Kolose 2:8 - Jaji ma Su-sungi

⁸ Ngini balasu ni ma'istiari! Awa ngowa-ngowa'a nu'u sihaga re piri'u reo do-doto'o ga'a 'i sa-sakala, re ma faeda 'i cua. Do-doto'o gena-ge ma 'asala ra Kristus ua, mada'a toma manusia manga fikirana ino, re toma roh-roh ma jira ga'a 'i parenta dungia nena-ne.

Kolose 2:8 Iomraidhean Croise

Matias 10:17

Ni ma'istiari ino, sababu ngowa'a ḏuanga i'a 'aḏi cako'o ngini, re 'aḏi sitalaḏi toma mahkamah-mahkamah. Ngini ḏuanga i'a ni sanga ca'olo toma wala-wala puji.

Matias 16:6

Yesus 'o kanau ra ananga, “Ni ma'istiari ino toma ngowa-ngowa'a Farisi re Saduki manga ragi.”

Matias 7:15

“Ni ma'istiari toma nabi-nabi sa-sakala. Ananga 'aḏi sapolo ra ngini ma tero sa'olo doba. Mada'a ma ba-banari ananga manga maksudu 'i sijira ninga ngo-ngaku ma tero sa'olo serigala ga'a 'i oro-oromo ngowa'a.

Yesus 'ai so-soma'a 17:18

'Age guru-guru ngowa'a fara ḏiḏi: fara moi Epikuros ino, fara moi ḏi'i Stoa ino. Ananga 'aḏi ma'u rubutu ra Paulus. 'Age nga muḏuo i'a 'aḏi kanau, “Unanga nena-ne 'o waro 'oru? 'Ai wo-waro pa'i ceka'a ua mada'a unanga pa'i demo repe.” Mamuni'a 'aḏi kanau, “Unanga nena-ne 'o siajele ma tero sa'olo dewa-dewa bangsa lelegu.” Ananga 'aḏi kanau so'o gena sababu 'a Paulus 'o singadolo Habari Roanga mangale Yesus re ngowa'a senge-sengene dadunu 'aḏi 'ahu moju.

Yesus 'ai so-soma'a 17:32

Wakutu ananga ya 'isene ngowa'a 'aḏi sengene ḏua 'aḏi 'ahu moju, 'age mamuni'a 'aḏi nye-nyelo'o 'a Paulus. 'Age mamuni'a ḏi'i 'aḏi kanau, “Maha soi moi i'a, ngomi mau ma 'isene moju ngana no kanau mangale gena-ge.”

Roma 16:17

Ioronongoḏu ngo-ngaku rimoi, ngoi to golo'o mode-mode'e ra ngini: Ni ma'istiari ino toma ngowa'a ga'a ma'u sabi ḏuḏunu re 'aḏi siruwahe ninga ngo-ngaku ra Ma Jou'ongu Madutu, sababu ananga gena-ge manga do-doto'o 'i ma'u rapu reo do-doto'o ga'a ngini na sanga ḏua. Dadi ni maki-kiḏanga ra ananga.

1 Korintus 10:12

Sababu gena-ge ioronongoḏu ngo-ngaku rimoi, na'o ni basono tala ninga ngo-ngaku lai te'e, balasu ma'istiari ino; awa-awa ni eta'a toma bo-baja!

1 Korintus 8:9

Kalaha ngini ni oromo ngo-ngoromo ga'a sipula'a ḏua toma jou'ongu ma somoara sababu ni sanga wo-waro ḏua mangale jou'ongu ma somoara 'i 'ahu-'ahu ua; ngini balasu ni ma'istiari mangale ninga ioronongoḏu ngo-ngaku rimoi ga'a manga 'akala re sinyingara ma dara 'i mereoso moju, awa 'aḏi oromo ngo-ngoromo gena-ge re 'aḏi basono baraḏosa.

2 Korintus 10:5

Ngomi ma siruba ananga manga 'akala re sinyingara ma de-de'e re momole ga'a 'i sihaga ngowa'a re dola'aku ngowa'a 'aḏi nana'o Ma Jou'ongu Madutu. Gena-ge ma tero sa'olo sordado-sordado 'aḏi siwejere 'o hisa ga'a lai kapiringi. Re ngomi mi ngali ananga manga fikirana, ga'a 'au nga'ene 'aḏi dawongo Yesus ua, la ananga 'aḏi ta'aloko ra Kristus.

Galatia 1:14

'Ahu be-bere moi ra ngoi wakutu gena-ge 'aḏi nga'unu ngoi ua di'a mete'e 'agama Yahudi ma 'atoranga. Ngoi to cufala madutu mete'e ete re dotumu manga 'atoranga.

Galatia 4:3

So'o gena ḏi'i di'a ngene: Wakutu ngene wo ngaku Kristus nyangu, ngene ma tero sa'olo ngowa 'olo moju. Re ngene rewo mete'e dungia ma 'atoranga singadolo enanga gena-ge 'i sibudaka ngene.

Galatia 4:9

Mada'a toma 'orasa nange-ne, ngini reni nana'o Ma Jou'ongu Madutu; re lebe rousu ḏi'i, Ma Jou'ongu Madutu ro nana'o ngini! Dadi, i'a sa'olo ngini ni maḏibo moju ni mete'e dungia ma 'atoranga?! 'Atoranga gena-ge 'i lamahana re ma faeda 'i cua di'a sigasa ngene toma salamata. Dadi, i'a sa'olo ngini mau ni dadi budaka moju toma enanga gena-ge?!

Galatia 5:15

Mada'a na'o ngini ni madaga'a jira matengo re matengo, ngini ma tero sa'olo haiwani-haiwani nga-ngabala, ga'a ma'u goḏi. Ni ma'istiari, ma ḏo-ḏogumu tala ngini ḏuanga i'a ni dadi cira mo-moini.

Efesus 2:2

Toma 'orasa gena-ge, ngini ni mete'e dungia ma nyafusu, re ni mete'e 'Iblisi ma kuasa ga'a 'i kuasa toma roh-roh ma jira toma ngawa-ngawa, re ḏi'i 'i kuasa toma ngowa-ngowa'a ga'a mete'e Ma Jou'ongu Madutu ua.

Efesus 4:20

Mada'a Kristus 'o doto'o ngini ua mangale de'oso re ḏegoro so'o gena-ge.

Efesus 5:6

Awa ngini ngowa'a nu'u sihaga reo ngowa-ngowa'a manga demo ma faeda 'i cua. Ananga gena-ge 'aḏi kanau 'o ḏosa ua mo-moini so'o ne: su-sudala, tinikai, da-danata. Ḏuanga i'a, ngowa'a gena-ge ga'a mete'e ua Ma Jou'ongu Madutu 'ai 'akala ma mau, 'aḏi sibaolo Unanga 'ai borata.

Filipi 3:2

Ni ma'istiari toma ngowa-ngowa'a ga'a 'aḏi madaga'a 'ori i'a ma jira re 'aḏi patasa si'aro'o ananga nunu'u tata-goḏi. Ni ma'istiari ra ananga, sababu ananga mau 'aḏi simau-mau ngowa'a di'a 'aḏi sanga suna.

Kolose 2:18

Awa ngini ni isene toma ngowa'a ga'a sisala ngini. Ngowa'a gena-ge 'aḏi masa-sakala maholo manga diri re 'aḏi silamo'o re siḏubuso mala'ekata-mala'ekata. Na'o ngini ni mete'e ananga gena-ge, ḏuanga i'a ninga ngogele ra Ma Jou'ongu Madutu 'i iranga. Ananga gena-ge 'aḏi siajele da-dadunu mangale manga tingoḏi-tingoḏi'i. Dadi ananga 'aḏi basono momole! Mada'a ananga gena-ge guru-guru sa-sakala ḇato ga'a manga momole 'i mete'e manga fikirana toma dungia ḇato.

Kolose 2:20

Ngini reni sengene mamete'e ra Kristus. Sababu gena-ge roh-roh ma jira ga'a 'i parenta dungia nena-ne 'i kuasa ngini riwara. Nah, i'a sa'olo ni 'ahu ma tero ḇato sa'olo roh-roh ma jira gena-ge 'i kuasa ngini moju?! Dadi awa ngini ni ta'aloko toma 'atoranga-'atoranga nena-ne:

Kolose 2:22

'Atoranga-'atoranga mo-moini gena-ge mangale oromo re ma lelegu ga'a 'i tahana ti'ara ua. Ngene wo pake gena-ge, ḏua ri moini. 'Atoranga gena-ge ma 'asala toma manusia manga hukumu re do-doto'o.

Kolose 2:23

Tantu ḏua, wakutu wa 'isene manga 'atoranga gena-ge wa ta'ajiri toma 'atoranga ma dara, 'age 'akala soro'unu. Sababu ngowa'a ga'a ya mete'e 'atoranga gena-ge, ananga 'aḏi cufala mete'e manusia manga 'agama ma 'atoranga, 'aḏi maholo manga 'akala re sinyingara, re 'aḏi sikisa manga lese. Mada'a 'atoranga mo-moini gena-ge ma faeda 'i cua! Re ḏi'i ma kuasa 'i cua toma 'atoranga ma dara di'a sibebasa ngowa'a, dadi ananga gena-ge mete'e ua manga nyafusu ma jira!

1 Timotius 6:20

Timotius, ngoi to siwatasa do-doto'o banari ra ngana, nange-ne na kadiarata la-la ino. Ngana no maki-kiḏanga toma demo re ganau ga'a ma faeda 'i cua re ni rubutu awa 'ori i'a ga'a ananga 'aḏi kanau manga wo-waro mangale Ma Jou'ongu Madutu mada'a wo-waro gena-ge 'i ma tero ua Ma Jou'ongu Madutu 'ai demo.

2 Timotius 3:13

Ngowa-ngowa'a ga'a manga 'akala re sinyingara 'i cira, re ngowa-ngowa'a ga'a sihaga ngowa'a, ananga gena-ge manga 'akala re sinyingara ma jira 'i ganapu madogo-dogo ḇato. Ananga mau sihaga ngowa'a lelegu. Momongolo ua ananga 'aḏi masihaga tala manga diri ḏi'i!

'Ibrani 13:9

Awa ngini ni mete'e do-doto'o fara muḏuo i'a ga'a 'i ma tero ua sa'olo nanga do-doto'o ga'a 'i sigasa ngini iranga ngo'omo: Awa ngini ni macako'o toma 'atoranga-'atoranga ma siḏa mangale ka'e re oromo, sababu enanga gena-ge 'i site'e ua nanga 'akala re sinyingara, re ma faeda 'i cua. Siḏibo ḏi'i, ngene balasu wo mete'e do-doto'o ra Ma Jou'ongu Madutu ga'a 'i sigasa barakati ra ngene re 'i site'e nanga 'akala re sinyingara.

'Ibrani 3:12

Ioronongoḏu ngo-ngaku rimoi ni ma'istiari ino: Awa-awa 'age rema ngowa'a matengo i'a taninga sigolona 'ai 'akala re sinyingara 'i cira re 'ai ngo-ngaku 'i iranga singadolo unanga 'o maḏibo ḏuḏunu re 'o maki-kiḏanga ra Ma Jou'ongu Madutu, ga'a 'O 'ahu-'ahu.

1 Petrus 1:18

Ninga 'ahu balasu 'i 'ofi-'ofi sababu ngini ni waro ḏua ma duhu sa'olo Ma Jou'ongu Madutu ro sibebasa ngini toma 'ahu ma faeda 'i cua, ga'a ninga ete re dotumu sisoi'i tala ra ngini. Ma Jou'ongu Madutu 'o tuusu ngini reo guraci re salaka ua. Enanga gena-ge 'i tahana kasingado-ngadolo i'a ua.

2 Petrus 3:17

Mada'a ioronongoḏu ngo-ngaku rimoi ga'a ngoi tunu dadalara, ngini ni waro ḏua, duhu so'o gena-ge. Sababu gena-ge ni ma'istiari la-la: Awa ngini ngowa'a nu'u sihaga remanga 'ulungu ma rousu ua, singadolo ni sitaka-taka 'oru ga'a ni ngaku mode-mode'e nange-ne.

2 Yohanes 1:8

Sababu gena-ge, ngini balasu ni ma'istiari, la na siiranga awa ninga ngogele ga'a ngomi re ngini munara ma'u mete'e. Mada'a ni ma'istiari, la ngini nyengara ni sanga ngogele mo-moini ra Ma Jou'ongu Madutu.