Lukas 10:25 - Jaji ma Su-sungi

²⁵ Gena ḏua, guru 'agama matengo 'o te'oso mau disa Yesus 'ai sala dadi 'o sano ra Yesus, “Guru, ngoi balasu to 'a'a sa'olo, la to sanga 'ahu kasingado-ngadolo i'a?”

Lukas 10:25 Iomraidhean Croise

Markus 10:17

Wakutu Yesus 'a dowanga 'ai ḏo-ḏagi, 'age rema ngowa'a matengo 'o la-lalara ino re 'o maḏipolono ra Yesus re 'o sano, “Guru ga'a No la madutu, ngoi balasu to 'a'a sa'olo, la to sanga 'ahu kasingado-ngadolo i'a?”

Markus 10:3

Yesus 'o sangoro, “Musa 'o pula'a parenta 'oru ra ngini?”

Markus 12:28

Wakutu Yesus re Saduki manga bi-biri'i 'aḏi ma'u sano i'a re ino, guru 'agama ma lelegu matengo 'o 'isene i'a Yesus 'a sangoro tero-tero. Ḏua unanga 'o sano ra Yesus, “Parenta le'a lebe la-lamo'o ma re'u i'a reo parenta mo-moini?”

Lukas 10:24

Ngoi to siajele ra ngini nena-ne: Nabi re 'olana manga repe 'ua re 'au wali, ananga 'aḏi mau ya oḏi'i ma tero sa'olo 'oru ga'a ngini ni oḏi'i nange-ne mada'a ananga ya oḏi'i ua. Ananga nyafusu ya 'isene ma tero sa'olo 'oru ga'a ngini ni 'isene nange-ne, mada'a ya 'isene ua.”

Lukas 10:26

Yesus 'a sangoro, “ 'Oru ga'a 'i silefo toma Boku 'Ofi-'Ofi ma dara? Na mete'e ngana 'ani 'akala ma sanga gena-ge ma ngale 'oru?”

Lukas 18:18

Yahudi manga bi-biri'i matengo 'o sano ra Yesus, “Guru ga'a No la madutu, ngoi balasu to 'a'a sa'olo la to sanga 'ahu kasingado-ngadolo i'a?”

Lukas 7:30

Mada'a ngowa'a Farisi re guru-guru 'agama 'aḏi oḏu'u 'a Yohanes ya'u baptis sababu ananga gena-ge 'aḏi dawongo ua Ma Jou'ongu Madutu 'ai 'akala ma mau di'a ananga.

Yohanes 8:6

Ananga manga so-sano ma maksudu di'a 'aḏi disa Yesus 'ai sala, la ananga 'U kalaki Unanga. Mada'a Yesus pa'i maruku ḇato re 'O lefo toma tana'a Rai rarag̱a.

Galatia 3:18

Sababu na'o Ma Jou'ongu Madutu 'o pula'a barakati sababu ngowa'a raḏi mete'e Musa 'ai hukumu, ananga sanga barakati gena-ge 'i mete'e ua Ma Jou'ongu Madutu 'ai jaji. Mada'a Ma Jou'ongu Madutu ro pula'a barakati ra Abraham 'i mete'e 'Ai jaji sababu Unanga 'ai mura re dadalara.