Lukas 10:37 - Jaji ma Su-sungi

³⁷ Guru 'agama 'a sangoro, “Unanga ga'a 'o sijumu 'ai 'akala re sinyingara ma la-la toma ngowa'a ga'a sanga bodito.” Ḏua Yesus 'o kanau ra unanga gena-ge, “Dadi no tagi re na si'a'a ḏi'i!”

Lukas 10:37 Iomraidhean Croise

Matias 20:28

So'o gena-ge ḏi'i ma tero sa'olo Ngoi, Manusia ma Ngowa'a Nau'u. Ngoi to sapolo di'a ngowa-ngowa'a 'aḏi de-de'oso Ngoi ua. Mada'a Ngoi to sapolo di'a To de-de'oso ngowa-ngowa'a, re Ta sidoa'a 'Ari 'ahu di'a To tuusu ngowa'a repe tamanga ḏosa.”

Matias 23:23

Bahala ra ngini guru-guru 'agama re ngowa'a Farisi! Ngini ngowa'a munafiki! Rampa-rampa sa'olo: selasi, adas mami, re 'o jintan, gena-ge ngini na pula'a jou-jou ga'a ma balangu moi toma balangu nyagi moi ino di'a Ma Jou'ongu Madutu. Momongolo ua, parenta ma re'u i'a ra Musa 'ai hukumu sa'olo: Ngini balasu ni 'adili toma ngowa'a lelegu, balasu ni sijumu ninga 'akala re sinyingara ma la-la, re balasu ni cufala mete'e Ma Jou'ongu Madutu 'ai parenta, gena-ge ngini na siwaro i'a ua! Mada'a ngini balasu na si'a'a, re ma lelegu ḏi'i mai na sidaioranga awa.

Lukas 10:36

Gena ḏua, Yesus 'a siḏo-ḏogumu 'Ai jarita re 'o sano so'o ne, “Toma ngowa'a nga ḏu'ange gena-ge mete'e 'ani 'akala ma sanga 'a guna ga'a 'o dadi 'ai ioronongoḏu toma ngowa'a ga'a sanga bodito gena-ge?”

Lukas 10:38

Gena ḏua, Yesus re 'Ai me-mete'e ananga ya dowanga manga ḏo-ḏagi re 'aḏi ngadolo toma gamu rimoi. Toma gamu gena-ge 'age rema we-were'a matengo 'ami lomanga ngo Marta mo 'aro'o tuḏu tami wala.

2 Korintus 8:9

Ngoi to paralu ua di'a parenta ngini sababu ngini rena waro mode-mode'e nanga Jou Yesus Kristus 'o dadalara ngene. Unanga gena-ge ngowa'a rema-enanga toma soroga, 'O kama kuranga 'oru ua. Mada'a Unanga 'o sisoi'i tala gena-ge re 'O madadi ngowa'a ma dinga'unu ua toma dungia nena-ne di'a ngini ninga paralu. Dadi Yesus 'ai dinga'unu ua gena-ge sidadi ngini ngowa'a rema-enanga toma soroga.

Efesus 5:2

Taninga 'ahu ma dara balasu romanga reo dadalara, ma tero sa'olo Kristus ḏi'i 'O dadalara ngene. Unanga 'ai lese 'a sidoa'a sa'olo jou-jou di'a ngene sa'olo jou-jou rimoi ga'a ma bounu lai sa'i re sisanangi Ma Jou'ongu Madutu 'ai 'akala re sinyingara.

1 Petrus 2:21

Ma Jou'ongu Madutu 'o 'aro'o ngini di'a ni matahana sangisara gena-ge. So'o gena 'a Kristus ḏi'i 'o sanga sangisara di'a ngini. Duhu so'o gena-ge, Unanga 'o sijumu ngo'omo, la ngini ni 'a'a ma tero sa'olo Unanga:

Tingoýi 1:5

Yesus Kristus gena-ge Sakisi ma cufala re Unanga ma mulaingi dadunu 'O 'ahu moju toma ngowa'a senge-sengene manga sigolona, ma tero sa'olo ngowa'a nau'u ma jomolo. Re Unanga 'o dadi 'Olana ma Sae'e toma 'olana-'olana mo-moini toma dungia nena-ne. Yesus gena-ge 'o dadalara ngene re Unanga 'o sengene, la ngene sanga bebasa tananga ḏosa-ḏosa.