Lukas 1:17 - Jaji ma Su-sungi

¹⁷ Unanga ḏuanga i'a 'o dadi Ma Jou'ongu Madutu 'ai so-soma'a re unanga rai de-de'e re kuasa ma tero sa'olo nabi Elia. Unanga ḏuanga i'a 'o sidame ḇaḇa re manga ngowa'a. Re ngowa-ngowa'a ga'a 'aḏi oḏu'u mete'e Ma Jou'ongu Madutu 'ai 'akala ma mau, unanga ya'u sibi-biri'i di'a 'aḏi maḏibo toma ngo'omo boloto. Unanga ḏuanga i'a 'o 'a'a so'o gena, la ngowa-ngowa'a manga 'akala re sinyingara 'i ḏu-ḏuanga ḏua di'a dawongo Ma Jou.”

Lukas 1:17 Iomraidhean Croise

Matias 11:14

Re na'o ngini mau ni ngaku, Yohanes unanga 'o ma tero 'a Elia, unanga 'ai ta-sapolo ri sinubuata pasala ḏua.

Matias 3:3

Nabi Yesaya 'o kanau pasala ḏua mangale Yohanes gena-ge ma betongo so'o ne: “ 'Age rema ngowa'a matengo 'o kanau siduga-duga toma daeraha baulaco so'o ne: ‘Sidodahe ngo'omo di'a Ma Jou, siboloto ngo'omo gena-ge di'a Unanga.’ ”

Matias 3:4

Yohanes 'ai baju 'i si'a'a reo 'unta ma gogo re 'ai golona ma bi-biri'u 'i si'a'a reo haiwani ma 'eno'o, re 'ai ngo-ngoromo 'o cocoḇiti re 'o madu bangana.

Lukas 1:16

Ngowa-ngowa'a Israel manga repe ḏuanga i'a 'aḏi 'isene unanga 'ai demo-demo dadi 'aḏi maḏibo toma ngo'omo boloto re 'aḏi mete'e Ma Jou'ongu Madutu moju, Unanga gena-ge ga'a ananga manga ete re dotumu 'aḏi silamo'o re siḏubuso 'ua re 'au wali.

Lukas 1:76

Hai Yohanes ga'a 'Ari ngowa'a! Ngana ḏuanga i'a no dadi nabi ra Ma Jou'ongu Madutu toma Gau'u sababu Unanga ḏuanga i'a 'o 'utusu ngana siḏa no sidodahe Ma Jou 'ai ngo'omo,

Yohanes 1:13

Ananga gena-ge 'aḏi dadi ua Ma Jou'ongu Madutu 'ai ngowa-ngowa'a, sababu manga ete re dotumu, bolo manusia manga nyafusu, bolo nau'u 'ai nyafusu. Mada'a ananga gena-ge 'aḏi dadi Ma Jou'ongu Madutu 'ai ngowa-ngowa'a sababu 'ahu su-sungi ga'a ma 'asala ra Unanga.

Yohanes 1:34

Dadi ngoi reto oḏi'i masiretene re to pula'a sakisi mangale Yesus gena-ge Ma Jou'ongu Madutu 'ai Ngowa'a Nau'u.”

Yohanes 3:28

Ngini masiretene rena 'isene 'oru ga'a ngoi to kanau, ‘Ngoi nena-ne 'O Kristus ua, mada'a Ma Jou'ongu Madutu 'o 'utusu ngoi to siḏa ra Unanga.’

Yesus 'ai so-soma'a 10:33

Sababu gena-ge, ngoi jau-jau to soma'a ngowa'a 'aḏi sidola'a Tuanga. Tuanga, 'ani 'akala re sinyingara 'i la masala, sababu no sapolo ino toma 'orasa nena-ne. Ngomi mi to-tororumu ra Ma Jou'ongu Madutu 'ai momina di'a masigi-gisene mo-moini 'oru ga'a Unanga 'o soma'a Tuanga na siajele ra ngomi.”

Roma 9:23

Re ḏi'i Ma Jou'ongu Madutu mau 'o sijumu 'Ai mulia ma pari cua ra ngene 'Ai 'umata ga'a Unanga na sijumu 'Ai 'akala re sinyingara ma la-la, ngene ga'a Unanga ra sidodahe di'a 'ahu ga'a 'i mulia toma soroga.

Kolose 1:12

re ni sibere ie murasa ma la ra Ma Jou'ongu Madutu ḏi'i. Sababu Unanga gena-ge ga'a 'o sidadi ngini ni patasa di'a ni dawongo 'oru ga'a Unanga 'a sidodahe pasala ḏua di'a 'Ai 'umata Tai pareta ma dara ga'a 'i tarangi.

2 Timotius 2:21

Sababu gena-ge, ngowa-ngowa'a ga'a si'ofi manga 'ahu, ananga gena-ge 'aḏi dadi ma tero sa'olo itomo ma pakakasa di'a ya sipake wakutu manga laya. Ngowa'a gena-ge Ma Jou'ongu Madutu 'a pake sidadi itomo ma pakakasa, ra wola i'a di'a 'a sipake toma munara la-la.

1 Petrus 2:9

Mada'a ngini ngowa-ngowa'a ga'a Ma Jou'ongu Madutu renu siwola i'a, re ngini ni dadi ma tero sa'olo 'Ai 'imam-'imam di'a munara ra Unanga sa'olo ninga 'Olana. Re ḏi'i, ngini ni dadi bangsa 'ofi-'ofi, re Unanga masiretene 'ai 'umata. Unanga 'o 'a'a so'o gena-ge, la ngini ni sihabari mangale 'Ai ga'a lai rousu. Unanga gena-ge ga'a 'O 'aro'o sisupu ngini toma hafu-hafu re 'O singosama ngini Tai tarangi ma dara ga'a ma pari cua.

1 Yohanes 2:28

Sababu gena-ge, 'ari ngowa-ngowa'a ni 'ahu marimoi tau-taunu ra Kristus. Dadi ḏuanga i'a ma 'orasa 'i ngadolo wakutu Unanga dadunu 'o sapolo moju, ngene nyengara wo talaḏi Unanga kananga mojongo ua re wo magogono ua, sababu wo mara'a ua.

Tingoýi 20:4

Gena ḏua, ngoi to oḏi'i ngowa-ngowa'a manga nyawa-nyawa, ananga gena-ge ga'a manga camala ngowa'a ya tola'a ḏua, sababu 'aḏi singadolo habari mangale Yesus re 'aḏi mete'e Ma Jou'ongu Madutu 'ai demo. Re ḏi'i sababu ngowa-ngowa'a gena-ge 'aḏi oḏu'u silamo'o re siḏubuso haiwani re dulada haiwani. Ananga gena-ge ḏi'i 'aḏi sanga ua nana'o haiwani tamanga memese bolo tamanga giama. Dadi ananga dadunu 'aḏi 'ahu moju re 'aḏi tegoro toma ḏe-ḏegoro—ḏe-ḏegoro re 'aḏi parenta sa'olo 'olana mamete'e ra Kristus ma di'ara musungu cala moi