Kolose 3:12 - Jaji ma Su-sungi

¹² Ma Jou'ongu Madutu ro cumutu ngini sa'olo 'Ai 'umata ga'a ngowa'a 'ofi-'ofi re Unanga ro dadalara ngini. Sababu gena-ge, ngini ni 'ahu so'o ne: Ni riono matengo re matengo, ni pake 'akala rousu, ni maholo ninga diri, ni pake 'akala re sinyingara mereoso re 'akala ḇanyo.

Kolose 3:12 Iomraidhean Croise

Matias 24:22

Na'o Ma Jou'ongu Madutu 'a siḇoko'o ua ma 'orasa gena-ge, marai matengo i'a mai ua nga'unu wo 'ahu moju. Mada'a Unanga 'a siḇoko'o ma 'orasa gena-ge sababu Unanga 'o dadalara 'ai ngowa-ngowa'a ga'a Unanga ro cumutu.”

Matias 24:24

Sababu kristus-kristus sa-sakala re nabi-nabi sa-sakala ḏuanga i'a 'aḏi sapolo. Ananga gena-ge 'aḏi 'a'a 'ori i'a hera-heranga re didina'o-didina'o heranga di'a sihaga ngowa'a repe re na'o nyengara ananga 'aḏi sihaga Ma Jou'ongu Madutu 'ai 'umata, mada'a gena-ge 'i yoḏu'u!

Matias 24:31

Gena ḏua, ngowa-ngowa'a 'aḏi isene terompet ma iḏingi lai siḏi. Ḏua Ngoi, Manusia ma Ngowa'a Nau'u, To soma'a 'Ari mala'ekata-mala'ekata 'aḏi lomu 'Ari 'umata ga'a Ma Jou'ongu Madutu ya'u cumutu ḏua toma dungia ḇuḇuku rata, toma diwanga ma didiki singadolo toma diwanga ma didiki.”

Markus 13:20

Na'o Ma Jou'ongu Madutu 'a siḇoko'o ua ma 'orasa gena-ge, marai matengo i'a mai ua nga'unu wo 'ahu moju. Mada'a Unanga 'a siḇoko'o ma 'orasa gena-ge sababu Unanga 'o dadalara 'Ai 'umata ga'a Unanga ro cumutu.

Markus 13:22

Sababu kristus-kristus sa-sakala re nabi-nabi sa-sakala ḏuanga i'a 'aḏi sapolo. Ananga gena-ge 'aḏi 'a'a 'ori i'a hera-heranga re didina'o-didina'o heranga di'a 'aḏi sihaga ngowa'a repe re na'o nyengara ananga 'aḏi sihaga Ma Jou'ongu Madutu 'ai 'umata, mada'a gena-ge 'i yoḏu'u!

Markus 13:27

Re Ngoi to soma'a 'Ari mala'ekata-mala'ekata 'aḏi supu re 'aḏi lomu Ma Jou'ongu Madutu 'ai 'umata ga'a Unanga ro cumutu toma dungia ḇuḇuku rata, toma dungia ma didiki singadolo toma diwanga ma didiki.”

Lukas 1:78

sababu nanga Jou'ongu Madutu, Unanga 'ai 'akala re sinyingara ma la-la masala di'a ngene. Sababu gena-ge, Unanga 'ai Ngowa'a Nau'u ḏuanga i'a 'o sapolo da'u toma soroga tala di'a 'O sisalamata ngene, ma tero sa'olo wangere ma la'o 'i pilata,

Lukas 18:7

Nah, sanga ua Ma Jou'ongu Madutu na riono ua 'ai ngowa-ngowa'a masiretene remanga hali ga'a 'aḏi maḏigaro'o ra Unanga lobi'i re wangere! Tantu ḏua Ma Jou'ongu Madutu 'a sitehe ua enanga ma 'orasa di'a 'O riono ananga!

Roma 1:7

Toma ioronongoḏu ngo-ngaku rimoi mo-moini toma limau Roma, ga'a Ma Jou'ongu Madutu 'o dadalara, re ro 'aro'o ngini di'a ni dadi Unanga 'ai 'umata; ngoi to golo'o ra Ma Jou'ongu Madutu ngene nanga Baba, re Yesus Kristus nanga Jou mangale Ananga 'aḏi pula'a manga mura re dadalara, re dame ra ngini.

Roma 13:14

Siḏibo ḏi'i, ngini balasu ni mete'e Ma Jou Yesus Kristus 'Ai tabeata re 'Ai de'oso re ḏegoro, singadolo 'Ai tabeata re de'oso re ḏegoro gena-ge, enanga 'i dadi ma tero sa'olo ninga pakeanga. Re ni fikiri riwara mangale ni mete'e ninga tabeata baraḏosa ma nyafusu.

Roma 9:11

Mada'a ngowa'a nau'u nga muḏiḏi gena-ge ma ngina mo sibuoro nyangu, re ananga 'aḏi 'a'a nyangu 'ori i'a la-la bolo cira, Ma Jou'ongu Madutu ra sitantukanga 'o cumutu matengo i'a sanga 'Ai jaji toma biono i'a. Ma Jou'ongu Madutu 'a'a so'o gena-ge di'a sijumu Unanga 'ai bili gena-ge 'i mete'e ua sa'olo manusia manga bili — manusia 'aḏi pili mete'e ngowa'a manga ga'a — mada'a 'Ai bili 'i mete'e Unanga 'ai mau masiretene.

1 Korintus 13:4

Matengo ga'a 'o dadalara ngowa'a lelegu, unanga gena-ge 'ai 'akala ḇanyo, 'ai 'akala lai rousu, ham-ham ua, matoro ua re momole ua.

2 Korintus 6:6

Re ḏi'i ngomi sijumu mangale ngomi mi dadi Ma Jou'ongu Madutu 'ai falalomu mode-mode'e, sababu mi sijumu minga 'akala re sinyingara boloto, minga wo-waro lai ngido mangale Ma Jou'ongu Madutu 'ai demo, minga 'akala ḇanyo re 'akala rousu ra guna ḇato. Ngomi mi masidiriwa ra Ma Jou'ongu Madutu 'ai de-de'e toma Ngagara 'Ofi-'Ofi, re mi dadalara mode-mode'e 'a guna ḇato.

Galatia 5:6

Sababu na'o ngene rewo marimoi ra Kristus Yesus bae ngene rewo masuna bae wo masuna ua; enanga gena-ge 'i 'oru ua. Mada'a enanga ga'a ma la-lamo'o ma re'u i'a so'o ne: Ngene wo sigare nanga ngo-ngaku ra Kristus. Re nanga ngo-ngaku gena-ge 'i waiti na'o ngene wo dadalara ngowa-ngowa'a lelegu.

Efesus 1:4

Dungia 'i dadi nyangu, Unanga rena pili ngene ḏuanga i'a wo dadi marimoi ra Kristus, la ngene wo dadi Unanga 'ai ngowa-ngowa'a, kananga ḏosa ua re kananga sala ua ra Unanga 'ai momina.

Efesus 4:2

Ngini balasu ni maholo ninga 'akala re sinyingara, 'akala re sinyingara mereoso, pake 'akala ḇanyo, ni manahana ninga diri sababu ninga dadalara di'a ngowa'a lelegu, wakutu manga de'oso re ḏegoro 'i ma'u rapu ra ngini.

Efesus 4:24

Re ngini reni dawongo do-doto'o ḏi'i mangale ngini balasu ninga 'ahu ma tero sa'olo manusia su-sungi ga'a Ma Jou'ongu Madutu ro si'a'a: Ngini balasu ni mete'e Unanga 'ai de'oso re ḏegoro ga'a ma banari, boloto re 'ofi-'ofi.

Efesus 4:32

Siḏibo ḏi'i, ngini balasu ninga 'akala re sinyingara lai rousu, ni ma'u dadalara re ma'u si'apongo matengo re matengo, ma tero sa'olo Ma Jou'ongu Madutu 'o singi-ngiranga ninga ḏosa sababu ni marimoi ra Kristus.

Filipi 1:8

Ma Jou'ongu Madutu 'a waro mangale ngoi to mau masala di'a to ma'u sanga ngini moju, sababu ngoi to dadalara ngini ma tero sa'olo Kristus Yesus masiretene 'o dadalara ngini.

Kolose 3:10

Nange-ne ngini reni dawongo 'ahu su-sungi sababu Ma Jou'ongu Madutu ro sidadi ngini manusia su-sungi. Unanga 'o sidiai ninga de'oso re ḏegoro tau-taunu, la ngini ni dadi ma tero ra Unanga gena-ge re mode-mode'e ngini ni nana'o Unanga ti-tiai.

1 Tesalonika 5:15

Ni ma'istiari ino: Na'o ngowa'a 'aḏi 'a'a cira ngini, ngini 'a'a cira ananga awa. Siḏibo ḏi'i, ngini balasu ni ma'u riono re ni ma'u sioḏi'i matengo re matengo ra guna ḇato.

2 Timotius 1:9

Ma Jou'ongu Madutu na sisalamata ngene re 'O 'aro'o ngene, la wo dadi Unanga 'ai ngowa-ngowa'a masiretene ga'a Unanga 'o cumutu ḏua. I'a sa'olo Ma Jou'ongu Madutu 'a si'a'a so'o gena? Sababu ngene wo madaga'a 'ori i'a ma la-la; so'o gena-ge ua! Mada'a, sababu mete'e Unanga 'ai mau re Unanga 'ai mura re dadalara ḇato. Wakutu Unanga 'o sidadi nyangu dungia, Unanga ro sitantukanga ḏua 'O pula'a 'Ai mura re dadalara gena-ge ra ngene sababu Kristus Yesus.

2 Timotius 2:10

Sababu gena-ge, ngoi ta doiti sangisara mo-moini gena-ge di'a ngowa-ngowa'a ga'a Ma Jou'ongu Madutu 'o cumutu ḏua, la ananga ḏi'i 'aḏi sanga salamata re 'aḏi sanga mulia kasingado-ngadolo i'a toma soroga sababu 'aḏi marimoi ra Kristus Yesus.

Titus 1:1

'Ari ngowa'a 'a Titus, Ngoi Paulus, Yesus Kristus 'ai so-soma'a re ngoi ta Ma Jou'ongu Madutu ma tero sa'olo 'Ai budaka, to lefo surata ra ngana. Ngoi to sanga ju-jumutu di'a to riono Ma Jou'ongu Madutu 'ai 'umata ga'a Unanga 'o cumutu ḏua, la to site'e manga ngo-ngaku. Ngoi ḏi'i balasu ta'u sioḏi-oḏi'i ananga, la 'aḏi nana'o do-doto'o banari 'i mete'e Ma Jou'ongu Madutu 'ai 'akala ma mau, la manga 'ahu 'i dadi loasa re banari.

2 Petrus 1:10

Sababu gena-ge 'ari ioronongoḏu ngo-ngaku rimoi, ngini balasu ni makutale lebe siḏi i'a, la ninga de'oso re ḏegoro la-la gena-ge 'i dadi lebe te'e taninga 'ahu. Na'o so'o gena-ge 'i dadi didina'o rimoi ga'a sijumu mode-mode'e Ma Jou'ongu Madutu nu'u 'aro'o re Nu'u cumutu di'a ngini ni mete'e re ni dadi 'Ai ngowa-ngowa'a. Na'o ngini na si'a'a so'o gena, ninga ngo-ngaku kama elala ua.

1 Yohanes 4:19

Ngene nyengara wo dadalara, sababu Ma Jou'ongu Madutu lebe siḏa na dadalara ngene.

2 Yohanes 1:13

Ngina, ngana 'ani ngowa-ngowa'a 'ane ga'a Ma Jou'ongu Madutu 'o cumutu ḏua ḏi'i, 'aḏi siḏingoto manga tabea ra ngana.

Tingoýi 17:14

Ananga ḏuanga i'a 'aḏi maparangi lawana Doba ma Ngowa. Mada'a Doba ma Ngowa 'i sita'aloko 'olana-'olana gena-ge sababu Doba ma Ngowa gena-ge Ma Jou toma tuanga mo-moini, re dadi 'Olana toma 'olana mo-moini. Re ḏi'i ngowa'a ga'a 'aḏi macako'o namo-namoto ra Yesus ga'a Ma Jou'ongu Madutu ya'u 'aro'o re ya'u cumutu ḏua, ananga gena-ge 'aḏi sanga 'utungu sababu 'aḏi mamete'e rema Doba ma Ngowa.”