Lukas 1:6 - Jaji ma Su-sungi

⁶ Ananga were'a nau'u manga 'ahu, re manga de'oso re ḏegoro 'i sisanangi Ma Jou'ongu Madutu 'ai 'akala re sinyingara sababu ananga nga muḏiḏi ngowa'a loasa re banari ga'a mode-mode'e 'aḏi mete'e Ma Jou'ongu Madutu 'Ai 'atoranga re 'Ai Hukumu.

Lukas 1:6 Iomraidhean Croise

Lukas 1:7

Ananga 'aḏi sanga ngowa'a ua, sababu ngo Elisabet mo ngonono re ananga nga muḏiḏi raḏi piri'i.

Lukas 16:15

Mada'a Yesus 'o kanau ra ananga, “Ngini nena-ne ni matuhu ngowa'a loasa re banari toma mandan. Mada'a Ma Jou'ongu Madutu 'a waro ninga 'akala re sinyingara. Sababu 'ori i'a ga'a manusia 'aḏi nyafusu, Ma Jou'ongu Madutu 'a emono.

Lukas 2:25

'Orasa gena-ge toma limau Yerusalem 'age rema ngowa'a matengo 'ai lomanga Simeon, ngowa'a loasa re banari ga'a 'o 'ahu di'a sisanangi Ma Jou'ongu Madutu 'ai 'akala re sinyingara re Ma Ngagara 'Ofi-'Ofi 'i nyanyasele unanga. Unanga gena-ge 'o totoma Ma Jou'ongu Madutu 'o sisalamata 'Ai ngowa-ngowa'a Israel enanga ma 'orasa.

Yesus 'ai so-soma'a 2:25

Mangale Yesus nena-ne, 'a Daud 'o kanau pasala ḏua, ‘Ngoi to oḏi'i tau-taunu Ma Jou 'age tari biono. Ngoi ḏuanga i'a to mojongo ua 'a guna ḇato, sababu 'age Unanga sebanga ra ngoi.

Yesus 'ai so-soma'a 23:1

Paulus 'o tatamo i'a toma Mahkamah 'Agama re 'o kanau, “Ioronongoḏu ngowa'a Yahudi, singadolo 'orasa nena-ne ngoi to mabasono tala 'ari 'akala re sinyingara ma kanau re tari 'ahu ma dara to 'a'a rapu nyangu ra Ma Jou'ongu Madutu 'ai momina.”

Yesus 'ai so-soma'a 24:16

Sababu gena-ge, ngoi to makutale madiga'a 'ori i'a la-la, la 'ari 'akala re sinyingara ma kanau 'i 'ofi-'ofi bae ra Ma Jou'ongu Madutu, bae ra ngene manusia matengo re matengo.

Yesus 'ai so-soma'a 8:21

Ngana no ma'u mete'e munara ra ngomi yoḏu'u sababu 'ani 'akala re sinyingara ma dara 'i banari ua ra Ma Jou'ongu Madutu 'ai momina.

Roma 8:4

Ma Jou'ongu Madutu 'o 'a'a so'o gena-ge, la ngene ga'a nanga 'ahu mete'e Ma Ngagara 'Ofi-'Ofi ma mau, re mete'e riwara manusia ma tabeata baraḏosa, ngene gena-ge nyengara mete'e mo-moini ga'a ra Musa 'ai hukumu.

1 Korintus 11:2

Ngoi tini sitoro sababu ngini ni 'elingi tau-taunu 'ari de'oso re ḏegoro re 'ari do-doto'o. Sidogo ḏi'i, ngini ni mete'e mode-mode'e 'ari do-doto'o ga'a reni dawongo re to sipula'a ḏua ra ngini.

2 Korintus 1:12

Ngomi mi basono tala sanangi masala, sababu minga 'akala re sinyingara ma kanau 'i dadi minga sakisi mangale minga 'ahu ma duhu: Ngomi remi sijumu tau-taunu de'oso re ḏegoro 'ofi-'ofi reminga 'akala re sinyingara 'i ba-banari toma ngowa'a mo-moini, re la-lamo'o i'a ra ngini wakutu mi tegoro taninga sigolona pasala ḏua. 'Ahu ma duhu gena-ge 'i sisanangi Ma Jou'ongu Madutu 'ai 'akala re sinyingara. Re ḏi'i, ngomi minga de'oso re ḏegoro gena-ge 'i mete'e ua manusia manga 'akala ma soro'unu, mada'a 'i mete'e Ma Jou'ongu Madutu 'ai mura re dadalara ga'a 'O pula'a ra ngomi.

Filipi 2:15

Dadi ngini ni sijumu mangale ngini mode-mode'e Ma Jou'ongu Madutu 'ai ngowa-ngowa'a 'ofi-'ofi re kaninga sala ua, ni 'ahu loasa re banari toma ngowa'a ma jira re ngowa'a baraḏosa manga sigolona. Wakutu ngini ni singadolo Habari Roanga ga'a sigasa 'ahu toma ngowa-ngowa'a, ngini ma tero sa'olo mumuḏungu ma cahaya ga'a 'i sitarangi dungia ma hafu-hafu. Na'o ngini ninga 'ahu so'o gena 'i dadi nana'o rimoi, la ngoi ḏuanga i'a to maroanga wakutu Kristus dadunu 'o sapolo moju. Sababu enanga 'i dadi bukiti mangale 'ari galasau'u ma duduala 'i parasaja ua.

Kolose 1:22

Kalaha so'o gena-ge, Ma Jou'ongu Madutu 'a sirimoi moju ngene ra Unanga sababu Unanga 'ai Ngowa'a Nau'u 'O sengene sa'olo manusia. 'Ai se-sengene gena-ge 'i sidadi ngini ninga 'ahu 'i 'ofi-'ofi, kama faja ua, re kaninga sala ua ra Ma Jou'ongu Madutu 'ai momina.

1 Tesalonika 3:13

Ḏi'i, ngomi mi golo'o ra Unanga gena-ge mangale 'a site'e ninga 'akala re sinyingara, la ra Ma Jou'ongu Madutu nanga Ḇaḇa 'ai momina ngini ngowa'a 'ofi-'ofi re de'oso re ḏegoro ma rapu ua wakutu Ma Jou Yesus dadunu 'o sapolo moju mame-mete'e ngowa'a ga'a raḏi dadi Ma Jou'ongu Madutu 'ai ngowa-ngowa'a.

2 Petrus 3:14

Sababu gena-ge, ioronongoḏu ngo-ngaku rimoi ga'a ngoi tunu dadalara, wakutu ngini ni totoma ma 'orasa gena-ge moju, ngini balasu ni makutale mode-mode'e, la ninga 'ahu 'i dadi 'ofi-'ofi, kama ḏosa awa ra Ma Jou'ongu Madutu 'ai momina, re balasu ni makutale mode-mode'e ni 'ahu marimoi la-la ra Ma Jou'ongu Madutu.

1 Yohanes 2:29

Ngini na waro ḏua mangale Kristus 'ai de'oso re ḏegoro mete'e Ma Jou'ongu Madutu 'ai 'akala ma mau. Re ngini na waro ḏua ḏi'i 'a guna ḇato 'ai de'oso re ḏegoro mete'e Ma Jou'ongu Madutu 'ai 'akala ma mau, ngowa'a gena-ge Ma Jou'ongu Madutu 'ai ngowa-ngowa'a.

1 Yohanes 2:3

Na'o ngene wa mete'e tau-taunu 'oru ḇato ga'a Ma Jou'ongu Madutu 'ai parenta, gena-ge 'i dadi nana'o rimoi mangale ngene mode-mode'e wo nana'o Unanga.

1 Yohanes 3:7

'Ari ngowa-ngowa'a, ngini balasu ni ma'istiari ino awa-awa ngowa'a nu'u sihaga. Ngowa'a ga'a mete'e Ma Jou'ongu Madutu 'ai 'akala ma mau ananga gena-ge ngowa'a loasa re banari ma tero sa'olo Kristus.