Lukas 1:79 - Jaji ma Su-sungi

⁷⁹ la Unanga 'o pula'a tarangi toma ngowa'a mo-moini ga'a 'aḏi 'ahu toma hafu-hafu re 'aḏi mojongo sengene. Unanga 'o sinyanyasele ngene toma ngo'omo, la ngene sanga dame ra Unanga masiretene ino.”

Lukas 1:79 Iomraidhean Croise

Matias 4:16

Ngowa'a toma daeraha-daeraha gena-ge 'aḏi tegoro toma hafu-hafu sababu 'aḏi nana'o ua Ma Jou'ongu Madutu, ananga gena-ge raḏi oḏi'i tarangi ma lamo'o. Re ngowa'a gena-ge ḏi'i ga'a 'aḏi mojongo sengene sababu manga ḏosa, nange-ne tarangi 'i pilata ḏua ra ananga!”

Lukas 2:32

Salamata ma Cimi gena-ge sa'olo tarangi rimoi ga'a sitarangi ngo'omo di'a ngowa'a Yahudi ua, la ananga nga'unu 'aḏi sapolo ra Ma Jou'ongu Madutu. Tarangi gena-ge 'i gasa lomanga gau'u toma ngowa'a Israel, 'Ani ngowa-ngowa'a.”

Yohanes 1:9

Tarangi mode-mode'e ga'a sitarangi ngowa'a mo-moini manga 'akala re sinyingara, tarangi gena-ge ri sapolo toma dungia.

Yohanes 12:46

Ngoi to sapolo toma dungia nena-ne to gasa tarangi, la ngowa'a ga'a 'aḏi ngaku Ngoi, ananga gena-ge 'aḏi 'ahu toma hafu-hafu ma dara riwara.

Yohanes 8:12

Ḏua Yesus 'o kanau moju toma ngowa'a repe so'o ne: “Ngoi nena-ne dungia ma tarangi, ngowa'a ga'a mete'e Ngoi ananga 'aḏi 'ahu toma hafu-hafu ma dara ua, mada'a ananga gena-ge 'aḏi sanga tarangi, la ananga nyengara 'aḏi 'ahu toma tarangi ma dara.”

Yohanes 9:5

Wakutu Ngoi to 'ahu moju toma dungia nena-ne, Ngoi nena-ne dungia ma tarangi.”

Yesus 'ai so-soma'a 10:36

Ioronongoḏu ngowa'a Yahudi, ngini ni waro ḏua mangale Ma Jou'ongu Madutu 'ai habari 'i singadolo toma bangsa Israel. Habari Roanga gena-ge mangale ma duhu sa'olo ngowa-ngowa'a nyengara sanga dame ra Ma Jou'ongu Madutu tala sababu Yesus Kristus ga'a 'Ai kuasa toma ngowa'a mo-moini: bae ngowa'a Yahudi bae ngowa'a Yahudi ua.

Yesus 'ai so-soma'a 26:18

di'a na siwelanga manga la'o, la 'aḏi supu toma hafu-hafu re 'aḏi osama toma tarangi ma dara re silalo'o ananga toma 'Iblisi ma pareta re 'aḏi osama nyo-nyoimi ra Ma Jou'ongu Madutu 'ai Pareta, la Unanga 'a singi-ngiranga manga ḏosa-ḏosa re 'aḏi dadi 'Ai 'umata ga'a Unanga 'o cumutu ḏua sababu ananga 'aḏi ngaku Ngoi.’ ”

Roma 3:17

re 'aḏi nana'o ua mangale dame ma ngo'omo.”

Efesus 5:8

'Au nga'ene, ngini ni 'ahu toma hafu-hafu, dadi ngini madiga'a so'o gena. Mada'a 'orasa nange-ne, ngini reni dadi Ma Jou 'ai 'umata, dadi ngini reni tegoro toma tarangi ma dara. Sababu gena-ge, ngini balasu 'ahu toma tarangi tau-taunu.