Kolose 3:5 - Jaji ma Su-sungi

⁵ Sababu gena-ge, ngini ni upa'a mo-moini dungia ma nyafusu ga'a ma 'asala toma manusia: su-sudala, 'a'a 'ori i'a ma cafarune, oḏi'i we-were'a yoḏu'u, nyafusu ma jira, re da-danata. Da-danata gena-ge ma tero sa'olo silamo'o re siḏubuso jou'ongu ma somoara.

Kolose 3:5 Iomraidhean Croise

Matias 15:19

Sababu toma 'akala re sinyingara 'i baolo 'ulungu ma jira, sisengene ngowa'a, su-sudala, tinikai, to-tori'i, sakisi sa-sakala ngowa'a, re sikanau ngowa'a.

Roma 1:26

Sababu manusia manga ga'a so'o gena, Ma Jou'ongu Madutu 'o sieanga i'a ananga di'a mete'e manga nyafusu ma jira. Dadi we-were'a manga 'akala ma nyafusu riwara toma na-nau'u sa'olo biasa di'a manusia, mada'a manga 'akala ma nyafusu toma we-were'a lelegu.

Roma 1:29

Manga 'akala re sinyingara ri romanga reo 'ori i'a ma jira mo-moini, nyafusu ngowa'a lelegu manga harata re mau 'a'a cira toma ngowa'a lelegu. Manga 'akala re sinyingara ri romanga reo kaleḏa, ma'u sisengene, ma'u ruta, ma'u sihaga, ma'u gogono 'akala. Ananga 'aḏi nyanyaḏi ma'u sikanau ngowa'a,

Roma 6:13

Awa ni sidoa'a moju ninga lese ma bageanga rimoi i'a toma ḏosa ma kuasa, di'a 'i 'a'a 'ori i'a ma jira. Mada'a siḏibo ḏi'i, ngini balasu ni sidoa'a ninga 'ahu ra Ma Jou'ongu Madutu sa'olo ngowa'a ga'a raḏi bebasa toma sengene re raḏi sanga 'ahu su-sungi. Ni sidoa'a ninga lese ma bageanga mo-moini ra Ma Jou'ongu Madutu, la Unanga nu pake di'a 'a'a 'ori i'a ga'a loasa re banari,

Roma 6:6

Ngene rewa waro nanga tabeata baraḏosa ma siḏa ri sengene mamete'e ra Kristus toma salib, la ḏosa ma kuasa ri wejere singadolo ngene ngowa'a budaka toma ḏosa riwara.

Roma 7:23

ngoi to masiwaro tala rema hukumu ḏosa ḏi'i ga'a ri kuasa tari lese ma bageanga. Hukumu ḏosa gena-ge 'i ma'u lawana rea Ma Jou'ongu Madutu 'ai hukumu ga'a 'ari fikirana ya nyafusu, singadolo ḏosa ri piri'u ngoi 'ari lese ma bageanga.

Roma 7:5

Sababu ma siḏa ngene wo 'ahu wo mete'e nanga nyafusu ga'a ma 'asala toma tabeata manusia baraḏosa. Re sababu wo waro Musa 'ai hukumu, nyafusu gena-ge 'i ganapu baolo tananga 'akala re sinyingara ma dara, singadolo enanga gena-ge 'i kuasa nanga lese. Dadi ngene wo patasa di'a sanga sengene kasingado-ngadolo i'a.

Roma 8:13

Sababu na'o ngini 'ahu mete'e manusia ma tabeata baraḏosa, tantu ḏua ḏuanga i'a ngini ni sengene kasingado-ngadolo i'a. Mada'a na'o Ma Ngagara 'Ofi-'Ofi 'i sinyanyasele ninga 'ahu, ngini nga'unu ni 'ahu mete'e riwara manusia ma tabeata baraḏosa re ḏuanga i'a ni sanga 'ahu kasingado-ngadolo i'a.

1 Korintus 5:1

Ngowa-ngowa'a raḏi siajele ḏua ra ngoi mangale madaga'a 'ori i'a ma faja tani jama'ata ma dara! 'Age rema na-nau'u matengo ga'a ma'u sala rema ngina bau. Ngowa-ngowa'a ga'a 'aḏi ngaku Yesus ua mai 'aḏi 'a'a so'o gena ua.

1 Korintus 6:11

'Au nga'ene, 'age mamuni'a taninga sigolona ga'a manga de'oso re ḏegoro so'o gena-ge ḏi'i. Mada'a 'orasa nange-ne Ma Jou'ongu Madutu 'o si'ofi ngini taninga ḏosa mo-moini re Unanga 'o sidadi ngini sa'olo 'Ai ngowa'a 'ofi-'ofi re ngowa'a kamanga sala ua ra Unanga 'ai momina. Mo-moini gena-ge sababu ngini reni marimoi ra Ma Jou Yesus Kristus re sababu ḏi'i Ma Ngagara 'Ofi-'Ofi tananga Jou'ongu Madutu tala.

1 Korintus 6:13

'Age ḏi'i rema ngowa'a lelegu ga'a 'aḏi kanau, “Ngo-ngoromo di'a 'i osama toma po'olo re po'olo di'a ngo-ngoromo ma ngi'i.” Mada'a fara ḏiḏi gena-ge Ma Jou'ongu Madutu 'a singi-ngiranga na'o ngene wo sengene. Ngene nanga lese awa wa sipake di'a wo sudala, mada'a nanga lese wa sipake di'a wo de-de'oso Ma Jou'ongu Madutu re Unanga gena-ge 'a parenta nanga lese.

1 Korintus 6:18

Ni maki-kiḏanga toma su-sudala! Sababu ḏosa mo-moini ga'a ngene wo 'a'a, pa'i sudala ḇato si'a'a ngene nanga lese 'i baraḏosa tananga lese masiretene.

2 Korintus 12:21

Ngoi to dodato na'o ḏuanga i'a to sapolo dadunu ra ngini, 'ari Jou'ongu Madutu 'o sipake-pake ngoi ua taninga biono. Dadi ngoi to 'aḏi sababu taninga sigolona 'age ngowa'a manga repe moju ga'a 'a'a ḏosa. Ananga gena-ge 'aḏi maḏibo toma ngo'omo boloto nyangu re 'aḏi matogumu ua 'a'a 'ori i'a ma cafarune, su-sudala, re 'ori i'a ga'a patasa ua di'a ngowa'a ngaku Yesus.

Galatia 5:24

Ngowa-ngowa'a ga'a raḏi osama nyo-nyoimi ra Kristus Yesus, ananga gena-ge raḏi sisengene manusia manga de'oso re ḏegoro ma jira re manga nyafusu ma jira tamanga 'akala re sinyingara.

Efesus 4:19

Ananga kamanga mara'a riwara, singadolo 'aḏi su-sudala mete'e manga lese ma nyafusu re 'aḏi 'ahu toma su-sudala ma dara 'i mete'e manga 'akala ma mau-mau.

Kolose 2:11

Sababu ngini ni marimoi ra Kristus, enanga 'i ma tero sa'olo ngini ni sanga suna. Suna gena-ge manusia ya 'a'a ua, mada'a Kristus 'a 'a'a taninga 'akala re sinyingara, wakutu Unanga 'o sibebasa ngini toma ḏosa ga'a 'i parenta ninga 'ahu.

1 Tesalonika 4:3

Ma Jou'ongu Madutu 'ai 'akala ma mau nena-ne: Ngini ninga 'ahu balasu 'ofi-'ofi. Sababu gena-ge, ni sudala awa.

1 Tesalonika 4:5

Awa ngini ni mete'e ninga nyafusu ma jira ma tero sa'olo ngowa'a 'aḏi nana'o Ma Jou'ongu Madutu ua.

1 Timotius 6:10

Sababu na'o ngene wo nyafusu pa'i pipisi ḇato, tananga 'akala re sinyingara ma dara 'i baolo 'ori i'a ma jira mo-moini. 'Age ngowa'a mamuni'a 'aḏi dedele pa'i mau sanga pipisi ḇato singadolo 'aḏi mete'e riwara do-doto'o banari, dadi 'aḏi eta'a toma jira ma dara.

'Ibrani 12:16

Ngini ni ma'istiari ninga 'ahu matengo re matengo, la matengo i'a mai ua awa 'o 'ahu su-sudala, bolo 'o silamo'o ua Ma Jou'ongu Madutu 'ai barakati ma tero 'a Esau. Unanga gena-ge ga'a 'a wu'unu 'ai haku sa'olo ngowa nau'u ma jomolo, di'a pa'i ngo-ngoromo moku moi ḇato!

'Ibrani 13:4

Ngini mo-moini balasu ni silamo'o molo'ara ma 'atoranga: Awa were'a bolo nau'u 'a'a tinikai. Sababu ngowa-ngowa'a ga'a 'aḏi 'a'a su-sudala re tinikai, ḏuanga i'a Ma Jou'ongu Madutu ya'u sihukumu.

'Ibrani 13:5

Awa ngini ni dadi pipisi ma budaka. Siḏibo ḏi'i, ngini balasu basono sanangi reo 'oru ga'a 'age ra ngini ḏua. Sababu Ma Jou'ongu Madutu ro kanau so'o ne: “Ngoi to sieanga i'a ngana ua, Ngoi to sisoi'i tala ngana ua.”

Yakobus 4:1

Ma sababu 'oru ngini ma'u rubutu re ma'u saturu matengo re matengo?! Ngini ni ma'u rubutu re ni ma'u saturu matengo re matengo ma tero sa'olo parangi, sababu ngini mau pa'i ni mete'e ḇato dungia ma nyafusu!

1 Petrus 2:11

Ioronongoḏu ngo-ngaku rimoi ga'a ngoi tunu dadalara! Ngini reni waro mangale ngini ma tero sa'olo ngowa'a tagi-tagi ino re ni tegoro nena re si'a ua toma dungia nena-ne. Sababu gena-ge, Ngoi to golo'o mode-mode'e ra ngini, awa ngini ni madaga'a 'oru ḇato 'i mete'e ninga nyafusu ma jira. Sababu nyafusu gena-ge 'i ma'u lawana reninga nyawa.

Tingoýi 21:8

Mada'a ngowa'a ga'a manga ngo-ngaku taḇe i'a, ngowa'a 'aḏi ngaku ua, ngowa-ngowa'a ga'a madiga'a jira, ngowa-ngowa'a ga'a sisengene ngowa'a, ngowa'a su-sudala, ngowa'a ga'a 'a'a sarati, ngowa'a ga'a 'aḏi silamo'o re siḏubuso jou'ongu ma somoara, ngowa'a sa-sakala, ananga mo-moini gena-ge ḏuanga i'a 'aḏi siupa'a toma ngoloto u'u ga'a walira leja-lejanga. Gena-ge ma ngale: Ananga 'aḏi basono sengene ma soi ḏiḏi.”

Tingoýi 22:15

Mada'a ngowa-ngowa'a ga'a madiga'a 'ori i'a ma jira: Ananga ga'a 'aḏi 'a'a sarati, 'aḏi su-sudala, 'aḏi sisengene ngowa'a, 'aḏi silamo'o re siḏubuso jou'ongu ma somoara, ngowa'a sa-sakala, bae tamanga demo re ganau bolo tamanga de'oso re ḏegoro; ananga mo-moini gena-ge manga ngi'i toma limau ma ḏuḏunu.