Kolose 2:6 - Jaji ma Su-sungi

⁶ Ioronongoḏu ngo-ngaku rimoi, ngini reni dawongo Kristus Yesus, sa'olo ninga Jou. Sababu gena-ge, wange moi-wange moi ngini ninga de'oso re ḏegoro demo re ganau balasu 'i ma tero sa'olo ngowa'a ga'a manga 'ahu 'i marimoi ḏua ra Unanga:

Kolose 2:6 Iomraidhean Croise

Matias 10:40

“ 'A guna ḇato 'o dawongo ngini, 'o dawongo Ngoi ḏi'i. Re 'a guna ḇato 'o dawongo Ngoi, 'o dawongo Unanga ga'a Ro 'utusu Ngoi.

Yohanes 13:20

Ni ngaku mode-mode'e 'Ari demo-demo nena-ne: 'A guna ḇato 'o dawongo ngowa'a matengo ga'a Ngoi to 'utusu, unanga gena-ge 'o dawongo Ngoi. Re 'a guna ga'a 'o dawongo Ngoi, 'o dawongo ḏi'i Unanga ga'a Ro 'utusu Ngoi.”

Yohanes 14:6

Yesus 'o sangoro, “Ngoi nena-ne ngo'omo di'a ni sapolo ra Tari Ḇaḇa. Ngoi nena-ne to sijumu 'oru ga'a 'i banari mangale 'Ari Ḇaḇa. Re ḏi'i Ngoi nena-ne to pula'a 'ahu kasingado-ngadolo i'a. Pa'i Ngoi nena-ne ḇato to dadi ngo'omo ga'a sigasa ngowa'a Tari Ḇaḇa.

1 Korintus 1:30

Ma Jou'ongu Madutu masiretene 'O sirimoi ngini ra Kristus. Re Kristus gena-ge 'o dadi ma tero sa'olo Ma Jou'ongu Madutu 'ai 'akala ma soro'unu ra ngene. Re sababu ngene rewo marimoi ra Kristus, ngene wo dadi loasa re banari re wo dadi Ma Jou'ongu Madutu 'ai ngowa-ngowa'a 'ofi-'ofi re Unanga 'O tuusu ngene.

2 Korintus 5:7

Re dadi ngomi mi 'ahu ma dasara reo minga ngo-ngaku ra Kristus, enanga ma dasara ua ga'a ngomi nyengara ma oḏi'i.

Galatia 2:20

'Ari 'ahu ne, ngoi 'ari 'ahu 'ua mada'a Kristus masiretene ro 'ahu ra ngoi. 'Ahu ga'a ngoi ta basono nange-ne sababu ngoi to ngaku Ma Jou'ongu Madutu 'ai Ngowa'a Nau'u ga'a 'o dadalara ngoi re Unanga 'o sengene di'a ngoi.

Galatia 3:26

Siḏibo ḏi'i, sababu ngini reni ngaku Kristus Yesus, ngini mo-moini ni dadi Ma Jou'ongu Madutu 'ai ngowa-ngowa'a.

Efesus 4:1

Sababu gena-ge, ngoi — ga'a to osama bui sababu 'ari munara di'a Ma Jou'ongu Madutu — to golo'o mode-mode'e ra ngini mangale ninga 'ahu balasu 'i patasa sa'olo ngowa'a ga'a Ma Jou'ongu Madutu ro 'aro'o di'a dadi 'Ai ngowa-ngowa'a masiretene.

Filipi 1:27

'Orasa nange-ne, lebe la-lamo'o i'a ngini ninga 'ahu ma duhu balasu 'i patasa di'a ngowa'a ga'a 'aḏi mete'e Habari Roanga mangale Kristus gena-ge. Dadi, bae ngoi to ma'u sanga moju bolo sanga riwara ra ngini, ngoi ḏuanga i'a ta 'isene mangale ngini ni marimoi. Re ḏi'i ngini ni marimoi taninga munara di'a ni sibukiti mangale Habari Roanga gena-ge 'i banari, dadi ngowa-ngowa'a ḏuanga i'a ya ngaku.

Kolose 1:10

Dadi, ngini nga'unu ni 'ahu mete'e Ma Jou'ongu Madutu 'ai 'akala ma mau, la ni sisanangi Unanga 'ai 'akala re sinyingara. Re ḏi'i ngini ninga ga'a la-la fara muḏuo i'a re ninga wo-waro mangale Ma Jou'ongu Madutu, enanga gena-ge 'i ganapu madogo-dogo toma 'ori i'a mo-moini.

Kolose 3:17

'Oru ḇato ga'a ngini ni si'a'a re ni siajele, gena-ge mode-mode'e balasu 'i patasa di'a ngowa'a ga'a mete'e Ma Jou Yesus. Re ḏi'i ngini balasu ni sibere ie murasa ma la ra Ma Jou'ongu Madutu sababu 'oru ga'a Ma Jou Yesus 'o 'a'a di'a ngini.

1 Tesalonika 4:1

Ioronongoḏu ngo-ngaku rimoi, ma ḏo-ḏogumu ngomi ma siajele re masijumu pasala ḏua ra ngini mangale ma duhu sa'olo ninga 'ahu balasu mete'e Ma Jou Yesus 'ai mau, la taninga 'ahu 'i sisanangi Ma Jou'ongu Madutu 'ai 'akala re sinyingara. Ngomi ma waro, ngini rena si'a'a mada'a nange-ne sababu ngene wo marimoi ra Ma Jou Yesus, ngomi mi golo'o mode-mode'e ngini lebe cufala i'a ḏi'i.

'Ibrani 3:14

Sababu ngene mo-moini wo dadi ḏagilomu munara marimoi ra Kristus, na'o ngene wa cako'o namo-namoto nanga ngo-ngaku ra Unanga gena-ge, toma mulaingi i'a moju singadolo ma ḏo-ḏogumu.

1 Yohanes 2:6

'A guna ḇato 'aḏi kanau, ananga gena-ge 'aḏi marimoi ra Ma Jou'ongu Madutu, ananga manga 'ahu ma duhu balasu 'i mete'e Kristus 'ai 'ahu ma duhu.

1 Yohanes 5:20

Ngene rewo waro ḏi'i mangale Ma Jou'ongu Madutu 'ai Ngowa'a Nau'u ro sapolo re Ro pula'a wo-waro ra ngene, la ngene wu nana'o Ma Jou'ongu Madutu ga'a banari. Ngene wo 'ahu marimoi ra Ma Jou'ongu Madutu ga'a banari re wo 'ahu marimoi Rai Ngowa'a Nau'u, Yesus Kristus. Unanga gena-ge mode-mode'e ma tero Ma Jou'ongu Madutu re Unanga masiretene 'ahu kasingado-ngadolo i'a ma cimi.

Yudas 1:3

Ioronongoḏu ngo-ngaku rimoi ga'a ngoi tini dadalara! Ngoi mode-mode'e 'ari maksudu ma siḏa to lefo surata ra ngini mangale salamata ga'a ngene rewa basono. Mada'a nange-ne ngoi 'ari 'akala re sinyingara magaraki di'a tunu babata ngini ni lawana guru-guru sa-sakala, re mode-mode'e na kadiarata do-doto'o banari ga'a sipula'a Tai ngowa-ngowa'a ra Unanga ino re enanga gena-ge 'i singali yoḏu'u.