Lukas 1:7 - Jaji ma Su-sungi

⁷ Ananga 'aḏi sanga ngowa'a ua, sababu ngo Elisabet mo ngonono re ananga nga muḏiḏi raḏi piri'i.

Lukas 1:7 Iomraidhean Croise

Lukas 1:5

Wakutu Herodes 'o dadi 'olana toma daeraha Yudea, 'age rema 'imam matengo 'ai lomanga 'a Zakaria. Unanga 'o osama nyo-nyoimi toma 'imam Abia 'ai ju'uda re 'ai were'a 'ami lomanga ngo Elisabet, munanga ḏi'i 'imam Harun 'ai ju'uda.

Lukas 1:6

Ananga were'a nau'u manga 'ahu, re manga de'oso re ḏegoro 'i sisanangi Ma Jou'ongu Madutu 'ai 'akala re sinyingara sababu ananga nga muḏiḏi ngowa'a loasa re banari ga'a mode-mode'e 'aḏi mete'e Ma Jou'ongu Madutu 'Ai 'atoranga re 'Ai Hukumu.

Lukas 1:8

Toma 'orasa rimoi, wakutu 'imam Abia 'ai balangu sanga ju-jumutu di'a 'o jaga, 'imam Zakaria sanga cumutu di'a made-de'oso sa'olo 'imam ra Ma Jou'ongu Madutu 'ai Wala ma dara.

Roma 4:19

Toma 'orasa gena-ge, Abraham 'ai lese ma tero sa'olo 'i sengene, sababu 'ai 'umuru sebanga musungu latu moi. Dadi unanga ro waro mangale unanga nga'unu 'o sanga ju'uda riwara. So'o gena ḏi'i, ngo Sara mo ngonono. Mada'a Abraham 'ai ngo-ngaku kama kuranga ua.

'Ibrani 11:11

Sababu Abraham 'ai ngo-ngaku, kalaha unanga ro piri'i re ngo Sara mo ngonono, Ma Jou'ongu Madutu 'o pula'a de-de'e ra unanga, la unanga sanga ngowa'a nau'u. Gena-ge 'i dadi sababu Abraham 'o ngaku mode-mode'e mangale Ma Jou'ongu Madutu 'a sitotomo 'Ai jaji.