Lukas 10:15 - Jaji ma Su-sungi

¹⁵ Re ngini ngowa'a Yahudi toma limau Kapernaum! Awa ngini ni ta'ajiri mangale Ma Jou'ongu Madutu ḏuanga i'a 'o dawongo ngini toma soroga! So'o gena ua! Mada'a Unanga 'o siupa'a ngini toma naraka!”

Lukas 10:15 Iomraidhean Croise

Matias 10:28

Awa ni mojongo manusia. Sababu ananga pa'i 'aḏi sisengene ninga lese, mada'a manga kuasa 'i cua di'a sihukumu ngini toma naraka. Momongolo ua Ma Jou'ongu Madutu, Unanga rai kuasa, 'O sisengene ninga lese re 'O sihukumu ngini toma naraka. Sababu gena-ge, mojongo pa'i Ma Jou'ongu Madutu ḇato.

Matias 11:23

Re ngini ngowa'a Yahudi toma limau Kapernaum! Awa ngini ni ta'ajiri mangale Ma Jou'ongu Madutu ḏuanga i'a 'o dawongo ngini toma soroga! So'o gena ua! Mada'a Unanga 'o siupa'a ngini toma naraka! Si'ade-'ade i'a Ngoi to 'a'a ga'a hera-heranga toma ngowa'a ma jira toma limau Sodom 'ua re 'au wali ma tero sa'olo Ngoi ta si'a'a ḏua ra ngini ninga sigolona, tantu ḏua limau Sodom gena-ge rema enanga singadolo nange-ne.

Matias 4:13

Gena ḏua, Unanga 'o sisoi'i tala limau Nazaret, re 'O tagi re 'O tegoro toma limau Kapernaum, toma talaga Galilea ma 'uḏu, toma daeraha Zebulon re Naftali.

Lukas 13:28

Ngini ḏuanga i'a ni oḏi'i 'a Abraham, Ishak re 'a Yakub, re nabi-nabi mo-moini ra Ma Jou'ongu Madutu 'ai dungia su-sungi ma dara. Mada'a ngini ḏuanga i'a ni doiti ma sangisara re ni rerese ma gaḏi, sababu ngini masiretene sanga dusu'u ni supu toma dungia su-sungi gena-ge!

Lukas 16:23

Toma naraka ngowa'a rema-enanga gena-ge 'o sangisara masala. Toma ngi'i gena-ge unanga 'o tatamo ie 'o oḏi'i 'a Abraham toma giḏanga re 'a Lazarus 'age ra 'a Abraham 'ai gagoro.

2 Petrus 2:4

'Ua re 'au wali moju Ma Jou'ongu Madutu 'o singi-ngiranga ua 'Ai hukumu di'a mala'ekata-mala'ekata, wakutu ananga 'aḏi 'a'a ḏosa. Mada'a ya'u siupa'a ananga toma naraka ma dara re ya'u sigae ananga toma aḏu'u ga'a lai hafu. Toma ngi'i gena-ge ananga 'aḏi totoma singadolo ma wangere 'i ngadolo, wakutu Ma Jou'ongu Madutu 'o sijuruhakimi ngowa-ngowa'a.