Kolose 3:8 - Jaji ma Su-sungi

⁸ Mada'a nange-ne ngini balasu ni mete'e rawara duhu so'o nena-ne: Ni ruta-ruta rawara, ni mangamo rawara, ninga 'akala re sinyingara ma dara 'i emono ngowa'a lelegu rawara, ni do-doana ngowa'a rawara, bolo ninga demo cafarune rawara.

Kolose 3:8 Iomraidhean Croise

Matias 5:22

Mada'a Ngoi to siajele ra ngini nena-ne: 'A guna ḇato 'o ruta toma ngowa'a lelegu, unanga gena-ge ḏuanga i'a 'o sanga hukumu. Re 'a guna ḇato ga'a do-doana ngowa'a lelegu, unanga ḏuanga i'a sitalaḏi toma Mahkamah 'Agama. Mada'a 'a guna ḇato ga'a si'aro'o ‘Haga’ toma ngowa'a lelegu, unanga gena-ge ḏuanga i'a sanga upa'a toma naraka ma dara.

Markus 7:22

tinikai, jajaha demo, madiga'a 'ori i'a ma jira, da-danata re do-dowoka, 'akala 'i romanga reo bo-bosono, 'akala si-siḏi, momole re 'isene do-doto'o ua.

Roma 13:13

Ninga de'oso re ḏegoro balasu 'i patasa di'a 'orasa wangere: Awa 'a'a laya ngadolo pai-pai'i singadolo ni 'etolo. Awa ni 'a'a su-sudala fara muḏuo i'a, awa ni ruta bolo awa ni telengoro.

1 Korintus 3:3

Ngini ninga 'akala 'i go-goḏi matengo re matengo, ma'u rubutu matengo re matengo sababu mete'e ninga 'akala re sinyingara ma mau. Gena-ge 'i dadi didina'o rimoi mangale ngini dungia ma nyafusu nu'u piri'u re ngini ninga de'oso re ḏegoro ma tero sa'olo ngowa-ngowa'a 'aḏi nana'o Ma Jou'ongu Madutu nyangu.

2 Korintus 12:20

Ngoi to dodato na'o ḏuanga i'a ngoi tini tutumu, ngoi to sanga i'a ngini, ma tero ua ga'a ngoi to masinganono. So'o gena ḏi'i, wakutu ngini ma'u sanga ra ngoi ma tero ua ga'a ngini masinganono. Ngoi to dodato ngoi to sanga ngini ma'u tolabe, ruta caiti i'a, 'akala go-goḏi, singa'unu 'ahu masiretene, ma'u fitana, ma'u sikanau, momole, re 'a'a kaco.

Galatia 5:15

Mada'a na'o ngini ni madaga'a jira matengo re matengo, ngini ma tero sa'olo haiwani-haiwani nga-ngabala, ga'a ma'u goḏi. Ni ma'istiari, ma ḏo-ḏogumu tala ngini ḏuanga i'a ni dadi cira mo-moini.

Galatia 5:20

silamo'o re siḏubuso jou'ongu ma somoara, 'a'a guna-guna, ma'u emono, ma'u saturu, ma'u telengoro, capati ruta, mafikiri pa'i 'ai diri masiretene, ma'u salira, ma'u pia'olo,

Galatia 5:26

Ngene wo momole awa, re awa ma'u sigo-goḏi 'akala re sinyingara matengo re matengo, re awa ma'u gogono 'akala re sinyingara matengo re matengo.

Efesus 4:22

Ngini reni dawongo do-doto'o mangale ngini ni upa'a ninga de'oso re ḏegoro ma jira ga'a ni mete'e duhu ma siḏa rema nyafusu mo-moini ga'a 'i sijira re 'i sihaga ngini.

Efesus 4:25

Sababu gena-ge, ioronongoḏu ngo-ngaku rimoi, awa ni sa-sakala. Siḏibo ḏi'i, ngini ni kanau balasu ba-banari matengo re matengo, sababu ngene mo-moini wo dadi bageanga-bageanga ra Kristus 'ai lese.

Efesus 4:26

Awa ngini ni ruta, singadolo 'i dadi ḏosa. Re awa ni ruta singadolo wangere 'i jala,

Efesus 4:29

Awa ni kanau demo ma jira, mada'a balasu ni kanau demo toma ngowa-ngowa'a lelegu mete'e manga paralu: demo-demo ga'a sigasa ri-riono re site'e manga 'akala re sinyingara, la na'o ngowa'a ya 'isene demo-demo gena-ge 'i sigasa ananga toma la-la ma dara.

Efesus 5:4

Patasa ua ḏi'i, ngini ni kanau demo-demo ma cafarune, ma faeda 'i cua, masipaḏala'a. Siḏibo ḏi'i, ngini balasu ni sibere ie murasa ma la ra Ma Jou'ongu Madutu.

Kolose 3:5

Sababu gena-ge, ngini ni upa'a mo-moini dungia ma nyafusu ga'a ma 'asala toma manusia: su-sudala, 'a'a 'ori i'a ma cafarune, oḏi'i we-were'a yoḏu'u, nyafusu ma jira, re da-danata. Da-danata gena-ge ma tero sa'olo silamo'o re siḏubuso jou'ongu ma somoara.

Kolose 3:9

Ngini ni ma'u sa-sakala rawara matengo re matengo. Sababu ma siḏa ngini ninga 'ahu re de'oso re ḏegoro ma duhu so'o gena. Mada'a, nange-ne rena upa'a.

1 Timotius 1:13

'Au wali, wakutu ngoi to ngaku Yesus nyangu, ngoi to je-jengere Unanga re to sisikisa kama sijumu ua 'akala re sinyingara ma la-la toma ngowa'a ngaku Yesus. Kalaha so'o gena, Ma Jou'ongu Madutu 'o sijumu 'Ai 'akala re sinyingara ma la-la, sababu ngoi ta waro ua 'oru ga'a ngoi ta 'a'a sababu ngoi to ngaku Yesus nyangu.

1 Timotius 1:20

'Age nga muḏiḏi tamanga sigolona ga'a manga ngo-ngaku 'i cira: 'a Himeneus re 'a Aleksander. Ngoi ta'u sieanga i'a 'Iblisi ya'u kuasa. Gena-ge 'i dadi do-doto'o rimoi ra ananga, la 'aḏi matogumu 'aḏi sije-jengere Ma Jou'ongu Madutu sababu ananga 'aḏi doto'o 'ori i'a ma rapu gena-ge, ga'a 'i ma'u lawana 'ori i'a banari ra Unanga ino.

'Ibrani 12:1

Sababu gena-ge, ngene nena-ne nyengara wo kanau mangale sakisi ma siḏa gena-ge ma repe, ma tero sa'olo kakamo ga'a 'i sigoloḏi ngene. Dadi ngene balasu wo dadi ma tero sa'olo ngowa'a lalara ga'a upa'a 'ori i'a ga'a 'i siḏubuso bolo 'i raiti ra unanga. So'o gena ḏi'i, ngene balasu wo upa'a 'ori i'a ga'a 'i siḏubuso re ḏosa ga'a 'i masiraiti i'a ra ngene. Re ino ngene wo lalara re wo matahana sangisara reo tahana tau-taunu, la nga'unu wa siḏuanga talaḏi tandingi toma biono i'a.

Yakobus 2:7

Sidogo ḏi'i, ngowa'a rema-enanga gena-ge 'aḏi je-jengere Ma Jou Yesus 'ai lomanga ga'a ngini ni marimoi re nu silamo'o.

1 Petrus 2:1

Sababu gena-ge, awa ni madaga'a 'ori i'a mo-moini ga'a 'i cira; awa ni sihaga ngowa'a, awa ngini ni dadi ngowa'a munafiki, awa ni kaleḏa ngowa'a re awa ni leleje ngowa'a lelegu manga lomanga, bolo awa ni sije-jengere ngowa'a.

2 Petrus 2:18

Ananga 'aḏi matoro na'o 'aḏi kanau. Momongolo ua, ananga manga demo 'i parasaja. Guru-guru sa-sakala gena-ge remanga demo 'aḏi baja ngowa'a ga'a 'aḏi aro sieanga 'aḏi mete'e ngowa'a manga de'oso re ḏegoro ma jira. Ananga 'aḏi baja ngowa'a gena-ge reo manusia manga 'ulungu ma cafarune, la 'aḏi maḏibo mete'e de'oso re ḏegoro ma siḏa moju!

2 Petrus 2:7

Mada'a Ma Jou'ongu Madutu 'o sisalamata 'a Lot, sababu unanga ngowa'a loasa re banari. Lot 'ai 'akala re sinyingara 'i si-siḏi sababu 'o oḏi'i ananga manga ga'a 'i cira, ananga gena-ge ga'a 'aḏi oḏu'u mete'e Ma Jou'ongu Madutu.

Yudas 1:13

Ananga gena-ge manga de'oso re ḏegoro pa'i sipula'a mara'a ḇato ma tero sa'olo momoku toma ngoloto 'o rato ya wusu-wusu ga'a sibaolo jeremoto. Ananga ma tero sa'olo mumuḏungu-mumuḏungu ga'a 'i tagi le'a ḇato sababu sigasa ngowa'a toma ngo'omo 'i pale-pale. Dadi di'a ananga Ma Jou'ongu Madutu ya'u sidodahe ḏua manga ngi'i toma hafu-hafu masala ga'a kasingado-ngadolo i'a.

Yudas 1:8

Dadi so'o gena-ge ḏi'i guru-guru sa-sakala ga'a tamanga sigolona, ananga manga ga'a. Sababu manga nanele, ananga 'aḏi sudala singadolo 'aḏi sifaja manga lese. Ananga 'aḏi sito-to'u Ma Jou'ongu Madutu, re sipula'a mara'a makhluk 'ofi-'ofi toma soroga.

Tingoýi 16:9

Ngowa'a ga'a 'aḏi ro'u toma wangere ma sa-sau'u, ananga gena-ge 'aḏi so-sowini Ma Jou'ongu Madutu 'ai lomanga ga'a 'o kuasa toma bahala mo-moini gena-ge. Kalaha ananga 'aḏi sanga bahala gena-ge, ananga 'aḏi maḏibo ua toma ngo'omo boloto, re ananga 'aḏi oḏu'u puji re silamo'o Ma Jou'ongu Madutu 'ai kabasarana.