Ma Jou'ongu Madutu, ninga nyafusu ma jira lai repe, mada'a nange-ne ngini ni sieanga ḏua. Awa nyafusu-nyafusu ma jira gena-ge 'i parenta ninga 'ahu moju.