Lukas 1:35 - Jaji ma Su-sungi

³⁵ Mala'ekata gena-ge 'o sangoro, “Ma Jou'ongu Madutu 'ai Ngagara 'Ofi-'Ofi ḏuanga i'a 'i sapolo ra ngana, re Ma Jou'ongu Madutu toma Gau'u rai kuasa ḏuanga i'a 'o saolo ngana. Sababu gena-ge Unanga, ga'a ḏuanga i'a ngana nu sibuoro, si'aro'o Ma Jou'ongu Madutu 'Ai Ngowa'a ga'a 'Ofi-'Ofi.

Lukas 1:35 Iomraidhean Croise

Matias 1:18

Sibuoro 'a Yesus Kristus ma jarita so'o ne: Yesus 'ai ngina ga'a 'ami lomanga ngo Maria, munanga Yusuf 'ai ga-ganau. Mada'a wakutu ananga 'aḏi ma'u molo'ara nyangu, ngo Maria 'ami po'olo ri tegoro sababu Ma Ngagara 'Ofi-'Ofi ma kuasa.

Matias 1:20

Wakutu 'a Yusuf 'o matakasiri hali gena-ge, unanga 'o nanele. Tai nanele ma dara, unanga 'o oḏi'i Ma Jou'ongu Madutu 'ai mala'ekata matengo ga'a 'o kanau ra unanga ma betongo so'o ne: “Yusuf, 'Olana Daud 'ai ju'uda, mojongo awa molo'ara ngo Maria, sababu 'ami la'ekata tami po'olo gena-ge ma dara 'i dadi mete'e Ma Ngagara 'Ofi-'Ofi ma kuasa.

Matias 14:33

Yesus 'ai me-mete'e ananga mo-moini 'aḏi silamo'o re siḏubuso Unanga. Ananga gena-ge 'aḏi kanau, “Mode-mode'e, Jou Ma Jou'ongu Madutu 'ai Ngowa'a Nau'u!”

Matias 27:54

Sordado ma sae'e remanga sordado-sordado ga'a dadanu Yesus, ananga 'aḏi matai mojongo sababu 'aḏi basono wusu re raḏi oḏi'i 'ori i'a i'a 'i dadi. Ḏua ananga 'aḏi kanau, “Unanga nena-ne mode-mode'e Ma Jou'ongu Madutu 'ai Ngowa'a Nau'u!”

Matias 4:3

'Iblisi 'i sapolo re 'i kanau ra Unanga, “Ngana nena-ne Ma Jou'ongu Madutu 'ai Ngowa'a Nau'u. Dadi no soma'a maḏi nena-ne 'i dadi roti.”

Markus 1:1

Nena-ne Habari Roanga ma mulaingi mangale Yesus Kristus, Ma Jou'ongu Madutu 'ai Ngowa'a Nau'u.

Markus 1:24

“Ngana no 'a'a 'oru ra ngomi? He, Yesus ngowa'a Nazaret, Ngana no sapolo mau sijira ngomi? Ngoi ta waro Ngana gena-ge 'a guna: Ngana Ngowa'a 'Ofi-'Ofi da'u ra Ma Jou'ongu Madutu tala.”

Lukas 1:27

Gabriel sanga 'utusu tagi toma mosolese matengo ga'a mo waro nau'u nyangu re 'ami lomanga ngo Maria. Mosolese gena-ge Yusuf 'ai ga-ganau re Yusuf unanga gena-ge Daud 'ai ju'uda.

Lukas 1:34

Ngo Maria mo kanau i'a toma mala'ekata gena-ge, “Enanga gena-ge 'i dadi ma duhu sa'olo, sababu ngoi to waro nau'u nyangu?”

Lukas 1:36

Na 'elingi: Kalaha ngo Elisabet, 'ani ioro, mo piri'i re ngowa'a 'aḏi kanau munanga gena-ge mo sanga ngowa'a ri yoḏu'u, munanga rami lese re ngara rarama ḏua! Sababu 'oru ga'a 'i osama 'akala ua toma manusia, mada'a ra Ma Jou'ongu Madutu 'i nyengara.”

Yohanes 1:34

Dadi ngoi reto oḏi'i masiretene re to pula'a sakisi mangale Yesus gena-ge Ma Jou'ongu Madutu 'ai Ngowa'a Nau'u.”

Yohanes 1:49

Natanael 'o kanau, “Rabi, Jou mode-mode'e Ma Jou'ongu Madutu 'ai Ngowa'a Nau'u re mode-mode'e ngowa'a Israel manga 'Olana!”

Yohanes 20:31

Mada'a mo-moini gena-ge ri silefo toma boku nena-ne, la nyengara ngini ni ngaku mangale Yesus gena-ge 'O Kristus, Ma Jou'ongu Madutu 'ai Ngowa'a Nau'u re na'o ni ngaku Unanga, ngini sanga 'ahu kasingado-ngadolo i'a.

Yesus 'ai so-soma'a 8:36

Tamanga ḏo-ḏagi gena-ge ma dara, ananga 'aḏi ngadolo toma ngi'i rimoi rema ḇanyo. Ngowa'a Etiopia gena-ge 'o kanau, “Oḏi'i 'age rema ḇanyo! Nyengara bolo ua to sanga baptis?” [

Roma 1:4

Mada'a mete'e Ma Ngagara 'Ofi-'Ofi, Unanga gena-ge Ma Jou'ongu Madutu 'ai Ngowa'a Nau'u. Ma Jou'ongu Madutu 'o sijumu rai kuasa rema pari cua mangale Yesus Unanga 'Ai Ngowa'a Nau'u wakutu Ma Jou'ongu Madutu dadunu 'o si'ahu nanga Jou Yesus Kristus toma ngowa'a senge-sengene manga sigolona.

Galatia 2:20

'Ari 'ahu ne, ngoi 'ari 'ahu 'ua mada'a Kristus masiretene ro 'ahu ra ngoi. 'Ahu ga'a ngoi ta basono nange-ne sababu ngoi to ngaku Ma Jou'ongu Madutu 'ai Ngowa'a Nau'u ga'a 'o dadalara ngoi re Unanga 'o sengene di'a ngoi.

Efesus 2:3

'Au nga'ene, ngene mo-moini wo ma tero sa'olo ananga gena-ge: Nanga 'ahu mete'e dungia ma nyafusu, wo 'a'a 'oru ḇato di'a sisanangi nanga lese re 'akala re sinyingara. Toma 'orasa gena-ge, ngene wo osama nyo-nyoimi ra ananga ga'a ḏuanga i'a sanga hukumu ra Ma Jou'ongu Madutu, ma tero sa'olo ngowa'a lelegu ga'a 'aḏi ngaku Yesus ua.

'Ibrani 4:15

Sababu Yesus, ngene nanga 'Imam 'Agung gena-ge, Unanga 'o sahe mode-mode'e ngene nanga lamahana. Sababu Unanga masiretene 'a sanga bo-baja toma 'oru ḇato ma tero sa'olo ngene. Mada'a ma tero sa'olo ngene ua, Unanga kama ḏosa ua.