Lukas 1:49 - Jaji ma Su-sungi

⁴⁹ Sababu Ma Jou'ongu Madutu ga'a 'Ai kuasa ma pari cua, Unanga gena-ge 'o 'a'a 'ori i'a la-lamo'o rimoi ra ngoi. Ma Jou'ongu Madutu mode-mode'e 'o 'Ofi-'Ofi.

Lukas 1:49 Iomraidhean Croise

Markus 5:13

Re Unanga 'o nyengara. Dadi roh-roh ma jira gena-ge 'i supu toma ngowa'a nange-ge, re 'i mangosama toma soto. Soto mo-moini 'i wiḏi i'a toma bawata ma 'uḏu re 'i maḏupaka toma talaga ma dara singadolo ri jala.

Lukas 1:48

Kalaha ngoi ta Ma Jou'ongu Madutu ma tero sa'olo 'Ai budaka ma pake ua, Unanga 'o sidaioranga ngoi ua. Mulaingi nange-ne re si'a, nani ma soi nani 'aḏi si'aro'o ngoi bara'utungu.

Lukas 1:50

Nani ma soi nani, Ma Jou'ongu Madutu 'a sijumu 'Ai 'akala re sinyingara ma la-la toma ngowa-ngowa'a ga'a 'aḏi silamo'o Unanga.

Efesus 3:20

Ma Jou'ongu Madutu 'ai kuasa lai lamo'o ga'a 'i si'a'a ra ngene nanga 'akala re sinyingara ma dara. Sababu 'ai kuasa gena-ge, Unanga nyengara 'a si'a'a lebe lamo'o i'a reo 'oru ngene nga'unu wa fikiri re wo golo'o ra Unanga.

Tingoýi 15:4

'A guna 'o mojongo ua Ma Jou'ongu Madutu?! 'A guna 'o oḏu'u siajele 'Ani kabasarana, Ma Jou'ongu Madutu?! Pa'i Ma Jou'ongu Madutu masiretene ḇato no 'Ofi-'Ofi. Bangsa mo-moini ḏuanga i'a 'aḏi sapolo re 'aḏi silamo'o re siḏubuso Ma Jou'ongu Madutu, sababu ngowa'a repe raḏi oḏi'i 'Ani munara loasa re banari.”

Tingoýi 4:8

Makhluk rata gena-ge, rimoi re rimoi ma kalatu'u rarama, ma lese 'i romanga reo la'o sidogo toma kalatu'u ma re'u re 'aḏu. Lobi'i re wangere makhluk gena-ge 'i kanau kama togu-togumu ua, ma betongo so'o ne: “ 'Ofi-'Ofi, 'Ofi-'Ofi, 'Ofi-'Ofi Ma Jou ga'a Ma Jou'ongu Madutu, Unanga ga'a 'Ai kuasa ma pari cua; Unanga nena-ne ga'a 'age ḏua toma 'ua re 'au wali moju, nange-ne re kasingado-ngadolo i'a.”