Kolose 4:10 - Jaji ma Su-sungi

¹⁰ 'A Aristarkhus ga'a mamete'e ra ngoi toma bui ma dara, unanga 'o siḏingoto tabea ra ngini. So'o gena ḏi'i 'a Markus, Barnabas gia nongoḏu sepupu. Ngini reni sanga surata ga'a ngoi to siḏingoto, mangale na'o Markus 'o sapolo ra ngini, ni dawongo unanga reninga 'akala re sinyingara sa-sanangi.

Kolose 4:10 Iomraidhean Croise

Yesus 'ai so-soma'a 12:12

Wakutu Petrus 'ai 'akala 'i ḏibo, unanga 'o tagi ra ngo Maria 'ami wala (Maria 'a Yohanes 'ai ngina. Yohanes gena-ge si'aro'o 'a Markus ḏi'i). Toma 'orasa gena-ge, ngowa'a ngaku Yesus manga repe 'aḏi malomu re 'aḏi manyiata di'a Petrus.

Yesus 'ai so-soma'a 12:25

Barnabas re 'a Saulus ya siḏuanga manga munara toma limau Yerusalem togumu i'a, 'aḏi tagi maḏibo toma limau Antiokhia. Ananga 'aḏi gasa ngowa'a matengo ḏi'i 'ai lomanga 'a Yohanes, ga'a si'aro'o 'a Markus ḏi'i.

Yesus 'ai so-soma'a 13:13

Da'a limau Pafos ino, Paulus re 'ai ḏagilomu-ḏagilomu, ananga 'aḏi sidete toma limau Perga toma daeraha Pamfilia. Toma limau gena-ge, 'a Yohanes Markus ya'u soi'i tala ananga, re 'o maḏibo toma limau Yerusalem.

Yesus 'ai so-soma'a 13:5

Wakutu ananga 'aḏi ngadolo toma limau Salamis toma pulo Siprus, ananga 'aḏi singadolo Habari Roanga toma ngowa'a Yahudi manga wala-wala puji re 'a Yohanes Markus ya'u riono ananga manga munara tau-taunu.

Yesus 'ai so-soma'a 19:29

Ḏua ngowa-ngowa'a toma limau mo-moini 'aḏi 'a'a kaco re ananga 'aḏi cako'o 'a Paulus 'ai ḏagilomu nga muḏiḏi re ya'u gasa toma stadion. Ananga gena-ge ngowa'a Makedonia, manga lomanga 'a Gayus re Aristarkhus ga'a 'aḏi mete'e Paulus tai ḏo-ḏagi ma dara.

Yesus 'ai so-soma'a 20:4

Pirus 'ai ngowa'a 'a Sopater 'ai 'asala toma limau Berea ino 'o tagi mamete'e ra Paulus. So'o gena ḏi'i, Aristarkhus re 'a Sekundus ngowa'a limau Tesalonika re 'a Gayus ngowa'a Derbe. 'A Tikhikus re 'a Trofimus ngowa-ngowa'a toma daeraha Asia re 'a Timotius ḏi'i.

Yesus 'ai so-soma'a 27:2

Ngomi mi mabalene toma kapala rimoi, enanga da'a toma limau Adramitium ino, sa'i sidete toma bo-balene—bo-balene toma daeraha Asia. 'Age rema ngowa'a matengo 'ai lomanga Aristarkhus, ngowa'a Makedonia da'a limau Tesalonika ino. Unanga 'o sidete mamete'e ra ngomi.

Yesus 'ai so-soma'a 4:36

So'o gena ḏi'i 'a Yusuf, unanga 'a wu'unu 'ai tana'a, ma ijana 'a gasa re 'a sipula'a ra Yesus 'ai so-soma'a. Yusuf 'ai 'asala ngowa'a Lewi toma Siprus ino. Yesus 'ai so-soma'a 'aḏi silomanga unanga Barnabas (lomanga gena-ge ma ngale: ngowa'a ga'a site'e 'akala re sinyingara).

Roma 16:2

Ngoi to golo'o ra ngini, ni dawongo munanga sa'olo ninga biḏanga ra Ma Jou'ongu Madutu 'ai 'umata, gena-ge 'i patasa di'a ngowa'a ngaku Yesus. Ni riono munanga na'o mo majangangata ra ngini, sababu munanga masiretene romo riono ngowa'a manga repe; re ngoi masiretene ḏi'i, munanga miri riono.

Roma 16:7

Siḏingoto 'ari tabea ra Andronikus ra Yunias. Ananga re ngoi, ngomi bangsa rimoi re 'aḏi osama bui mamete'e ra ngoi. Wakutu ngoi to ngaku Kristus nyangu, ananga nga muḏiḏi raḏi ngaku Kristus siḏa. Ananga ḏi'i 'o sayanga ma jingi'i ra Yesus 'ai so-soma'a manga sigolona.

2 Timotius 4:11

Pa'i 'a Lukas ḇato 'o tegoro ra ngoi. Ngana no sidola'a 'a Markus re no gasa ino sababu unanga nyengara 'o riono ngoi 'ari munara.

Filemon 1:23

'A Epafras 'o mamete'e ra ngoi toma bui ma dara, sababu 'ai munara ra Kristus Yesus, 'o siḏingoto 'ai tabea ra ngana, dowara.

Filemon 1:24

'Ari ḏagilomu munara, 'a Markus, 'a Aristarkhus, Demas re Lukas, 'aḏi siḏingoto ḏi'i manga tabea ra ngana, dowara.

1 Petrus 5:13

Jama'ata Babel ga'a osama nyo-nyoimi ra Ma Jou'ongu Madutu 'ai 'umata ḏi'i, ananga gena-ge 'aḏi siḏingoto tabea ra ngini. Re 'a Markus ga'a ngoi tu dadalara ma tero sa'olo 'ari ngowa'a, unanga ḏi'i 'o siḏingoto tabea ra ngini.