Lukas 1:33 - Jaji ma Su-sungi

³³ Re Unanga ḏuanga i'a 'o parenta sa'olo 'olana nena re si'a toma ngowa-ngowa'a manga ju'uda ra Yakub ino. 'Ai pareta kama ḏo-ḏogumu ua.”

Lukas 1:33 Iomraidhean Croise

Matias 1:1

Toma boku nena-ne, Yesus Kristus ga'a 'Olana Daud 'ai ju'uda re Abraham 'ai ju'uda ḏi'i, Unanga gena-ge 'Ai ete re dotumu manga loma-lomanga 'i silefo so'o ne:

Matias 28:18

Yesus 'o macori i'a ra ananga re 'o kanau, “Kuasa mo-moini bae toma soroga, bae toma dungia gena-ge Ri sipula'a ra Ngoi.

Lukas 1:34

Ngo Maria mo kanau i'a toma mala'ekata gena-ge, “Enanga gena-ge 'i dadi ma duhu sa'olo, sababu ngoi to waro nau'u nyangu?”

Roma 9:6

Ngoi 'ari maksudu ua so'o ne: Ma Jou'ongu Madutu 'o sitotomo 'ai jaji ua toma ngowa'a Yahudi! Mada'a Ma Jou'ongu Madutu 'o cumutu ua ngowa'a Israel mo-moini di'a dadi 'Ai 'umata mode-mode'e, ananga gena-ge ga'a dawongo 'oru ga'a Unanga ro sijaji.

Galatia 3:29

Re sababu ngini ni marimoi ra Kristus, ngini reni dadi Abraham 'ai ju'uda. Dadi ngini ḏi'i ni dawongo 'oru ḇato ga'a Ma Jou'ongu Madutu 'a sijaji ra Abraham pasala ḏua.

Galatia 6:16

Ngoi to golo'o ra Ma Jou'ongu Madutu mangale 'O pula'a dame re 'O sijumu dadalara toma ngowa'a mo-moini ga'a manga 'ahu 'i mete'e Ma Ngagara 'Ofi-'Ofi ma nyafusu, ananga ga'a raḏi osama nyo-nyoimi ra Ma Jou'ongu Madutu 'ai 'umata, Unanga 'ai bangsa Israel mode-mode'e.

Filipi 3:3

Momongolo ua, ngene nena-ne ga'a sanga ḏua suna 'i banari ga'a rewo dadi mode-mode'e Ma Jou'ongu Madutu 'ai ngowa-ngowa'a sababu rewo ngaku Kristus Yesus. Ngene nena-ne ga'a Ma Ngagara 'Ofi-'Ofi na sinyanyasele wakutu wo silamo'o re siḏubuso Ma Jou'ongu Madutu. Re ḏi'i ngene sibere ie nanga murasa ma la sababu ngene nanga 'ahu marimoi ra Kristus Yesus. Ngene nena-ne ga'a wo sigare ua nanga ngo-nganono mete'e 'agama ma 'atoranga di'a sisalamata ngene.

'Ibrani 1:8

Mada'a tai Ngowa'a Nau'u, Ma Jou'ongu Madutu 'o kanau so'o ne: “Ngana ga'a ma tero Ma Jou'ongu Madutu, 'Ani Pareta kasingado-ngadolo i'a, Ngana 'ani pamarenta 'i 'adili.

Tingoýi 11:15

Gena ḏua, mala'ekata ma nyo-nyoimi tumudingi 'o wusu terompet. Ḏua ngoi to 'isene iḏingi lai siḏi madutu da'u soroga tala ma betongo so'o ne: “Nange-ne dungia nena-ne ma pareta ri dadi di'a Ma Jou'ongu Madutu ga'a ngene wo silamo'o re siḏubuso, re 'O Kristus manga Pareta. 'O Kristus gena-ge ga'a Ma Jou'ongu Madutu 'o sijaji pasala ḏua, Unanga ḏuanga i'a 'o parenta kasingado-ngadolo i'a!”