Kolose 3:14 - Jaji ma Su-sungi

¹⁴ Mo-moini gena-ge ma la-lamo'o ma re'u i'a: Ngini balasu ni ma'u dadalara. Sababu dadalara gena-ge 'i si'a'a ngini ni 'ahu marimoi ti-tiai.

Kolose 3:14 Iomraidhean Croise

Yohanes 13:34

Ngoi to pula'a ra ngini parenta ma su-sungi: Ni ma'u dadalara matengo re matengo. Ngini balasu ni ma'u dadalara matengo re matengo, ma tero sa'olo Ngoi tini dadalara ngini ḏua.

Yohanes 15:12

Ngoi 'ari parenta nena-ne: Ngini balasu ni ma'u dadalara matengo re matengo, ma tero Ngoi tini dadalara ngini.

Yohanes 17:23

Ngoi to marimoi ra ananga re Baba no marimoi ra Ngoi, la ananga mode-mode'e 'aḏi marimoi. Ḏua ngowa'a toma dungia ḏuanga i'a ya waro mangale Baba masiretene Reno 'utusu Ngoi, re Baba no dadalara ananga ma tero Baba no dadalara Ngoi.

Roma 13:8

Awa ngini ni mabanyatoro ra guna ḇato. Mada'a pa'i banyatoro rimoi ḇato ga'a balasu ni fangu tau-taunu: Ngini balasu ni ma'u dadalara matengo re matengo. Sababu 'a guna ḇato 'o dadalara toma ngowa'a lelegu, unanga ra sitotomo 'a Musa 'ai hukumu.

Efesus 1:4

Dungia 'i dadi nyangu, Unanga rena pili ngene ḏuanga i'a wo dadi marimoi ra Kristus, la ngene wo dadi Unanga 'ai ngowa-ngowa'a, kananga ḏosa ua re kananga sala ua ra Unanga 'ai momina.

Efesus 4:3

Ma Ngagara 'Ofi-'Ofi ri sirimoi ngini, dadi ngini balasu ni makutale mode-mode'e di'a ni 'ahu toma dame, la ni 'ahu marimoi tau-taunu.

Efesus 5:2

Taninga 'ahu ma dara balasu romanga reo dadalara, ma tero sa'olo Kristus ḏi'i 'O dadalara ngene. Unanga 'ai lese 'a sidoa'a sa'olo jou-jou di'a ngene sa'olo jou-jou rimoi ga'a ma bounu lai sa'i re sisanangi Ma Jou'ongu Madutu 'ai 'akala re sinyingara.

Kolose 2:2

Mo-moini gena-ge, ngoi ta si'a'a di'a site'e ngini ninga 'akala re sinyingara re ananga manga 'akala re sinyingara, la ngini mo-moini ni ma'u dadalara matengo re matengo singadolo ninga 'ahu 'i marimoi. Dadi ngini re ananga mo-moini nga'unu ni sahe re ni ngaku ti-tiai mangale Ma Jou'ongu Madutu 'ai rahasia, gena-ge Kristus masiretene.

1 Tesalonika 4:9

Paralu riwara ngomi mi lefo surata ra ngini mangale ma duhu sa'olo ni ma'u dadalara matengo re matengo, sababu Ma Jou'ongu Madutu masiretene ro doto'o ngini mangale balasu ni ma'u dadalara.

1 Timotius 1:5

Ngoi to soma'a ngana so'o gena-ge, la ngowa'a ngaku Yesus mo-moini 'aḏi dadi ngowa'a ga'a manga 'akala re sinyingara 'i boloto re 'akala re sinyingara ma kanau 'i 'ofi-'ofi, re nyengara 'aḏi ngaku mode-mode'e ra Ma Jou, re 'aḏi waro mangale 'ori i'a ma jira re ma la-la, singadolo ananga nga'unu 'aḏi ma'u dadalara mode-mode'e.

'Ibrani 6:1

Sababu gena-ge ioronongoḏu ngo-ngaku rimoi, awa pa'i ino madoto'o do-doto'o ma mulaingi mangale Kristus ḇato. Siḏibo ḏi'i, ino madoto'o do-doto'o mangale site'e nanga ngo-ngaku. Awa pa'i ino madoto'o do-doto'o ma mulaingi ḇato bae sisoi'i tala ḏosa re maḏibo toma ngo'omo boloto, bae ngaku Ma Jou'ongu Madutu, la wo sanga ua sengene kasingado-ngadolo i'a,

1 Petrus 4:8

Ma la-lamo'o ma re'u i'a ḏi'i, ngini balasu ni ma'u dadalara mode-mode'e. Sababu na'o ngini ni dadalara so'o gena-ge, matengo re matengo manga ḏosa ngini na gogono ua taninga 'akala re sinyingara.

2 Petrus 1:7

Re taninga de'oso re ḏegoro gena-ge ni sidogo dadalara taninga ioronongoḏu ngo-ngaku rimoi. Ḏua ni sidogo taninga de'oso re ḏegoro, ni dadalara 'a guna ḇato.

1 Yohanes 3:10

Nena-ne 'i dadi didina'o rimoi mangale ngene nyengara wa oḏi'i enanga 'i ma'u rapu Ma Jou'ongu Madutu 'ai ngowa-ngowa'a reo 'Iblisi ma ngowa-ngowa'a: 'A guna ḇato ga'a si'a'a mete'e ua Ma Jou'ongu Madutu 'ai 'akala ma mau bolo manga dadalara 'i cua tamanga ioronongoḏu ngo-ngaku rimoi, ananga gena-ge Ma Jou'ongu Madutu 'ai ngowa-ngowa'a ua.

1 Yohanes 3:23

Unanga 'ai parenta ra ngene so'o ne: Ngene balasu ngaku mangale Ma Jou'ongu Madutu 'ai Ngowa'a Nau'u, Unanga gena-ge Yesus Kristus, re ngene ḏi'i balasu wo ma'u dadalara matengo re matengo.

1 Yohanes 4:21

Nena-ne parenta ga'a Yesus ro pula'a ra ngene: 'A guna ḇato 'o dadalara Ma Jou'ongu Madutu, balasu dadalara ḏi'i 'ai ioronongoḏu ngo-ngaku rimoi.