Kolose 4:1 - Jaji ma Su-sungi

¹ Ngini tuanga-tuanga! Ngini balasu ni 'adili re banari taninga budaka-budaka sababu ngini masiretene ḏi'i reninga Tuanga toma soroga.

Kolose 4:1 Iomraidhean Croise

Matias 20:4

Ḏua unanga 'o kanau i'a toma ngowa-ngowa'a gena-ge, ‘Tagi ni munara ra ngoi 'ari guḏa 'anggur. Ngoi ḏuanga i'a tini fangu ninga munara ma ijana ga'a ngoi reta putusu 'i 'adili.’

Lukas 19:15

Mada'a 'olana 'ai ngowa re danongo matengo gena-ge ngowa'a 'aḏi sitede 'o dadi 'olana. Togumu i'a unanga 'o maḏibo tai daeraha masiretene re 'o 'aro'o 'ai budaka gena-ge di'a talaḏi ra unanga, la 'a waro ananga manga 'utungu sa'olo.

Yakobus 2:13

Ma Jou'ongu Madutu ḏuanga i'a 'o sijuruhakimi kai 'akala re sinyingara ma la-la ua toma ngowa'a ga'a 'aḏi sijumu ua 'akala re sinyingara ma la-la, mada'a 'aḏi sijuruhakimi ngowa'a lelegu. Mada'a na'o ngowa'a ngaku Yesus 'aḏi sijumu 'akala re sinyingara ma la-la toma ngowa-ngowa'a, ḏuanga i'a Ma Jou'ongu Madutu 'o sijumu 'ai 'akala re sinyingara ma la-la toma ngowa'a gena-ge wakutu Unanga 'o sijuruhakimi ngowa'a mo-moini.

Yakobus 5:4

Nange-ne ni 'isene, ngini ga'a ni fangu ua ninga ngowa'a munara toma guḏa manga ngogele, ananga gena-ge raḏi kuḏubungu, sababu na'u fangu ua! Ananga gena-ge ga'a 'aḏi lomu ḏua ninga guḏa ma hasili, 'aḏi poa'a maḏigaro'o Ma Jou'ongu Madutu di'a 'O riono ananga. Nange-ne Ma Jou'ongu Madutu ga'a 'Ai kuasa ma pari cua, Unanga gena-ge ra 'isene manga iḏingi!

Tingoýi 17:14

Ananga ḏuanga i'a 'aḏi maparangi lawana Doba ma Ngowa. Mada'a Doba ma Ngowa 'i sita'aloko 'olana-'olana gena-ge sababu Doba ma Ngowa gena-ge Ma Jou toma tuanga mo-moini, re dadi 'Olana toma 'olana mo-moini. Re ḏi'i ngowa'a ga'a 'aḏi macako'o namo-namoto ra Yesus ga'a Ma Jou'ongu Madutu ya'u 'aro'o re ya'u cumutu ḏua, ananga gena-ge 'aḏi sanga 'utungu sababu 'aḏi mamete'e rema Doba ma Ngowa.”

Tingoýi 19:16

Tai juba re Tai busuu'u 'i silefo lomanga so'o ne: “ 'Olana toma 'olana mo-moini re Ma Jou toma tuanga mo-moini.”