Lukas 10:29 - Jaji ma Su-sungi

²⁹ Mada'a guru 'agama gena-ge 'o oḏu'u awa-awa ngowa'a 'aḏi aje unanga 'o haga, dadi unanga 'o sano ra Yesus, “Ngoi 'ari ioronongoḏu gena-ge 'a guna ga'a ngoi balasu to dadalara ma tero sa'olo to dadalara 'ari diri masiretene?”

Lukas 10:29 Iomraidhean Croise

Markus 8:34

Gena ḏua, toma ngi'i gena-ge Yesus 'o 'aro'o ngowa'a repe (ma'u mete'e ra Unanga re 'Ai me-mete'e). Ḏua Unanga 'o kanau i'a ra ananga, “ 'A guna ḇato mau 'o mete'e Ngoi, balasu 'a mete'e 'ai mau masiretene riwara re balasu 'o doiti 'ai salib, kara mete'e Ngoi tau-taunu.

Lukas 10:36

Gena ḏua, Yesus 'a siḏo-ḏogumu 'Ai jarita re 'o sano so'o ne, “Toma ngowa'a nga ḏu'ange gena-ge mete'e 'ani 'akala ma sanga 'a guna ga'a 'o dadi 'ai ioronongoḏu toma ngowa'a ga'a sanga bodito gena-ge?”

Lukas 16:15

Mada'a Yesus 'o kanau ra ananga, “Ngini nena-ne ni matuhu ngowa'a loasa re banari toma mandan. Mada'a Ma Jou'ongu Madutu 'a waro ninga 'akala re sinyingara. Sababu 'ori i'a ga'a manusia 'aḏi nyafusu, Ma Jou'ongu Madutu 'a emono.

Roma 10:3

Ananga ya sahe ua Ma Jou'ongu Madutu 'ai ngo'omo di'a ananga 'aḏi dadi ngowa'a loasa re banari Tai momina. Siḏibo ḏi'i ananga 'aḏi mau mete'e manga ngo'omo masiretene di'a 'aḏi dadi ngowa'a loasa re banari. Dadi ananga 'aḏi ta'aloko ua ra Ma Jou'ongu Madutu 'ai ngo'omo.

Roma 4:2

Na'o Abraham 'o dadi ngowa'a loasa re banari ra Ma Jou'ongu Madutu 'ai momina sababu 'ai ga'a, tantu ḏua unanga nyengara 'o matoro toma manusia. Mada'a unanga gena-ge 'ai 'alasana 'i cua di'a 'o matoro ra Ma Jou'ongu Madutu,

Galatia 3:11

Tantu ḏua, matengo i'a mai ua nyengara 'aḏi dadi ngowa'a kamanga sala ua ra Ma Jou'ongu Madutu 'ai momina sababu 'aḏi mete'e Musa 'ai hukumu gena-ge. Sababu toma Boku 'Ofi-'Ofi 'i silefo so'o ne: “Ngowa'a loasa re banari 'aḏi sanga 'ahu kasingado-ngadolo i'a pa'i sababu manga ngo-ngaku ḇato.”

Yakobus 2:24

Gena-ge 'i tarangi ḏua ra ngene mangale Ma Jou'ongu Madutu 'o dawongo ngowa'a sa'olo ngowa'a loasa re banari, sababu manga ga'a la-la re pa'i manga ngo-ngaku ḇato ua.