Lukas 1:30 - Jaji ma Su-sungi

³⁰ Ḏua mala'ekata matengo gena-ge 'o kanau i'a ra munanga, “Maria, mojongo awa! Sababu Ma Jou'ongu Madutu 'o sanangi ra ngana singadolo 'o sitantukanga ḏua pula'a 'Ai cocatu ra ngana.

Lukas 1:30 Iomraidhean Croise

Matias 14:27

Mada'a Yesus jau-jau 'o kanau ra ananga, “Masiogoro! Ngoi ne Yesus. Dadi mojongo awa!”

Matias 28:5

Mala'ekata gena-ge 'o kanau toma we-were'a—we-were'a, “Ni mojongo awa! Ngoi to waro ngini disa Yesus, ga'a ngowa'a 'U sisalib.

Lukas 1:13

Mada'a mala'ekata gena-ge 'o kanau, “Zakaria, mojongo awa! Ma Jou'ongu Madutu 'a 'isene ḏua 'ani nyiata: 'Ani were'a, ngo Elisabet ḏuanga i'a rami lese re mo maḏe-ḏegoro i'a ngowa'a nau'u matengo. Ngana balasu no silomanga unanga Yohanes.

Lukas 12:32

Ngini mojongo awa kalaha ni repe ua re ni te'e ua! Sababu Ma Jou'ongu Madutu 'o sanangi sidadi ngini Unanga 'ai ngowa-ngowa'a.

Yesus 'ai so-soma'a 27:24

Mala'ekata gena-ge 'o kanau, ‘Paulus no mojongo awa. Ngana balasu no talaḏi ra Kaisar Roma. Re sababu Ma Jou'ongu Madutu 'ai mura re dadalara ra ngana, ngowa'a mo-moini ga'a 'aḏi sidete mamete'e ra ngana, ananga gena-ge 'aḏi salamata ḏi'i.’

Roma 8:31

Mangale mo-moini ga'a Ma Jou'ongu Madutu 'a si'a'a gena-ge, ngene wo kanau 'oru?! Mode-mode'e Ma Jou'ongu Madutu ra ngene ino! Na'o so'o gena-ge 'a guna nga'unu 'o lawana ngene?! Tantu ḏua, matengo i'a mai ua!

'Ibrani 13:6

Sababu gena-ge, ngene wo kanau re wo ngaku mode-mode'e so'o ne: “Ma Jou'ongu Madutu 'ari ri-riono, dadi ngoi to mojongo ua Sababu gena-ge 'oru ḇato ga'a manusia ya si'a'a ra ngoi?!”