Lukas 1:78 - Jaji ma Su-sungi

⁷⁸ sababu nanga Jou'ongu Madutu, Unanga 'ai 'akala re sinyingara ma la-la masala di'a ngene. Sababu gena-ge, Unanga 'ai Ngowa'a Nau'u ḏuanga i'a 'o sapolo da'u toma soroga tala di'a 'O sisalamata ngene, ma tero sa'olo wangere ma la'o 'i pilata,

Lukas 1:78 Iomraidhean Croise

Yohanes 3:16

Ma Jou'ongu Madutu 'o dadalara manusia toma dungia ma tero so'o ne: Unanga ro 'utusu 'Ai Ngowa'a Nau'u pa'i matengo, la 'a guna ḇato 'o ngaku 'Ai Ngowa'a Nau'u gena-ge, 'o iranga ua kasingado-ngadolo i'a, mada'a 'o sanga 'ahu kasingado-ngadolo i'a.

Efesus 5:14

kara ngowa'a gena-ge 'aḏi 'ahu toma tarangi sababu 'o tarangi. Ma sababu gena-ge, ngowa'a 'aḏi kanau, “Momi'i, ngana ga'a no otu re dadunu no 'ahu moju toma ngowa'a senge-sengene ma sigolona. Ḏua Kristus 'ai cahaya ḏuanga i'a 'age ra ngana.”

Filipi 1:8

Ma Jou'ongu Madutu 'a waro mangale ngoi to mau masala di'a to ma'u sanga ngini moju, sababu ngoi to dadalara ngini ma tero sa'olo Kristus Yesus masiretene 'o dadalara ngini.

Filipi 2:1

Ngoi reto waro ngini ninga ngo-ngaku 'i te'e sababu ni marimoi ra Kristus! Ngini ni sanga hiburu sababu Kristus 'o dadalara ngini. Ma Ngagara 'Ofi-'Ofi 'i babata re 'i marimoi ra ngini singadolo ngini ma'u dadalara matengo re matengo.

Kolose 3:12

Ma Jou'ongu Madutu ro cumutu ngini sa'olo 'Ai 'umata ga'a ngowa'a 'ofi-'ofi re Unanga ro dadalara ngini. Sababu gena-ge, ngini ni 'ahu so'o ne: Ni riono matengo re matengo, ni pake 'akala rousu, ni maholo ninga diri, ni pake 'akala re sinyingara mereoso re 'akala ḇanyo.

2 Petrus 1:19

Sababu gena-ge, ngomi lebe ngaku mode-mode'e mangale Ma Jou'ongu Madutu 'ai habari ga'a nabi-nabi ma siḏa ya silefo pasala ḏua toma Boku 'Ofi-'Ofi. Habari gena-ge sa'olo lapuru malejanga toma hafu-hafu. Sababu gena-ge, ngini ni 'elingi tau-taunu taninga 'akala re sinyingara ma dara singadolo ma wangere ga'a Yesus Kristus dadunu 'o sapolo moju. Gena-ge ma tero sa'olo wangere ma la'o pilata re mumuḏungu toma wangere ma la'o ma tarangi ya 'erese.

1 Yohanes 3:17

Na'o ngini reninga bai'i ni oḏi'i ninga ioronongoḏu ngo-ngaku rimoi 'aḏi basono kuranga, mada'a ni siwaro i'a ua, nyengara ngini ni aje ni dadalara Ma Jou'ongu Madutu?! Tantu ḏua, ua!

Tingoýi 22:16

“Ngoi, Yesus, reto 'utusu 'Ari mala'ekata di'a 'a singadolo 'Ari habari nena-ne ra ngini, la jama'ata mo-moini nyengara 'aḏi dawongo habari nena-ne. Ngoi nena-ne 'Olana Daud 'ai ju'uda, Ngoi nena-ne mumuḏungu toma wangere ma la'o ino.”