Lukas 10:28 - Jaji ma Su-sungi

²⁸ Yesus 'o kanau, “Gena-ge tero mode'e, na si'a'a so'o gena, la ḏuanga i'a no sanga 'ahu kasingado-ngadolo i'a.”

Lukas 10:28 Iomraidhean Croise

Matias 19:17

Yesus 'a sangoro, “I'a sa'olo no sano ra Ngoi mangale 'ori i'a ma la-la? Pa'i Matengo ḇato ma la-la. Na'o ngana mau no sanga 'ahu kasingado-ngadolo i'a, ngana balasu no mete'e parenta-parenta ra Ma Jou'ongu Madutu.”

Markus 12:34

Wakutu Unanga 'o 'isene guru 'agama gena-ge 'o sangoro 'i tero-tero, Yesus 'o kanau i'a ra unanga, “Ngana sa'i re no co-cori no osama Ma Jou'ongu Madutu 'ai Pareta.” Dadi toma 'orasa gena-ge matengo i'a mai ua 'aḏi barani singadolo manga so-sano moju ra Yesus.

Lukas 7:43

Simon 'o sangoro, “Mete'e ngoi 'ari 'akala ma sanga, ngowa'a ga'a banyatoro lebe lamo'o i'a 'i singi-ngiranga ḏua.” Yesus 'o kanau, “Tero mode'e ngana.”

Roma 10:4

Mada'a sababu Kristus, ngowa'a 'aḏi paralu mete'e Musa 'ai hukumu riwara, la 'aḏi dadi ngowa'a loasa re banari. Siḏibo ḏi'i, ngowa'a mo-moini ga'a manga ngo-ngaku ra Kristus, nyengara 'aḏi dadi ngowa'a loasa re banari ra Ma Jou'ongu Madutu 'ai momina, gena-ge Ma Jou'ongu Madutu 'ai ngo'omo.

Roma 3:19

Mada'a ngene wa waro mangale 'oru ga'a ri silefo ra Musa 'ai hukumu, gena-ge pa'i di'a ngowa'a Yahudi ga'a 'aḏi 'ahu mete'e hukumu gena-ge ma 'atoranga. Sababu gena-ge, matengo i'a mai ua toma dungia sitabi donga nga'unu ua pula'a 'alasana ra Ma Jou'ongu Madutu, la Unanga 'u sihukumu ua. Sababu ngene mo-moini rewo sala ra Ma Jou'ongu Madutu 'ai momina.

Roma 7:10

Dadi ngoi to dadi ma tero sa'olo ngowa'a sengene ra Ma Jou'ongu Madutu 'ai momina. Musa 'ai hukumu ma maksudu di'a sigasa ngoi toma 'ahu marimoi ra Ma Jou'ongu Madutu. Momongolo ua, hukumu gena-ge 'i sigasa ngoi toma sengene kasingado-ngadolo i'a re siwola i'a ngoi ra Unanga!

Galatia 3:12

Mada'a na'o ngowa'a 'aḏi sigare manga ngo-ngaku ra Musa 'ai hukumu, ngowa'a gena-ge 'aḏi sigare ua manga ngo-ngaku ra Yesus Kristus. Sababu toma Boku 'Ofi-'Ofi 'i silefo so'o ne: “Ngowa'a ga'a 'aḏi mete'e Musa 'ai hukumu, ananga balasu ya mete'e mo-moini re tau-taunu tamanga 'ahu ma dara.”