Lukas 1:75 - Jaji ma Su-sungi

⁷⁵ renanga 'ahu 'ofi-'ofi re loasa re banari ra Ma Jou'ongu Madutu 'ai momina tananga 'ahu ma giḏanga i'a.

Lukas 1:75 Iomraidhean Croise

Matias 1:21

Maria ḏuanga i'a mo sibuoro ngowa nau'u matengo. Ngowa kiau gena-ge ngana balasu no silomanga 'a Yesus, sababu Unanga nena-ne ḏuanga i'a 'O sisalamata 'Ai ngowa-ngowa'a tamanga ḏosa.”

Efesus 1:4

Dungia 'i dadi nyangu, Unanga rena pili ngene ḏuanga i'a wo dadi marimoi ra Kristus, la ngene wo dadi Unanga 'ai ngowa-ngowa'a, kananga ḏosa ua re kananga sala ua ra Unanga 'ai momina.

Efesus 2:10

sababu Ma Jou'ongu Madutu masiretene 'o 'a'a ngene manusia su-sungi wo marimoi ra Kristus Yesus. Ma Jou'ongu Madutu 'o tuhu ngene so'o gena-ge, la ngene nyengara wo 'a'a ga'a ma la-la, ga'a Unanga ra sidodahe di'a ngene.

Efesus 4:24

Re ngini reni dawongo do-doto'o ḏi'i mangale ngini balasu ninga 'ahu ma tero sa'olo manusia su-sungi ga'a Ma Jou'ongu Madutu ro si'a'a: Ngini balasu ni mete'e Unanga 'ai de'oso re ḏegoro ga'a ma banari, boloto re 'ofi-'ofi.

1 Tesalonika 4:1

Ioronongoḏu ngo-ngaku rimoi, ma ḏo-ḏogumu ngomi ma siajele re masijumu pasala ḏua ra ngini mangale ma duhu sa'olo ninga 'ahu balasu mete'e Ma Jou Yesus 'ai mau, la taninga 'ahu 'i sisanangi Ma Jou'ongu Madutu 'ai 'akala re sinyingara. Ngomi ma waro, ngini rena si'a'a mada'a nange-ne sababu ngene wo marimoi ra Ma Jou Yesus, ngomi mi golo'o mode-mode'e ngini lebe cufala i'a ḏi'i.

1 Tesalonika 4:7

I'a sa'olo Ma Jou'ongu Madutu 'aro'o ngene, la wo sudala?! Sanga ua! Siḏibo ḏi'i, la nanga 'ahu balasu 'i dadi 'ofi-'ofi.

2 Tesalonika 2:13

Ioronongoḏu ngo-ngaku rimoi ga'a Ma Jou Yesus 'o dadalara, mode-mode'e 'i banari mangale ngomi mi sibere ie minga murasa ma la ra Ma Jou'ongu Madutu tau-taunu mangale ngini. Sababu toma 'ua re 'au wali moju Ma Jou'ongu Madutu 'o cumutu ḏua ngini, la sisalamata ngini. Enanga gena-ge 'i dadi, sababu Ma Ngagara 'Ofi-'Ofi 'i sidadi ngini Unanga 'ai ngowa'a 'ofi-'ofi, re sababu ngini ni ngaku habari banari ra Ma Jou'ongu Madutu ino.

2 Timotius 1:9

Ma Jou'ongu Madutu na sisalamata ngene re 'O 'aro'o ngene, la wo dadi Unanga 'ai ngowa-ngowa'a masiretene ga'a Unanga 'o cumutu ḏua. I'a sa'olo Ma Jou'ongu Madutu 'a si'a'a so'o gena? Sababu ngene wo madaga'a 'ori i'a ma la-la; so'o gena-ge ua! Mada'a, sababu mete'e Unanga 'ai mau re Unanga 'ai mura re dadalara ḇato. Wakutu Unanga 'o sidadi nyangu dungia, Unanga ro sitantukanga ḏua 'O pula'a 'Ai mura re dadalara gena-ge ra ngene sababu Kristus Yesus.