Lukas 10:41 - Jaji ma Su-sungi

⁴¹ Ma Jou 'o kanau, “Marta, Marta ngana no dodato re no tasibu 'oru ḇato!

Lukas 10:41 Iomraidhean Croise

Markus 4:19

mada'a 'aḏi dodato mangale manga 'ahu. Ananga 'aḏi mau manga 'ahu pai-pai'i, re tamanga 'akala re sinyingara ma dara manga nyafusu lai lamo'o ḏi'i. Sababu gena-ge, habari tamanga 'akala re sinyingara ma dara ma 'ahu 'i peletoro singadolo 'i sowo'o ua.

Lukas 10:38

Gena ḏua, Yesus re 'Ai me-mete'e ananga ya dowanga manga ḏo-ḏagi re 'aḏi ngadolo toma gamu rimoi. Toma gamu gena-ge 'age rema we-were'a matengo 'ami lomanga ngo Marta mo 'aro'o tuḏu tami wala.

Lukas 10:40

Mada'a ngo Marta mo tasibu masala mo munara da'a toma itomo. Munanga mo i'a ra Yesus re mo kanau, “Ma Jou, i'a sa'olo nimi ḇangata ua ngo Maria sababu munanga mo sieanga i'a ngoi to munara matengo? No soma'a munanga mo mariono ngoi!”

Lukas 12:22

Ḏua Yesus 'o kanau i'a Tai me-mete'e, “Sababu gena-ge, Ngoi to siajele ra ngini nena-ne: Awa ni dodato mangale ninga 'ahu: 'oru ga'a ni oromo. Re ḏi'i awa ni madodato mangale ninga lese: 'oru ga'a ngini na pake!

Lukas 21:34

Ni ma'istiari! Awa ngini pa'i ni cufala 'a'a laya re ni ma'eto-'etolo, bolo pa'i ni mafikiri ninga 'ahu ḇato, singadolo kage-kage ma 'orasa gena-ge 'i ngadolo re ngini ni siwaro i'a ua.

Lukas 8:14

Gisisi 'i eta'a toma rurubu dodowo'o ma golona, ma tero sa'olo ngowa'a 'aḏi 'isene habari gena-ge, mada'a 'aḏi dodato mangale manga 'ahu, ananga 'aḏi mau manga 'ahu pai-pai'i re tamanga 'akala re sinyingara ma dara, manga nyafusu lai lamo'o ḏi'i dadi ananga 'aḏi basono manga 'ahu 'i peletoro singadolo ananga 'aḏi mete'e riwara Ma Jou'ongu Madutu 'ai habari gena-ge. Dadi ananga ma tero sa'olo go-gahu ma sowo'o tu'unisi.

Yohanes 11:1

'Age rema ngowa'a matengo 'ai lomanga Lazarus ga'a 'o tegoro toma gamu Betania ma wala ḏu moi re 'ai biḏanga nga muḏiḏi, ngo Maria re ngo Marta.

Yohanes 11:5

Yesus 'O dadalara ngo Marta re ngo Maria re manga iḏanga 'a Lazarus.

Yohanes 12:2

Ananga 'aḏi 'a'a laya di'a silamo'o Yesus. Re 'a Lazarus rai ioronongoḏu 'aḏi majoreke oromo mamete'e ra Unanga. Re ngo Marta mo de-de'oso ananga.

Filipi 4:6

Ngini awa ninga 'akala kangela mangale 'oru ḇato. Mada'a toma 'ori i'a mo-moini, ngini balasu ni manyiata re sibere ninga go-golo'o reninga murasa ma la ra Ma Jou'ongu Madutu.