Kolose 3:6 - Jaji ma Su-sungi

⁶ Sababu 'ahu ma duhu so'o gena-ge, 'i sibaolo Ma Jou'ongu Madutu 'ai borata. Ḏua Unanga 'o sihukumu ngowa'a gena-ge.

Kolose 3:6 Iomraidhean Croise

Roma 1:18

Sababu Ma Jou'ongu Madutu ga'a 'o tegoro toma soroga, Unanga gena-ge ro sijumu 'Ai borata sababu manusia manga ḏosa. Dadi Unanga ḏuanga i'a 'O sijuruhakimi re 'O sihukumu ngowa'a mo-moini ga'a 'a'a ḏosa re kajahatana. Ngowa'a gena-ge ga'a manga kajahatana 'i dola'aku ngowa'a lelegu 'aḏi ngaku Ma Jou'ongu Madutu 'ai ba-banari.

Efesus 5:6

Awa ngini ngowa'a nu'u sihaga reo ngowa-ngowa'a manga demo ma faeda 'i cua. Ananga gena-ge 'aḏi kanau 'o ḏosa ua mo-moini so'o ne: su-sudala, tinikai, da-danata. Ḏuanga i'a, ngowa'a gena-ge ga'a mete'e ua Ma Jou'ongu Madutu 'ai 'akala ma mau, 'aḏi sibaolo Unanga 'ai borata.

1 Petrus 1:14

Sa'olo Ma Jou'ongu Madutu 'ai ngowa-ngowa'a, ngini ninga 'ahu balasu mete'e Unanga 'ai mau. Wakutu ngini nana'o nyangu Ma Jou'ongu Madutu, ninga nyafusu ma jira lai repe, mada'a nange-ne ngini ni sieanga ḏua. Awa nyafusu-nyafusu ma jira gena-ge 'i parenta ninga 'ahu moju.

2 Petrus 2:14

Ananga 'aḏi matogumu ua 'aḏi oḏi'i we-were'a tamanga 'akala re sinyingara rema nyafusu re 'aḏi matogumu ua disa donga di'a 'a'a ḏosa. Ananga 'aḏi baja ngowa'a manga ngo-ngaku ra Kristus ga'a 'i mereoso, la 'aḏi 'a'a 'ori i'a ma jira. Ananga raḏi biasa da-danata. Sababu ga'a ma jira mo-moini gena-ge Ma Jou'ongu Madutu ḏuanga i'a ya'u sisasi.

Tingoýi 22:15

Mada'a ngowa-ngowa'a ga'a madiga'a 'ori i'a ma jira: Ananga ga'a 'aḏi 'a'a sarati, 'aḏi su-sudala, 'aḏi sisengene ngowa'a, 'aḏi silamo'o re siḏubuso jou'ongu ma somoara, ngowa'a sa-sakala, bae tamanga demo re ganau bolo tamanga de'oso re ḏegoro; ananga mo-moini gena-ge manga ngi'i toma limau ma ḏuḏunu.