Kolose 3:7 - Jaji ma Su-sungi

⁷ 'Au nga'ene ngini masiretene ninga 'ahu ma duhu so'o gena-ge, wakutu ngini ni marimoi ra Kristus nyangu.

Kolose 3:7 Iomraidhean Croise

Roma 7:5

Sababu ma siḏa ngene wo 'ahu wo mete'e nanga nyafusu ga'a ma 'asala toma tabeata manusia baraḏosa. Re sababu wo waro Musa 'ai hukumu, nyafusu gena-ge 'i ganapu baolo tananga 'akala re sinyingara ma dara, singadolo enanga gena-ge 'i kuasa nanga lese. Dadi ngene wo patasa di'a sanga sengene kasingado-ngadolo i'a.

1 Korintus 6:11

'Au nga'ene, 'age mamuni'a taninga sigolona ga'a manga de'oso re ḏegoro so'o gena-ge ḏi'i. Mada'a 'orasa nange-ne Ma Jou'ongu Madutu 'o si'ofi ngini taninga ḏosa mo-moini re Unanga 'o sidadi ngini sa'olo 'Ai ngowa'a 'ofi-'ofi re ngowa'a kamanga sala ua ra Unanga 'ai momina. Mo-moini gena-ge sababu ngini reni marimoi ra Ma Jou Yesus Kristus re sababu ḏi'i Ma Ngagara 'Ofi-'Ofi tananga Jou'ongu Madutu tala.

Efesus 2:2

Toma 'orasa gena-ge, ngini ni mete'e dungia ma nyafusu, re ni mete'e 'Iblisi ma kuasa ga'a 'i kuasa toma roh-roh ma jira toma ngawa-ngawa, re ḏi'i 'i kuasa toma ngowa-ngowa'a ga'a mete'e Ma Jou'ongu Madutu ua.

Kolose 2:13

'Au nga'ene, kalaha ngini ni 'ahu-'ahu, ngini ni ma tero sa'olo ngowa'a raḏi sengene. Gena-ge 'i dadi sababu reni baraḏosa re ngini sanga suna ua taninga 'akala re sinyingara ma dara. Mada'a nange-ne, Ma Jou'ongu Madutu dadunu 'o si'ahu ngini mamete'e ra Kristus sababu ngene nanga ḏosa mo-moini, Ma Jou'ongu Madutu ra singi-ngiranga.

Titus 3:3

Sababu 'au nga'ene, ngene masiretene wo haga, mete'e ua Ma Jou'ongu Madutu re ngowa'a na sihaga. Ngene wo dadi budaka toma dungia ma nyafusu ma jira mo-moini, singadolo tananga 'ahu ma dara 'i romanga re 'i baolo 'ori i'a ma jira, 'akala go-goḏi re ngene ma'u emono matengo re matengo.