Lukas 1:53 - Jaji ma Su-sungi

⁵³ Ma Jou'ongu Madutu 'o pula'a 'ori i'a ma la-la toma ngowa-ngowa'a ma dinga'unu ua singadolo ananga 'aḏi basono kama kuranga ua, mada'a ngowa'a rema-enanga Ma Jou'ongu Madutu ḏuanga i'a 'o soma'a 'aḏi tagi kamanga 'oru ua.

Lukas 1:53 Iomraidhean Croise

Matias 5:6

Bara'utungu ngowa'a ga'a 'aḏi nyafusu madutu dadi ngowa'a loasa re banari ra Ma Jou'ongu Madutu 'ai momina, sababu Ma Jou'ongu Madutu masiretene ḏuanga i'a 'o sitotomo manga mau.

Lukas 1:54

Unanga 'o riono ngowa'a Israel, 'Ai falalomu-falalomu, mete'e 'Ai jaji ga'a 'o sijaji ḏua 'ua re 'au wali ra ngene nanga ete re dotumu.

Lukas 6:21

Bara'utungu nange-ne ngini ga'a ni sawini, ngini ḏuanga i'a ni wunusu. Bara'utungu nange-ne ngini ga'a ni rerese ma gaḏi, ngini ḏuanga i'a ni maroanga.

Lukas 6:24

Mada'a bahala ngini ga'a ngowa'a rema-enanga nange-ne, sababu ngini rena sanga ḏua ninga sanangi.

Yohanes 6:35

Yesus 'o kanau ra ananga, “Ngoi nena-ne roti ga'a sigasa 'ahu. Ngowa'a ga'a sapolo ra Ngoi, ananga kama sawini riwara re ngowa'a ga'a ngaku Ngoi, ananga manga camala kama dudungu riwara.

1 Korintus 1:26

Ioronongoḏu ngo-ngaku rimoi, na si'elingi ie ninga 'ahu wakutu Ma Jou'ongu Madutu 'o 'aro'o ngini nyangu. Taninga sigolona ni repe nyangu ga'a remanga 'akala ma soro'unu bolo remanga ḏe-ḏegoro, bolo remanga kuasa toma manusia manga momina.

1 Korintus 4:8

Toma 'orasa nange-ne, ngini ni fikiri mode-mode'e ngini ninga paralu kama kuranga cocatu rimoi i'a mai riwara! Mada'a so'o gena ua! Ngini ni ta'ajiri mode-mode'e ngini ḏi'i reni dadi 'olana, re ngomi so'o gena ua! Mada'a so'o gena ua! Bara'utungu masala na'o mode-mode'e ngini ni gu'u parenta, la ngini re ngomi ngene wo marimoi wa siḏagi parenta gena-ge.