Kolose 2:5 - Jaji ma Su-sungi

⁵ Kalaha ngoi re ngini wo ma'u kiḏanga, ngoi ta 'oro ino ma tero sa'olo ngoi 'age taninga sigolona. Ngoi to maroanga sababu to 'isene ḏua ngini ninga 'ahu 'i marimoi re ninga ngo-ngaku ra Kristus lai te'e.

Kolose 2:5 Iomraidhean Croise

Yesus 'ai so-soma'a 2:42

Ananga ya mete'e mode-mode'e 'a Yesus 'ai so-soma'a manga do-doto'o re 'aḏi marimoi: Ananga 'aḏi malomu taunu di'a 'aḏi oromo, sibalangu roti, re 'aḏi manyiata.

Yesus 'ai so-soma'a 20:21

So'o gena ḏi'i bae toma ngowa'a Yahudi bae toma ngowa'a Yahudi ua, ngoi tini si'elingi taunu, ngini balasu ni maḏibo toma ngo'omo boloto ra Ma Jou'ongu Madutu re ni ngaku Ma Jou Yesus.

1 Korintus 11:34

Na'o 'age rema ngowa'a ga'a 'aḏi sawini, ananga balasu 'aḏi oromo siḏa tamanga wala. Dadi ni mete'e 'ari 'atoranga gena-ge na'o ni malomu, la ninga lo-lomu gena-ge 'i sigasa ngini toma ḏosa ua, dadi Ma Jou'ongu Madutu nu sihukumu ua. Re 'ori i'a ma lelegu, ngoi ta sitarangi na'o dadunu to sapolo moju.

1 Korintus 14:40

Mada'a mo-moini gena-ge ngini ni si'a'a ma duhu ga'a patasa re 'i kaco ua.

1 Korintus 15:58

Sababu gena-ge, ioronongoḏu ga'a ngoi tini dadalara, ngini ninga ngo-ngaku balasu lai te'e, la ninga ngo-ngaku kama elala awa. Ni munara ra Ma Jou kama togumu awa, reninga 'akala re sinyingara mode-mode'e. Sababu ngini ni waro mangale 'oru ga'a ngini ni munara di'a Ma Jou, tantu ḏua enanga 'i parasaja ua.

1 Korintus 16:13

Ngini balasu ni ma'istiari re ni macako'o namo-namoto taninga ngo-ngaku. Ninga 'akala re sinyingara balasu lai nau'u re ni mate'e.

Kolose 2:1

Ngoi to mau ngini ni waro mangale ngoi to munara mode-mode'e, lobi'i re wangere di'a ngini, re di'a ngowa-ngowa'a toma limau Laodikia, re ngowa'a mo-moini ga'a ma'u sanga ngoi nyangu.

1 Tesalonika 2:17

Ioronongoḏu ngo-ngaku rimoi, wakutu ngomi mi sieanga tala ngini toma 'orasa 'i ti'ara ua — ma tero sa'olo tananga momina ḇato, mada'a toma 'akala re sinyingara so'o gena ua — ngomi mi 'elingi ngini tau-taunu singadolo masidisa ma ngo'omo, la wo ma'u sanga moju.

1 Tesalonika 3:8

singadolo 'orasa nange-ne, ngomi mabasono mode-mode'e minga 'ahu 'i loasa sababu ngini ni macako'o namo-namoto ra Ma Jou Yesus.

'Ibrani 3:14

Sababu ngene mo-moini wo dadi ḏagilomu munara marimoi ra Kristus, na'o ngene wa cako'o namo-namoto nanga ngo-ngaku ra Unanga gena-ge, toma mulaingi i'a moju singadolo ma ḏo-ḏogumu.

'Ibrani 6:19

Ngene nanga ngo-nganono gena-ge ma tero sa'olo kapala ma tapu 'i otomo lai ngido toma ngoloto, la nanga ngo-ngaku 'i elala ua. Dadi sababu ngo-nganono lai te'e, enanga ma tero sa'olo ngene wo osama toma soroga ḏua. Gena-ge ma tero sa'olo nanga 'Imam 'Agung ga'a ro palisi ngalana ma da-daku kole-kole ro osama toma Kamara Lai 'Ofi-'Ofi.

1 Petrus 5:9

Ngini balasu ni lawana 'Iblisi reninga ngo-ngaku lai te'e ra Kristus. Sababu ngini na waro mangale ninga ioronongoḏu ngo-ngaku rimoi toma dungia sitabi donga 'aḏi sanga sangisara ḏi'i, ma tero sa'olo 'oru ga'a ngini na sanga.