Kolose 3:3 - Jaji ma Su-sungi

³ Sababu ngini ma tero sa'olo reni sengene mamete'e Kristus. Gena-ge mangale: 'Ori i'a i'a toma dungia nena-ne 'i parenta ngini riwara. Nange-ne, ngini ma tero sa'olo ngowa'a dadunu 'aḏi 'ahu moju mamete'e ra Kristus. Dadi ni 'ahu marimoi ra Kristus ra Ma Jou'ongu Madutu 'ai biono toma soroga. Mada'a 'ahu gena-ge 'i go-gogono moju

Kolose 3:3 Iomraidhean Croise

Matias 11:25

Toma 'orasa gena-ge Yesus 'o kanau, “Baba, Ma Jou'ongu Madutu 'o kuasa toma diwanga re dungia, Ngoi to puji re silamo'o 'Ani lomanga sababu mo-moini gena-ge Baba na gogono toma ngowa'a pahe re ngowa'a 'akala soro'unu, mada'a Baba na sijumu toma ngowa-ngowa'a ga'a manga de'oso re ḏegoro ma tero sa'olo ngowa 'olo.

Yohanes 14:19

Ti'ara riwara, ngowa'a toma dungia nena-ne 'aḏi oḏi'i Ngoi. Mada'a ngini nena-ne dadunu ni oḏi'i Ngoi moju. Re ngini ḏuanga i'a ni 'ahu sababu Ngoi nena-ne dadunu To 'ahu moju.

Yohanes 3:16

Ma Jou'ongu Madutu 'o dadalara manusia toma dungia ma tero so'o ne: Unanga ro 'utusu 'Ai Ngowa'a Nau'u pa'i matengo, la 'a guna ḇato 'o ngaku 'Ai Ngowa'a Nau'u gena-ge, 'o iranga ua kasingado-ngadolo i'a, mada'a 'o sanga 'ahu kasingado-ngadolo i'a.

Yohanes 4:14

Mada'a 'a guna 'o ka'e ḇanyo ga'a Ngoi to pula'a, ananga manga camala dudungu riwara nena re si'a. Sababu ḇanyo ga'a Ngoi to pula'a gena-ge enanga 'i dadi ḇanyo ma la'o tamanga lese ma dara ga'a 'i sipula'a ḇanyo 'ahu re 'ahu kasingado-ngadolo i'a.”

Yohanes 5:21

'Ari Ḇaḇa dadunu 'o si'ahu moju ngowa'a senge-sengene, re 'O pula'a 'ahu kasingado-ngadolo i'a ra ananga. So'o gena ḏi'i Ngoi, 'Ai Ngowa'a Nau'u, To pula'a 'ahu kasingado-ngadolo i'a ra guna ḇato mete'e 'Ari mau.

Yohanes 5:24

Ni ngaku mode-mode'e 'Ari demo-demo nena-ne: 'A guna ga'a 'a totoho mode-mode'e 'Ari demo-demo gena-ge re 'o ngaku Unanga ga'a Ro 'utusu Ngoi, unanga gena-ge 'o sanga hukumu ua mada'a 'o sanga 'ahu kasingado-ngadolo i'a. Unanga gena-ge ro malage toma ngowa'a senge-sengene ma ngi'i re ro sanga 'ahu kasingado-ngadolo i'a.

Yohanes 5:40

Mada'a ngini masiretene ni oḏu'u sapolo ra Ngoi, la ni sanga 'ahu kasingado-ngadolo i'a.

Roma 5:10

Sababu na'o wakutu ngene Ma Jou'ongu Madutu 'ai lawana, Unanga 'o sirimoi ngene ra Unanga sababu 'Ai Ngowa'a Nau'u 'ai se-sengene; tantu ḏua toma 'orasa nange-ne, wakutu ngene rewo marimoi ra Ma Jou'ongu Madutu, Kristus ḏuanga i'a 'o sisalamata ngene sababu Unanga dadunu 'o 'ahu moju!

Roma 5:21

Dadi ma siḏa, ḏosa 'i kuasa ngowa'a mo-moini manga 'ahu singadolo ananga mo-moini balasu 'aḏi sanga hukumu sengene. Mada'a nange-ne Ma Jou'ongu Madutu 'ai mura re dadalara 'i kuasa nanga 'ahu, sababu ngene rewo dadi ngowa'a loasa re banari, re sanga 'ahu kasingado-ngadolo i'a sababu nanga Jou Yesus Kristus.

Roma 6:11

Dadi so'o gena ḏi'i, ngini balasu ni fikiri mangale ngini masiretene sa'olo ngowa'a bebasa toma ḏosa ma kuasa re sa'olo ngowa'a ga'a 'ahu di'a Ma Jou'ongu Madutu, sababu ngini ni marimoi ra Kristus Yesus.

Roma 6:2

Sanga ua! Sababu ḏosa 'i kuasa ngene riwara. Dadi i'a sa'olo ngene wo 'ahu 'a'a ḏosa tau-taunu?!

Roma 8:2

Ma Ngagara 'Ofi-'Ofi ma kuasa ri sibebasa ngene toma ḏosa ma kuasa re sengene kasingado-ngadolo i'a re pula'a 'ahu su-sungi ra ngene, sababu ngene rewo marimoi ra Kristus Yesus.

1 Korintus 15:45

Ma tero toma Boku 'Ofi-'Ofi ma dara 'i silefo: “Manusia ma mulaingi 'a Adam, unanga gena-ge Ma Jou'ongu Madutu 'o sidadi unanga 'o 'ahu.” Mada'a Adam ma sidu-duu'u gena-ge 'a Kristus, dadunu 'O 'ahu moju, la 'O pula'a 'ahu kasingado-ngadolo i'a ra ngene.

1 Korintus 2:14

Mada'a ngowa-ngowa'a ga'a Ma Ngagara 'Ofi-'Ofi 'i cua ra ananga, ananga gena-ge 'aḏi oḏu'u dawongo 'oru ga'a Ma Ngagara 'Ofi-'Ofi 'i siajele. Sababu ananga ya ta'ajiri gena-ge sa'olo 'ori i'a ma parasaja ḇato. Ngowa'a gena-ge ya sahe yoḏu'u, sababu pa'i Ma Ngagara 'Ofi-'Ofi ḇato na riono ngene nga'unu wa disa waro re wa sahe enanga rema faeda.

2 Korintus 5:14

Ngomi mi 'a'a so'o gena-ge sababu Kristus 'ai dadalara 'i sinyanyasele minga 'akala re sinyingara. Sababu ngomi mi ngaku mode-mode'e ga'a ngowa'a matengo 'O sengene di'a ngowa'a mo-moini. Sababu gena-ge, ma tero sa'olo ngowa'a mo-moini raḏi sengene.

2 Korintus 5:7

Re dadi ngomi mi 'ahu ma dasara reo minga ngo-ngaku ra Kristus, enanga ma dasara ua ga'a ngomi nyengara ma oḏi'i.

Galatia 2:20

'Ari 'ahu ne, ngoi 'ari 'ahu 'ua mada'a Kristus masiretene ro 'ahu ra ngoi. 'Ahu ga'a ngoi ta basono nange-ne sababu ngoi to ngaku Ma Jou'ongu Madutu 'ai Ngowa'a Nau'u ga'a 'o dadalara ngoi re Unanga 'o sengene di'a ngoi.

Efesus 3:9

Re Unanga ḏi'i 'o siwatasa munara ra ngoi di'a to sitarangi rahasia gena-ge. Dadi ngowa'a mo-moini ya waro ma duhu sa'olo Ma Jou'ongu Madutu 'a siḏagi 'Ai maksudu ma rahasia gena-ge ga'a 'ua re 'au wali moju matengo i'a mai ua 'a waro. Unanga gena-ge 'O sidadi diwanga re dungia re ma dara mo-moini.

Filipi 4:7

Ḏua dame ra Ma Jou'ongu Madutu, ga'a manusia 'aḏi sahe yoḏu'u, enanga ḏuanga i'a 'i kadiarata ninga 'akala re sinyingara sababu ngini reni marimoi ra Kristus Yesus.

Kolose 1:5

Ngini ni ngaku Yesus Kristus re ni dadalara Ma Jou'ongu Madutu 'ai 'umata, sababu ngini ni masinganono mode-mode'e ḏuanga i'a ni sanga barakati ga'a Ma Jou'ongu Madutu 'o sidodahe ḏua toma soroga di'a ngini. Ngini reni 'isene mangale Habari Roanga ga'a 'i ba-banari, wakutu ngowa'a ya singadolo gena-ge ra ngini.

Kolose 2:20

Ngini reni sengene mamete'e ra Kristus. Sababu gena-ge roh-roh ma jira ga'a 'i parenta dungia nena-ne 'i kuasa ngini riwara. Nah, i'a sa'olo ni 'ahu ma tero ḇato sa'olo roh-roh ma jira gena-ge 'i kuasa ngini moju?! Dadi awa ngini ni ta'aloko toma 'atoranga-'atoranga nena-ne:

Kolose 2:3

Pa'i ra Kristus gena-ge ḇato, toma ngowa'a lelegu 'i cua, 'akala soro'unu re wo-waro mo-moini mangale Ma Jou'ongu Madutu. Enanga gena-ge 'i ma tero sa'olo harata ga'a 'ua re 'au wali moju 'i go-gogono.

Kolose 3:4

sababu ninga 'ahu su-sungi ma cimi gena-ge Kristus. Wakutu Unanga dadunu 'o sapolo Rai kabasarana, ngini ni mamete'e ra Unanga, re Unanga 'O sibalangu 'Ai mulia ra ngini ḏi'i.

'Ibrani 7:25

Sababu gena-ge, Yesus nyengara 'o sisalamata kasingado-ngadolo i'a ngowa'a mo-moini ga'a 'aḏi sapolo ra Ma Jou'ongu Madutu. Gena-ge 'i dadi sababu ananga gena-ge 'aḏi ngaku Yesus sa'olo manga 'imam, re sababu ḏi'i Unanga 'o 'ahu kasingado-ngadolo i'a 'o manyiata ra Ma Jou'ongu Madutu di'a ananga.

1 Petrus 3:4

Mada'a ngini balasu ni sijumu ninga jamani mode-mode'e taninga nau'u reni sidodai ninga 'akala re sinyingara mereoso re kama 'oro mangale ua ga'a 'i baolo taninga 'akala re sinyingara ma dara. Jamani gena-ge kasingado-ngadolo i'a, re lai hali madutu ra Ma Jou'ongu Madutu 'ai momina.

1 Petrus 4:2

Sababu gena-ge, ngini ni 'ahu-'ahu moju toma dungia, balasu ni mete'e Ma Jou'ongu Madutu 'ai 'akala ma mau re awa ni mete'e manusia manga nyafusu.

1 Yohanes 3:2

Ioronongoḏu ngo-ngaku rimoi ngoi tunu dadalara! Kalaha ngene nange-ne Ma Jou'ongu Madutu 'ai ngowa-ngowa'a, ngene wo waro nyangu mangale ḏuanga i'a nanga ḏe-ḏegoro ma duhu sa'olo. Sababu Ma Jou'ongu Madutu na siajele nyangu. Mada'a ngene rewo waro wakutu Kristus dadunu 'o sapolo moju, ngene wo dadi sa'olo Unanga, sababu wo oḏi'i Unanga 'ai ḏe-ḏegoro 'i ti-tiai.

Tingoýi 2:17

'A guna ḇato nga'unu 'o 'isene, balasu 'a totoho la-la ino 'oru ga'a Ma Ngagara 'Ofi-'Ofi 'i kanau toma jama'ata-jama'ata. 'A guna ḇato 'ai ngo-ngaku ra Ngoi kama elala ua singadolo 'o sengene, Ngoi to pula'a watasa oromo manna ga'a 'i gogono. Re Ngoi ḏi'i to pula'a maḏi bu-buḏo matengo ngai moi. Toma maḏi gena-ge 'i silefo lomanga su-sungi, matengo i'a mai ua ya waro, pa'i ngowa'a ga'a ya dawongo maḏi gena-ge, ananga gena-ge ya waro.”