Lukas 1:15 - Jaji ma Su-sungi

¹⁵ Unanga ḏuanga i'a 'o dadi ngowa'a la-lamo'o ra Ma Jou'ongu Madutu 'ai momina re unanga ḏuanga i'a kama ka'e 'anggur ua bolo ka'e ua 'oru ga'a 'i 'eto-'etolo. Wakutu Unanga tai ngina 'ami po'olo ma dara moju, unanga Ma Ngagara 'Ofi-'Ofi 'u ḏegoro.

Lukas 1:15 Iomraidhean Croise

Lukas 1:14

Ngana ḏuanga i'a no maroanga madutu re ngowa'a repe ḏuanga i'a 'aḏi monere wakutu ngo Elisabet mo sibuoro ngowa kiau gena-ge.

Lukas 7:28

Yesus 'o dadunu kanau, “Ngoi to siajele ra ngini nena-ne: Toma dungia nena-ne matengo i'a mai ua ga'a sibuoro lebe la-lamo'o i'a rea Yohanes tukanga baptis. Mada'a mulaingi nange-ne, ngowa'a ma pake ua ga'a 'o osama nyo-nyoimi ra Ma Jou'ongu Madutu 'ai Pareta, unanga gena-ge 'o dadi ngowa'a lebe la-lamo'o i'a rea Yohanes.”

Lukas 7:33

Ngoi 'ari maksudu: Wakutu Yohanes tukanga baptis 'o sapolo, unanga 'o puasa re oḏu'u ka'e 'anggur, re ngini nu dawongo ua re ni kanau, ‘Unanga 'o roh ma jira 'u dungosama.’

Yohanes 5:35

'A Yohanes ma tero sa'olo lapuru ga'a 'i sipula'a cahaya. Ngini ni maroanga di'a ni 'isene 'ai demo-demo, mada'a pa'i ngasamoi ḇato.

Yesus 'ai so-soma'a 2:4

Ananga mo-moini Ma Ngagara 'Ofi-'Ofi ya'u ḏegoro singadolo 'aḏi kanau reo ngowa'a lelegu manga demo 'i mete'e Ma Ngagara 'Ofi-'Ofi enanga ma mau.

Galatia 1:15

Mada'a Ma Jou'ongu Madutu 'o cumutu ngoi wakutu ngoi tari ngina 'ami po'olo moju. Re sababu 'Ai mura re dadalara, Unanga 'o 'aro'o ngoi di'a to singadolo Habari Roanga toma ngowa-ngowa'a Yahudi ua. Dadi wakutu Ma Jou'ongu Madutu ro sitantukanga enanga ma 'orasa 'i tero-tero, Unanga gena-ge 'o sijumu 'ai Ngowa'a Nau'u ra ngoi. Togumu i'a, ngoi to tagi ra matengo i'a mai ua to golo'o ngowa'a di'a 'aḏi doto'o ngoi mangale Habari Roanga.

Efesus 5:18

Gena-ge: Awa ni ka'e singadolo ni 'etolo, sababu na'o reni 'etolo ni waro diri riwara. Siḏibo ḏi'i, ngini balasu ni sidoa'a ninga 'ahu toma Ngagara 'Ofi-'Ofi, la nu'u ḏegoro: