Lukas 10:18 - Jaji ma Su-sungi

¹⁸ Yesus 'a sangoro, “Ngoi to oḏi'i ḏua 'Iblisi 'i eta'a da'u diwanga tala sa'olo ḇeḇelanga.

Lukas 10:18 Iomraidhean Croise

Matias 4:10

Yesus 'a sangoro, “ 'Iblisi no sisoi'i tala ngoi. Toma Boku 'Ofi-'Ofi ma dara 'i silefo so'o ne: ‘Silamo'o re siḏubuso Ma Jou'ongu Madutu, 'ani Jou re de-de'oso pa'i Unanga ḇato.’ ”

Yohanes 12:31

Nange-ne ma 'orasa 'i ngadolo ḏua di'a sijuruhakimi ngowa'a mo-moini toma dungia nena-ne. Nange-ne Ngoi to dusu'u 'Iblisi ga'a kuasa toma dungia.

Yohanes 16:11

Enanga 'i sitarangi ra ananga gena-ge mangale 'aḏi sijuruhakimi Ngoi 'i banari ua, sababu 'Iblisi ga'a 'i parenta toma dungia nena-ne, ri sanga katula.

'Ibrani 2:14

Ngowa-ngowa'a ga'a Ma Jou'ongu Madutu 'o si'aro'o 'Ai ngowa-ngowa'a, ananga gena-ge manusia remanga lese. Sababu gena-ge, Yesus 'o dadi ngowa'a manusia matengo ma tero sa'olo ngene, la 'ai se-sengene 'i singi-ngiranga 'Iblisi ma kuasa. 'Iblisi gena-ge 'i sigasa manusia toma sengene.

1 Yohanes 3:8

Mada'a ngowa'a ga'a 'a'a ḏosa tau-taunu, ananga gena-ge 'Iblisi ma ngowa-ngowa'a. Sababu ma mulaingi i'a, 'Iblisi 'i baraḏosa ḏua. Ma sababu gena-ge, Ma Jou'ongu Madutu 'ai Ngowa'a Nau'u 'o sapolo toma dungia nena-ne di'a 'a siwejere 'Iblisi ma munara.

Tingoýi 20:2

Ḏua unanga 'o cako'o naga gena-ge ga'a 'o ngorana ma biri'i, ma lomanga 'Iblisi bolo Roh ma Jira ma 'Olana re sirate ma di'ara musungu cala moi.

Tingoýi 9:1

Gena ḏua, mala'ekata ma nyo-nyoimi romotoa 'o wusu ma terompet re ngoi to oḏi'i mumuḏungu ngai moi 'i eta'a da'u diwanga tala. Ḏua mumuḏungu gena-ge 'i sanga kuci di'a ngabanga maut ma da-damunu.