Lukas 1:32 - Jaji ma Su-sungi

³² Unanga ḏuanga i'a 'o dadi lamo'o re ngowa-ngowa'a ḏuanga i'a 'aḏi si'aro'o Unanga Ma Jou'ongu Madutu toma Gau'u 'ai Ngowa'a Nau'u. Ma Jou ga'a Ma Jou'ongu Madutu ḏuanga i'a 'o sidadi Unanga sa'olo 'Olana, ma tero sa'olo 'Olana Daud, Unanga 'ai ete re dotumu 'ua re 'au wali.

Lukas 1:32 Iomraidhean Croise

Matias 1:1

Toma boku nena-ne, Yesus Kristus ga'a 'Olana Daud 'ai ju'uda re Abraham 'ai ju'uda ḏi'i, Unanga gena-ge 'Ai ete re dotumu manga loma-lomanga 'i silefo so'o ne:

Matias 12:42

Toma Kiamata ma Wangere, 'olana we-were'a toma kore mie ino, munanga ḏuanga i'a dadunu mo 'ahu moju mamete'e ra ngini ngowa-ngowa'a toma 'orasa nena-ne re mo kalaki ngini. Sababu munanga mo tagi toma ngi'i lai kiḏanga di'a mo 'isene Salomo 'ai 'akala ma soro'unu. Kalaha 'ane-ne, nange-ne Ngoi lebe la-lamo'o i'a ḏi'i rea Salomo taninga sigolona, mada'a ni ngaku Ngoi ua re ni maḏibo toma ngo'omo boloto ua!”

Matias 28:18

Yesus 'o macori i'a ra ananga re 'o kanau, “Kuasa mo-moini bae toma soroga, bae toma dungia gena-ge Ri sipula'a ra Ngoi.

Matias 3:11

Ngoi to baptis ngini reo ḇanyo sa'olo nana'o rimoi mangale ngini reni maḏibo toma ngo'omo boloto. Mada'a togumu i'a Unanga ga'a ḏuanga i'a 'O sapolo di'a baptis ngini rema Ngagara 'Ofi-'Ofi re u'u. Unanga lebe la-lamo'o ra ngoi, ta gasa 'Ai tarupa mai patasa ua.

Markus 14:61

Mada'a Yesus pa'i 'o masiogoro ḇato. Unanga 'a sangoro ceka'a i'a mai ua. Ḏua 'imam 'agung 'o sano soi moi moju ra Unanga, “Ngana nena-ne mode-mode'e 'O Kristus, Ma Jou'ongu Madutu 'ai Ngowa'a Nau'u bolo ua?”

Markus 5:7

Wakutu, Yesus 'o kanau i'a toma ngowa'a gena-ge, “Roh ma jira, no supu toma ngowa'a nena-ne,” roh ma jira 'i kanau ma iḏingi ya siduga-duga, “Rini 'oru ngoi, Yesus, Ma Jou'ongu Madutu toma Gau'u 'Ai Ngowa'a Nau'u? Ngoi to madigaro'o ra Ma Jou'ongu Madutu 'ai lomanga, awa no sijira ngoi.”

Lukas 1:15

Unanga ḏuanga i'a 'o dadi ngowa'a la-lamo'o ra Ma Jou'ongu Madutu 'ai momina re unanga ḏuanga i'a kama ka'e 'anggur ua bolo ka'e ua 'oru ga'a 'i 'eto-'etolo. Wakutu Unanga tai ngina 'ami po'olo ma dara moju, unanga Ma Ngagara 'Ofi-'Ofi 'u ḏegoro.

Lukas 1:35

Mala'ekata gena-ge 'o sangoro, “Ma Jou'ongu Madutu 'ai Ngagara 'Ofi-'Ofi ḏuanga i'a 'i sapolo ra ngana, re Ma Jou'ongu Madutu toma Gau'u rai kuasa ḏuanga i'a 'o saolo ngana. Sababu gena-ge Unanga, ga'a ḏuanga i'a ngana nu sibuoro, si'aro'o Ma Jou'ongu Madutu 'Ai Ngowa'a ga'a 'Ofi-'Ofi.

Lukas 1:76

Hai Yohanes ga'a 'Ari ngowa'a! Ngana ḏuanga i'a no dadi nabi ra Ma Jou'ongu Madutu toma Gau'u sababu Unanga ḏuanga i'a 'o 'utusu ngana siḏa no sidodahe Ma Jou 'ai ngo'omo,

Lukas 3:16

Sababu gena 'a Yohanes 'o kanau ra ananga mo-moini, “Ngoi pa'i to baptis ngini reo ḇanyo, mada'a ḏuanga i'a 'age rema ngowa'a matengo lebe la-lamo'o ra ngoi, ta gasa 'Ai tarupa mai patasa ua. Unanga gena-ge ḏuanga i'a 'O sapolo re 'O baptis ngini rema Ngagara 'Ofi-'Ofi re u'u.

Lukas 6:35

Ngini so'o gena awa! Siḏibo ḏi'i ngini balasu ni dadalara ninga lawana, re ni 'a'a la-la ra ananga gena-ge: Ngini balasu ni pula'a bau 'ori i'a rimoi i'a taninga lawana re awa ni nganono enanga ma ḏibo. Na'o ngini ni 'a'a so'o gena ḏuanga i'a ni sanga ngogele lai lamo'o, re ngini ni sijumu mode-mode'e ngini sa'olo Ma Jou'ongu Madutu toma Gau'u 'ai ngowa-ngowa'a. Sababu Ma Jou'ongu Madutu 'a sijumu 'Ai 'akala ma la-la toma ngowa'a ma jira re ngowa-ngowa'a ga'a 'elingi ngowa'a manga la-la ua ḏi'i.

Yohanes 12:34

Ngowa'a repe 'aḏi kanau i'a ra Unanga, “Mete'e Musa 'ai hukumu: 'O Kristus 'o 'ahu kasingado-ngadolo i'a. I'a sa'olo Ngana no kanau, ‘Manusia ma Ngowa'a Nau'u balasu sikau'u toma dungia nena-ne’? 'A guna nena-ne ‘Manusia ma Ngowa'a Nau'u’?”

Yohanes 6:69

re ngomi remi ngaku re waro mode-mode'e Ma Jou Ngowa'a 'Ofi-'Ofi ga'a Ma Jou'ongu Madutu 'U 'utusu.”

Yesus 'ai so-soma'a 16:17

Munanga gena-ge mo mete'e Paulus re ngomi tau-taunu, re mo maboa-boa'a, “Ngowa-ngowa'a nena-ne Ma Jou'ongu Madutu toma Gau'u 'Ai falalomu. Ananga 'aḏi sapolo 'aḏi siajele ra ngini ngo'omo di'a ngini sanga salamata!”

Yesus 'ai so-soma'a 2:30

Daud 'o dadi nabi re unanga waro ḏua mangale Ma Jou'ongu Madutu 'ai jaji pasala ḏua. Ma Jou'ongu Madutu 'o jaji re 'o masisasi pasala ḏua ra unanga gena-ge so'o ne: Ḏuanga i'a ra 'Olana Daud 'ai ju'uda ino, 'age rema ngowa'a matengo Ma Jou'ongu Madutu 'o sitede unanga 'o dadi 'olana.

Yesus 'ai so-soma'a 2:36

Petrus dadunu 'o kanau moju, “Sababu gena-ge, ngowa-ngowa'a Yahudi, ngini re ngowa'a Israel ma lelegu mo-moini balasu na waro mode-mode'e mangale Yesus ga'a ngini nu salib, Unanga gena-ge Ma Jou'ongu Madutu 'o sidadi nanga Jou re 'O Kristus.”

Yesus 'ai so-soma'a 7:48

Momongolo ua, Ma Jou'ongu Madutu toma Gau'u 'a ḏegoro ua toma wala gena-ge ga'a manusia ya 'a'a. Nabi matengo 'o lefo tai boku so'o ne:

Roma 1:4

Mada'a mete'e Ma Ngagara 'Ofi-'Ofi, Unanga gena-ge Ma Jou'ongu Madutu 'ai Ngowa'a Nau'u. Ma Jou'ongu Madutu 'o sijumu rai kuasa rema pari cua mangale Yesus Unanga 'Ai Ngowa'a Nau'u wakutu Ma Jou'ongu Madutu dadunu 'o si'ahu nanga Jou Yesus Kristus toma ngowa'a senge-sengene manga sigolona.

Tingoýi 3:7

Yesus gena-ge 'o kanau ra ngoi ḏi'i, “Toma jama'ata Filadelfia ma mala'ekata, na lefo so'o ne: Nena-ne habari ra Ngoi ga'a 'Ofi-'Ofi re 'O Banari, re 'Olana Daud 'ai pareta ma kuci ma gu-gu'u. Dadi na'o Ngoi ta welanga, matengo i'a mai ua nga'unu ya kuci. Re na'o Ngoi ta kuci, matengo i'a mai ua nga'unu ya welanga.