Lukas 10:22 - Jaji ma Su-sungi

²² 'Ori i'a mo-moini, 'Ari Ḇaḇa ra sidoa'a ra Ngoi. Matengo i'a mai ua 'o nana'o Ngoi ḏuga-ḏuga pa'i 'Ari Ḇaḇa ḇato. Matengo i'a mai ua 'o nana'o 'Ari Ḇaḇa ḏuga-ḏuga pa'i Ngoi re ra guna ḇato ga'a Ngoi to siajele mangale 'Ari Ḇaḇa.”

Lukas 10:22 Iomraidhean Croise

Matias 11:25

Toma 'orasa gena-ge Yesus 'o kanau, “Baba, Ma Jou'ongu Madutu 'o kuasa toma diwanga re dungia, Ngoi to puji re silamo'o 'Ani lomanga sababu mo-moini gena-ge Baba na gogono toma ngowa'a pahe re ngowa'a 'akala soro'unu, mada'a Baba na sijumu toma ngowa-ngowa'a ga'a manga de'oso re ḏegoro ma tero sa'olo ngowa 'olo.

Matias 11:27

Ḏua Yesus 'o kanau, “ 'Ori i'a mo-moini, 'Ari Ḇaḇa ra sidoa'a ra Ngoi. Matengo i'a mai ua 'o nana'o Ngoi ḏuga-ḏuga pa'i 'Ari Ḇaḇa ḇato. Matengo i'a mai ua 'o nana'o 'ari Ḇaḇa ḏuga-ḏuga pa'i Ngoi, 'Ai Ngowa'a Nau'u, re ra guna ḇato ga'a Ngoi to sinana'o 'Ari Ḇaḇa.

Matias 28:18

Yesus 'o macori i'a ra ananga re 'o kanau, “Kuasa mo-moini bae toma soroga, bae toma dungia gena-ge Ri sipula'a ra Ngoi.

Yohanes 1:18

Matengo i'a mai nyangu ro oḏi'i Ma Jou'ongu Madutu, mada'a pa'i 'Ai Ngowa'a Nau'u matengo, ga'a 'O marimoi rai Ḇaḇa. Unanga gena-ge ra sibaiti re Ra sitarangi mangale Ma Jou'ongu Madutu ra ngene.

Yohanes 10:15

ma tero sa'olo 'Ari Ḇaḇa 'o nana'o Ngoi re Ngoi to nana'o 'Ari Ḇaḇa. Re Ngoi ta sidoa'a 'Ari 'ahu di'a sisalamata 'Ari doba-doba.

Yohanes 13:3

Yesus ro waro mangale 'ai Ḇaḇa ro pula'a kuasa mo-moini ra Unanga. Unanga 'a waro ḏi'i mangale Unanga ro sapolo ra Ma Jou'ongu Madutu tala, re ḏuanga i'a 'o maḏibo ie ḏi'i ra Ma Jou'ongu Madutu.

Yohanes 17:10

Ngowa'a mo-moini ga'a ta Ngoi, gena-ge ḏi'i ta Baba. Re ngowa'a mo-moini ga'a ta Baba, gena-ge ḏi'i ta Ngoi. Re Ngoi reto sanga mulia sababu ananga gena-ge.

Yohanes 17:2

Baba reno pula'a kuasa Tani Ngowa'a Nau'u di'a 'O parenta ngowa'a mo-moini toma dungia nena-ne, la Unanga 'o pula'a 'ahu kasingado-ngadolo i'a toma ngowa'a mo-moini ga'a Reno pula'a ḏua ra Ngoi.

Yohanes 17:26

Ngoi reta siajele ḏua mangale Baba ra ananga, re Ngoi ḏuanga i'a ta siajele tau-taunu, la ananga 'aḏi basono tala 'Ani dadalara tamanga 'akala re sinyingara ma tero Ngoi to basono tala 'Ani dadalara Tari 'akala re sinyingara re dadi Ngoi ḏi'i to tegoro tamanga 'akala re sinyingara.”

Yohanes 17:5

Baba, nange-ne Ngoi to golo'o ra Baba nena-ne, No simulia Ngoi nena-ne, wakutu Ngoi dadunu to ḏibo ra Baba moju, ma tero Baba no simulia Ngoi wakutu dungia nena-ne 'i dadi nyangu.”

Yohanes 3:35

Ma Jou'ongu Madutu 'o dadalara 'Ai Ngowa'a Nau'u re 'O pula'a mo-moini ḏua 'Ai kuasa.

1 Korintus 15:24

Togumu i'a, Kiamata ma Wangere 'i ngadolo. Toma 'orasa gena-ge Kristus 'o sita'aloko mo-moini ga'a parenta bae toma diwanga, bae toma tana'a bolo le'a ḇato. Togumu i'a, 'a Kristus sa'olo 'Olana dadunu 'o sidoa'a 'Ai kuasa ra Ma Jou'ongu Madutu, 'Ai Ḇaḇa.

2 Korintus 4:6

Sababu Ma Jou'ongu Madutu ga'a 'o kanau, “Toma hafu-hafu, balasu 'i waiti tarangi,” Unanga gena-ge ro sigare 'Ai tarangi tananga 'akala re sinyingara ma dara. Ma Jou'ongu Madutu ro si'a'a so'o gena-ge, la ngene nyengara wa sahe Unanga 'ai mulia. Unanga 'ai mulia gena-ge 'i ma tero sa'olo ma tarangi ga'a wa oḏi'i ra Kristus 'ai biono. Dadi Unanga 'a siwaiti Ma Jou'ongu Madutu 'ai mulia ra ngene.

Efesus 1:21

Kristus 'ai ḏe-ḏegoro gena-ge lebe kau'u reo pamarenta mo-moini, ngowa'a mo-moini remanga kuasa, ngowa'a bi-biri'i mo-moini, tuanga mo-moini re 'a guna ḇato manga ḏe-ḏegoro kau'u, bae 'aḏi 'ahu 'orasa nange-ne, bae toma biono i'a.

'Ibrani 2:8

Re Unanga ro pula'a kuasa toma manusia, la 'aḏi parenta toma 'ori i'a mo-moini.” Na'o Ma Jou'ongu Madutu 'o si'a'a manusia rema kuasa, la 'aḏi parenta toma 'ori i'a mo-moini, gena-ge ma ngale 'ori i'a i'a mai ua bolo matengo i'a mai ua ga'a ta'aloko ua toma manusia manga kuasa. Kalaha so'o gena, toma 'orasa nange-ne ngene wa oḏi'i nyangu mangale manusia rema kuasa toma 'ori i'a mo-moini.

1 Yohanes 5:20

Ngene rewo waro ḏi'i mangale Ma Jou'ongu Madutu 'ai Ngowa'a Nau'u ro sapolo re Ro pula'a wo-waro ra ngene, la ngene wu nana'o Ma Jou'ongu Madutu ga'a banari. Ngene wo 'ahu marimoi ra Ma Jou'ongu Madutu ga'a banari re wo 'ahu marimoi Rai Ngowa'a Nau'u, Yesus Kristus. Unanga gena-ge mode-mode'e ma tero Ma Jou'ongu Madutu re Unanga masiretene 'ahu kasingado-ngadolo i'a ma cimi.

2 Yohanes 1:9

'A guna ḇato 'o mete'e 'a Kristus 'ai do-doto'o ua, re 'o maki-kiḏanga 'oru ga'a Unanga ro doto'o, Ma Jou'ongu Madutu 'o marimoi ua ra unanga. Mada'a, 'a guna ḇato 'o mete'e tau-taunu Kristus 'ai do-doto'o, Ma Jou'ongu Madutu, re 'Ai Ngowa'a Nau'u ḏi'i 'aḏi marimoi ra unanga.