Kolose 4:5 - Jaji ma Su-sungi

⁵ Wakutu ngini ma'u sanga ngowa'a ngaku Yesus ua, ni pake donga mo-moini gena-ge di'a ni sijumu 'akala soro'unu, de'oso re ḏegoro, demo re ganau la-la ra ananga gena-ge.

Kolose 4:5 Iomraidhean Croise

Matias 10:16

“Ni 'isene la-la: Ngoi nena-ne to 'utusu ngini sa'olo doba toma serigala ma sigolona. Ngini balasu ni pahe sa'olo cuku'u re ninga 'akala re sinyingara 'i boloto sa'olo namo dara.

Markus 4:11

Ḏua Yesus 'o sangoro ra ananga, “Ma Jou'ongu Madutu 'o pula'a cocatu ḏua ra ngini, la ni waro mangale rahasia Unanga 'ai Pareta. Mada'a Ngoi to doto'o ngowa'a 'aḏi ngaku Ngoi ua reo 'ade-'ade.

Roma 16:19

Ngowa'a mo-moini reni waro ngini mode-mode'e ni mete'e do-doto'o mangale Habari Roanga ra Ma Jou'ongu Madutu tala. Dadi ngoi masiretene to maroanga mangale ngini ninga de'oso re ḏegoro gena-ge. Mada'a ngoi to mau ngini 'akala soro'unu mangale 'ori i'a ga'a ma la-la, re ni mete'e ua 'ori i'a ma jira.

Kolose 3:16

Ngini balasu ni 'elingi tau-taunu Kristus 'ai do-doto'o, la 'i parenta taninga de'oso re ḏegoro, demo re ganau. Dadi ngini ni mete'e ma duhu so'o ne: Ni ma'u doto'o, ni ma'u si'elingi di'a mete'e 'Ai do-doto'o reninga 'akala soro'unu. Re ni mete'e ma duhu so'o ne ḏi'i: Ni manyanyi Mazmur, puji-pujiana re manyanyi nyanyi ma lelegu. Re wakutu ngini manyanyi, ni sibere ie murasa ma la ra Ma Jou'ongu Madutu.

1 Tesalonika 4:12

Na'o ninga 'ahu ma duhu so'o gena, ninga 'ahu ni masinganono toma ngowa'a lelegu ua re ngowa'a 'aḏi ngaku Yesus ua mai 'aḏi silamo'o ngini.

1 Timotius 3:7

Unanga balasu 'ai lomanga camari awa toma ngowa'a repe. Sababu na'o so'o gena ua, ngowa'a 'aḏi sipake-pake ua unanga singadolo 'o eta'a toma 'Iblisi ma kuasa.

Yakobus 1:5

Mada'a, na'o 'age matengo taninga sigolona 'ai 'akala soro'unu enanga 'i kuranga mangale ma duhu sa'olo unanga 'o 'ahu na'o 'o sanga dola'aku re bo-baja, unanga gena-ge balasu 'o golo'o ra Ma Jou'ongu Madutu. Ḏua Ma Jou'ongu Madutu ḏuanga i'a 'o pula'a 'akala soro'unu ra guna ḇato Rai 'akala re sinyingara sa-sanangi kama kuḏubungu ua.

Yakobus 3:13

Na'o 'age rema ngowa'a matengo i'a taninga sigolona rai wo-waro re 'akala soro'unu, unanga gena-ge balasu 'o sijumu 'ai de'oso re ḏegoro la-la mete'e 'ai 'akala soro'unu re 'o 'ahu maholo tala.

Yakobus 3:17

Siḏibo ḏi'i, ngowa'a ga'a 'ai 'akala soro'unu ma 'asala da'u ra Ma Jou'ongu Madutu tala, ma mulaingi 'ai 'ahu 'i 'ofi-'ofi, unanga gena-ge 'o nyanyaḏi dame, 'akala re sinyingara mereoso, nga'unu 'o dawongo ngowa'a lelegu manga 'akala ma sanga, re 'o sijumu 'ai 'akala re sinyingara ma la-la toma ngowa'a lelegu singadolo 'ai ga'a mo-moini rousu madutu. Re Unanga ḏi'i pa'ala kaci moi ua re 'ai demo re ganau 'i ma tero tai de'oso re ḏegoro

1 Petrus 3:1

So'o gena ḏi'i ngini were'a-were'a: Ngini balasu ni ta'aloko taninga nau'u. Dadi na'o ninga nau'u 'aḏi ngaku nyangu Ma Jou'ongu Madutu 'ai demo, kalaha ngini ni sihabari ua ra ananga, ananga nyengara 'aḏi ngaku Habari Roanga mangale Kristus,