Lukas 1:76 - Jaji ma Su-sungi

⁷⁶ Hai Yohanes ga'a 'Ari ngowa'a! Ngana ḏuanga i'a no dadi nabi ra Ma Jou'ongu Madutu toma Gau'u sababu Unanga ḏuanga i'a 'o 'utusu ngana siḏa no sidodahe Ma Jou 'ai ngo'omo,

Lukas 1:76 Iomraidhean Croise

Matias 14:5

Herodes mau 'o sisengene 'a Yohanes, mada'a unanga ḏi'i 'o mojongo ngowa'a kawasa, sababu ananga 'aḏi ngaku 'a Yohanes gena-ge nabi.

Matias 21:26

Mada'a na'o wo sangoro, ‘Unanga 'o sanga kuasa toma manusia ino,’ ngene wo mojongo ngowa'a repe sababu ananga mo-moini 'aḏi ngaku Yohanes gena-ge 'o dadi nabi.”

Matias 3:11

Ngoi to baptis ngini reo ḇanyo sa'olo nana'o rimoi mangale ngini reni maḏibo toma ngo'omo boloto. Mada'a togumu i'a Unanga ga'a ḏuanga i'a 'O sapolo di'a baptis ngini rema Ngagara 'Ofi-'Ofi re u'u. Unanga lebe la-lamo'o ra ngoi, ta gasa 'Ai tarupa mai patasa ua.

Matias 3:3

Nabi Yesaya 'o kanau pasala ḏua mangale Yohanes gena-ge ma betongo so'o ne: “ 'Age rema ngowa'a matengo 'o kanau siduga-duga toma daeraha baulaco so'o ne: ‘Sidodahe ngo'omo di'a Ma Jou, siboloto ngo'omo gena-ge di'a Unanga.’ ”

Markus 11:32

Re na'o wo kanau, ‘Unanga 'o sanga kuasa toma manusia ino,’ 'i kangela ḏi'i.” Sababu ananga 'aḏi mojongo ngowa'a repe sababu ngowa'a mo-moini 'aḏi ngaku Yohanes gena-ge 'o dadi nabi.

Lukas 1:32

Unanga ḏuanga i'a 'o dadi lamo'o re ngowa-ngowa'a ḏuanga i'a 'aḏi si'aro'o Unanga Ma Jou'ongu Madutu toma Gau'u 'ai Ngowa'a Nau'u. Ma Jou ga'a Ma Jou'ongu Madutu ḏuanga i'a 'o sidadi Unanga sa'olo 'Olana, ma tero sa'olo 'Olana Daud, Unanga 'ai ete re dotumu 'ua re 'au wali.

Lukas 1:35

Mala'ekata gena-ge 'o sangoro, “Ma Jou'ongu Madutu 'ai Ngagara 'Ofi-'Ofi ḏuanga i'a 'i sapolo ra ngana, re Ma Jou'ongu Madutu toma Gau'u rai kuasa ḏuanga i'a 'o saolo ngana. Sababu gena-ge Unanga, ga'a ḏuanga i'a ngana nu sibuoro, si'aro'o Ma Jou'ongu Madutu 'Ai Ngowa'a ga'a 'Ofi-'Ofi.

Lukas 6:35

Ngini so'o gena awa! Siḏibo ḏi'i ngini balasu ni dadalara ninga lawana, re ni 'a'a la-la ra ananga gena-ge: Ngini balasu ni pula'a bau 'ori i'a rimoi i'a taninga lawana re awa ni nganono enanga ma ḏibo. Na'o ngini ni 'a'a so'o gena ḏuanga i'a ni sanga ngogele lai lamo'o, re ngini ni sijumu mode-mode'e ngini sa'olo Ma Jou'ongu Madutu toma Gau'u 'ai ngowa-ngowa'a. Sababu Ma Jou'ongu Madutu 'a sijumu 'Ai 'akala ma la-la toma ngowa'a ma jira re ngowa-ngowa'a ga'a 'elingi ngowa'a manga la-la ua ḏi'i.

Yohanes 1:23

Yohanes 'a sangoro 'o pake Nabi Yesaya 'ai demo-demo so'o ne: “Ngoi nena-ne 'ari iḏingi ga'a 'i kanau siduga-duga toma daeraha baulaco so'o ne: ‘Siboloto ngo'omo di'a Ma Jou.’ ”

Yohanes 1:27

Unanga 'o sapolo tuu'u reo ngoi, mada'a ta gasa 'Ai tarupa mai patasa ua.”

Yohanes 3:28

Ngini masiretene rena 'isene 'oru ga'a ngoi to kanau, ‘Ngoi nena-ne 'O Kristus ua, mada'a Ma Jou'ongu Madutu 'o 'utusu ngoi to siḏa ra Unanga.’

Yesus 'ai so-soma'a 16:17

Munanga gena-ge mo mete'e Paulus re ngomi tau-taunu, re mo maboa-boa'a, “Ngowa-ngowa'a nena-ne Ma Jou'ongu Madutu toma Gau'u 'Ai falalomu. Ananga 'aḏi sapolo 'aḏi siajele ra ngini ngo'omo di'a ngini sanga salamata!”