Lukas 1:47 - Jaji ma Su-sungi

⁴⁷ re Ngoi rari nyawa 'i maroanga sababu Ma Jou'ongu Madutu, Unanga gena-ge 'ari Salamata ma Cimi.

Lukas 1:47 Iomraidhean Croise

Lukas 2:11

Wangere nange-ne toma limau ga'a 'Olana Daud 'ai dola'a ututu ma ngi'i, sibuoro ḏua ninga Salamata ma Cimi, Unanga gena-ge 'O Kristus, Ma Jou.

1 Timotius 1:1

Ngoi, Paulus, to lefo surata nena-ne ra ngana, Timotius, ga'a ma tero ḇato sa'olo ngoi 'ari ngowa'a madutu, sababu ngana re ngoi, ngene rewo ngaku Ma Jou Yesus. Ngoi to dadi Kristus Yesus 'ai so-soma'a mete'e Ma Jou'ongu Madutu 'ai parenta, Unanga ga'a nanga Salamata ma Cimi, re ḏi'i mete'e Yesus Kristus 'ai parenta, Unanga ga'a nanga ngo-nganono. Ngoi to golo'o ra Ma Jou'ongu Madutu nanga Ḇaḇa re Yesus Kristus nanga Jou di'a 'aḏi sijumu 'akala re sinyingara ma la-la re 'aḏi pula'a mura re dadalara re ḏi'i dame ra ngana.

1 Timotius 2:3

Manyiata so'o gena 'i rousu masala re sisanangi Ma Jou'ongu Madutu 'ai 'akala re sinyingara, Unanga ga'a nanga Salamata ma Cimi.

Titus 1:3

Ma 'orasa 'i tero-tero, Ma Jou'ongu Madutu 'a siwaiti 'Ai habari. Re Ma Jou'ongu Madutu, nanga Salamata ma Cimi, 'i mete'e 'ai bererongo 'O siwatasa ngoi di'a ngoi ta singadolo 'Ai habari gena-ge.

Titus 2:10

bolo 'aḏi to-tori'i. Siḏibo ḏi'i, ananga balasu 'aḏi sijumu manga 'ahu la-la re rousu tamanga de'oso re ḏegoro ma dara, la ananga sanga ngaku tamanga tuanga. Na'o manga de'oso re ḏegoro ma duhu so'o gena, si'a'a ngowa'a mau 'aḏi 'isene do-doto'o ra Ma Jou'ongu Madutu ino, ngene nanga Salamata ma Cimi.

Titus 2:13

Ngene balasu wo 'ahu so'o gena, sababu wo totoma re wa ngano-nganono tau-taunu di'a ma 'orasa barakati enanga 'i ngadolo. Toma wangere gena-ge, ngowa'a mo-moini ḏuanga i'a 'aḏi oḏi'i Yesus Kristus, nanga Salamata ma Cimi Rai kabasarana, re Ma Jou'ongu Madutu ga'a 'Ai kuasa ma pari cua.

Yudas 1:25

Unanga gena-ge pa'i Ma Jou'ongu Madutu ga'a nanga Salamata ma Cimi sababu ngene rewo marimoi ra Yesus Kristus nanga Jou. Unanga gena-ge 'O mulia 'O kabasarana, 'Ai kuasa ma pari cua ga'a 'O parenta wakutu dungia re diwanga 'i sidadi nyangu singadolo nange-ne re kasingado-ngadolo i'a! 'Amin.