Kolose 3:11 - Jaji ma Su-sungi

¹¹ Toma 'ahu su-sungi ma dara, ngene wo siwo-wola rawara ngowa'a Yahudi re ngowa'a Yahudi ua, ngowa'a ma suna re ma suna ua, ngowa'a tagi-tagi ino, re ngowa'a biadab, ngowa'a budaka re ngowa'a bebasa. Sababu Kristus lebe la-lamo'o i'a reo mo-moini gena-ge re Unanga ḏi'i 'o tegoro Tai 'umata manga 'akala re sinyingara ma dara mo-moini.

Kolose 3:11 Iomraidhean Croise

Yohanes 14:23

Yesus 'o sangoro, “Na'o 'a guna ḇato 'o dadalara Ngoi, unanga 'a mete'e 'Ari do-doto'o. 'Ari Ḇaḇa ḏuanga i'a 'o dadalara unanga. Re 'Ari Ḇaḇa re Ngoi, ngomi mi sapolo ra unanga remi tegoro marimoi ra unanga.

Yohanes 15:5

Ngoi nena-ne 'anggur ma lese lamo'o re ngini enanga ma umanga-umanga. 'A guna ḇato ga'a marimoi ra Ngoi re Ngoi ḏi'i marimoi ra unanga, 'ai sowo'o 'i repe. Sababu na'o ni marimoi ua ra Ngoi, ngini ni 'a'a 'ori i'a i'a yoḏu'u.

Yohanes 17:23

Ngoi to marimoi ra ananga re Baba no marimoi ra Ngoi, la ananga mode-mode'e 'aḏi marimoi. Ḏua ngowa'a toma dungia ḏuanga i'a ya waro mangale Baba masiretene Reno 'utusu Ngoi, re Baba no dadalara ananga ma tero Baba no dadalara Ngoi.

Yesus 'ai so-soma'a 15:17

la ngowa-ngowa'a lelegu ga'a 'aḏi ngaku Yesus nyangu, ananga ḏi'i 'aḏi disa Ma Jou'ongu Madutu, re ngowa'a Yahudi ua toma bangsa ma lelegu ga'a Ta'u cumutu ḏua, mo-moini 'aḏi dadi Ngoi 'ari 'umata.’ So'o gena Ma Jou'ongu Madutu ro kanau, ḏuanga i'a 'a si'a'a mo-moini nena-ne,

Yesus 'ai so-soma'a 28:2

Pulo gena-ge ma dutu, ananga manga seri'i re go-gasa lai rousu masala. Ananga 'aḏi dawongo ngomi remanga 'akala re sinyingara sa-sanangi re 'aḏi 'a'a u'u di'a ngomi, la mi marasu'u sababu ri besa'a re 'i 'alo.

Yesus 'ai so-soma'a 28:4

Wakutu pulo ma dutu ya oḏi'i cuku'u gena-ge 'i ko-kole ra Paulus 'ai giama, ananga 'aḏi makanau matengo re matengo, “Unanga nena-ne ga'a sisengene ngowa'a, sababu kalaha unanga ro salamata toma bahaya ngoloto, Dewi Keadilan munanga mo sieanga unanga 'o 'ahu ua.”

Roma 1:14

Sababu ngoi rari banyatoro toma bangsa 'oru ḇato di'a to singadolo Habari Roanga: bae ngowa'a ga'a pake 'adata Yunani, bae ngowa'a ga'a pake ua 'adata Yunani, bae ngowa'a raḏi sokola bolo ngowa'a sokola ua.

Roma 10:12

Sababu ma'u rapu ua, bae ngowa'a Yahudi bae ngowa'a Yahudi ua: 'Age pa'i Ma Jou matengo ḇato di'a ngowa'a mo-moini. Unanga 'o sibarakati pai-pai'i ngowa'a mo-moini ga'a maḏigaro'o ra Unanga.

Roma 3:22

ngene pa'i wo dadi loasa re banari na'o ngene nanga ngo-ngaku ra Yesus Kristus. Re Ma Jou'ongu Madutu ḏuanga i'a 'a si'a'a so'o gena di'a ngowa'a mo-moini ga'a manga ngo-ngaku ra Yesus Kristus. Ngowa'a mo-moini ma tero ra Ma Jou'ongu Madutu 'ai momina,

Roma 3:29

Ma Jou'ongu Madutu gena-ge di'a pa'i ngowa'a Yahudi ḇato?! Bolo Unanga ḏi'i Ma Jou'ongu Madutu di'a ngowa'a Yahudi ua?! Ya, tero mode'e Unanga Ma Jou'ongu Madutu di'a ngowa'a Yahudi ua ḏi'i.

1 Korintus 12:13

So'o gena ḏi'i, ngene bae ngowa'a Yahudi, bae ngowa'a Yahudi ua, ngowa'a budaka, bolo budaka ua, ngene mo-moini wo dadi ma tero sa'olo lese rimoi ga'a 'i marimoi ra Kristus. Gena-ge 'i dadi wakutu ngene wo sanga baptis rema Ngagara 'Ofi-'Ofi ga'a 'i tegoro ra ngene matengo re matengo nanga 'akala re sinyingara ma dara.

1 Korintus 14:11

Mada'a na'o ngoi ta sahe ua matengo i'a 'ai demo, ngowa'a ga'a 'o kanau demo gena-ge ma tero sa'olo ngowa'a tagi-tagi ino ra ngoi. Re ngoi ma tero sa'olo ngowa'a tagi-tagi i'a ra unanga gena-ge.

1 Korintus 7:19

Sababu mete'e bolo mete'e ua suna ma 'atoranga; fara ḏiḏi, gena-ge 'i 'oru ua. Mete'e Ma Jou'ongu Madutu 'ai parenta, gena-ge lebe ma la-lamo'o i'a.

Galatia 2:20

'Ari 'ahu ne, ngoi 'ari 'ahu 'ua mada'a Kristus masiretene ro 'ahu ra ngoi. 'Ahu ga'a ngoi ta basono nange-ne sababu ngoi to ngaku Ma Jou'ongu Madutu 'ai Ngowa'a Nau'u ga'a 'o dadalara ngoi re Unanga 'o sengene di'a ngoi.

Galatia 5:6

Sababu na'o ngene rewo marimoi ra Kristus Yesus bae ngene rewo masuna bae wo masuna ua; enanga gena-ge 'i 'oru ua. Mada'a enanga ga'a ma la-lamo'o ma re'u i'a so'o ne: Ngene wo sigare nanga ngo-ngaku ra Kristus. Re nanga ngo-ngaku gena-ge 'i waiti na'o ngene wo dadalara ngowa-ngowa'a lelegu.

Efesus 1:23

Jama'ata gena-ge 'a Kristus 'ai lese. 'Ai jama'ata gena-ge, 'oru ḇato re ngi'i le'a ḇato, Unanga 'a sitomoto reo 'Ai 'ahu.

Efesus 2:14

Kristus masiretene 'O sidame ngene ra Ma Jou'ongu Madutu. Unanga 'o sirimoi ngowa'a Yahudi re ngowa'a Yahudi ua singadolo ananga gena-ge raḏi marimoi re 'aḏi dadi bangsa rimoi. Dadi ananga gena-ge ma'u gugutu riwara. Gena-ge ma tero sa'olo Yesus 'a siruba ge-gelo ga'a sidaku ngowa'a Yahudi re ngowa'a Yahudi ua ga'a si'a'a ananga 'aḏi ma'u ngadolo yoḏu'u.

Efesus 2:15

Unanga masiretene 'o sidoa'a 'Ai lese sa'olo jou-jou rimoi di'a 'A singi-ngiranga Musa 'ai hukumu re 'agama ma 'atoranga. 'Ai maksudu bangsa romoḏiḏi 'i dadi rimoi, ma tero sa'olo manusia su-sungi, ga'a marimoi ra Unanga. Reo duhu gena-ge, Kristus 'o sidame ngowa'a Yahudi re ngowa'a Yahudi ua.

Efesus 3:17

Ḏua 'a Kristus 'o tegoro tau-taunu ra ngini ninga 'akala re sinyingara sababu ninga ngo-ngaku. Ḏua ngini ninga 'ahu 'i romanga reo dadalara ma tero sa'olo ate ma utu'u 'i osama lai kiḏanga toma tana'a ma dara re ma tero ḏi'i sa'olo simomi'i wala toma bangini te-te'e ma re'u.

Efesus 3:6

Rahasia gena-ge so'o ne: Na'o ngowa'a Yahudi ua 'aḏi ngaku Habari Roanga, ananga gena-ge ḏi'i mamete'e reo ngowa'a Yahudi, ḏuanga i'a ya basono Ma Jou'ongu Madutu 'ai barakati ga'a 'ua re 'au wali moju 'O sidodahe ḏua di'a 'Ai 'umata. Re ngowa'a Yahudi ua gena-ge ḏi'i raḏi marimoi reo ngowa'a Yahudi re ananga mo-moini 'aḏi osama nyo-nyoimi ra Kristus Yesus 'ai lese. Sidogo ḏi'i, ngowa'a Yahudi ua gena-ge 'aḏi dawongo 'oru ḇato ga'a Ma Jou'ongu Madutu ro sijaji pasala ḏua di'a 'Ai 'umata sababu raḏi marimoi ra Kristus Yesus.

Efesus 6:8

Bae ngowa'a budaka, bae ngowa'a bebasa, ngini nyengara ni waro mangale Ma Jou ḏuanga i'a 'O pula'a ngogele na'o ngene wo munara la-la.

Kolose 2:10

Unanga gena-ge 'o dadi sae'e toma roh mo-moini ga'a 'i kuasa re 'i siḏagi ma pareta. Dadi, na'o ngini ni marimoi ra Kristus, ngini ninga nyawa ma 'ahu 'i ti-tiai.

1 Yohanes 5:20

Ngene rewo waro ḏi'i mangale Ma Jou'ongu Madutu 'ai Ngowa'a Nau'u ro sapolo re Ro pula'a wo-waro ra ngene, la ngene wu nana'o Ma Jou'ongu Madutu ga'a banari. Ngene wo 'ahu marimoi ra Ma Jou'ongu Madutu ga'a banari re wo 'ahu marimoi Rai Ngowa'a Nau'u, Yesus Kristus. Unanga gena-ge mode-mode'e ma tero Ma Jou'ongu Madutu re Unanga masiretene 'ahu kasingado-ngadolo i'a ma cimi.

2 Yohanes 1:9

'A guna ḇato 'o mete'e 'a Kristus 'ai do-doto'o ua, re 'o maki-kiḏanga 'oru ga'a Unanga ro doto'o, Ma Jou'ongu Madutu 'o marimoi ua ra unanga. Mada'a, 'a guna ḇato 'o mete'e tau-taunu Kristus 'ai do-doto'o, Ma Jou'ongu Madutu, re 'Ai Ngowa'a Nau'u ḏi'i 'aḏi marimoi ra unanga.