Kolose 4:8 - Jaji ma Su-sungi

⁸ Ngoi to 'utusu Tikhikus ra ngini, la ngini ni waro mangale ngomi minga 'ahu, lobi'i re wangere, re unanga ḏi'i di'a 'a site'e ninga ngo-ngaku.

Kolose 4:8 Iomraidhean Croise

1 Korintus 4:17

Sababu gena-ge, ngoi to soma'a 'a Timotius 'o sapolo ra ngini di'a 'o riono ngini ni mete'e re ni cuḏuḏu'u 'ari de'oso re ḏegoro. Timotius ma tero sa'olo ngoi 'ari ngowa'a tu dadalara, re unanga 'o cufala masala tai munara di'a Ma Jou'ongu Madutu. Unanga 'o si'elingi ngini mangale 'ari de'oso re ḏegoro sa'olo ngowa'a matengo ga'a ro ngaku Kristus. Enanga gena-ge ma tero ngoi reto doto'o toma jama'ata ngi'i le'a ḇato.

2 Korintus 1:4

Toma 'orasa ngomi mi basono kangela 'oru ḇato, Unanga 'o site'e minga 'akala re sinyingara. Dadi sababu ngomi remi basono de-de'e gena-ge ra Ma Jou'ongu Madutu ino, ngomi nga'unu site'e ngowa'a lelegu manga 'akala re sinyingara toma 'orasa ananga basono kangela 'oru ḇato ḏi'i.

2 Korintus 12:18

Ngoi to 'utusu 'a Titus re ioronongoḏu matengo ngo-ngaku rimoi mamete'e di'a 'aḏi tutumu ngini. 'A Titus 'o sihaga di'a 'oro 'utungu ra ngini, bolo ua?! So'o gena-ge, ua! Titus re ngoi, ngomi nga muḏiḏi mi munara ma duhu rimoi re minga de'oso re ḏegoro ma tero.

2 Korintus 2:7

Nange-ne, ngini balasu ni si'apongo unanga, re ni site'e 'ai 'akala re sinyingara moju. Awa ni sieanga i'a unanga 'ai 'akala re sinyingara kangela kama ḏo-ḏogumu ua.

Efesus 6:22

Ngoi to siḏingoto unanga ra ngini, la unanga 'o singadolo minga habari. Dadi ngini ninga 'akala re sinyingara 'i elala ua.

Filipi 2:28

Sababu gena-ge 'ari nyafusu lai te'e di'a to soma'a unanga 'o maḏibo i'a ra ngini, la ngini ni maroanga wakutu ni ma'u sanga ra unanga, re ḏi'i 'ari 'akala re sinyingara 'i ogoro.

Kolose 2:2

Mo-moini gena-ge, ngoi ta si'a'a di'a site'e ngini ninga 'akala re sinyingara re ananga manga 'akala re sinyingara, la ngini mo-moini ni ma'u dadalara matengo re matengo singadolo ninga 'ahu 'i marimoi. Dadi ngini re ananga mo-moini nga'unu ni sahe re ni ngaku ti-tiai mangale Ma Jou'ongu Madutu 'ai rahasia, gena-ge Kristus masiretene.

1 Tesalonika 2:11

Ngini ni waro ngomi mi 'angoto ngini matengo-matengo ma tero sa'olo ḇaḇa matengo 'o 'angoto 'ai ngowa'a masiretene:

1 Tesalonika 3:2

re mi 'utusu 'a Timotius 'o tagi siḏa toma limau Tesalonika, la unanga 'o babata ngini re 'o site'e ninga ngo-ngaku ra Yesus Kristus. Timotius ḏi'i 'o dadi Ma Jou'ongu Madutu 'ai falalomu, 'o munara rimoi ra ngomi di'a singadolo Habari Roanga.

1 Tesalonika 3:5

Sababu gena-ge, wakutu ngoi ta tahana ta nga'unu riwara totoma habari mangale ngini, ngoi to 'utusu 'a Timotius ra ngini di'a 'a disa waro mangale ngini ninga ngo-ngaku ra Ma Jou Yesus: lai te'e moju bolo ua. Ngoi to dodato awa-awa ngini ni eta'a toma 'Iblisi ma bo-baja, marai minga galasau'u ma duduala 'i parasaja.

1 Tesalonika 4:18

Sababu gena-ge, ngini mo-moini balasu ni ma'u site'e ninga 'akala re sinyingara matengo re matengo re demo-demo gena-ge.

1 Tesalonika 5:11

Sababu gena-ge, ngini ni ma'u si'elingi re ni ma'u babata matengo re matengo ma tero sa'olo ngini na si'a'a ḏua 'au wali singadolo 'orasa nange-ne.

1 Tesalonika 5:14

Ngomi golo'o mode-mode'e ḏi'i ngini ni ḇangata ngowa'a ga'a 'aḏi munara ḇusuru, ni site'e ngowa'a ga'a manga 'akala re sinyingara 'i namoto ua, ni riono ngowa'a ma dinga'unu ua re ruta-ruta awa ra guna ḇato.