Kolose 2:3 - Jaji ma Su-sungi

³ Pa'i ra Kristus gena-ge ḇato, toma ngowa'a lelegu 'i cua, 'akala soro'unu re wo-waro mo-moini mangale Ma Jou'ongu Madutu. Enanga gena-ge 'i ma tero sa'olo harata ga'a 'ua re 'au wali moju 'i go-gogono.

Kolose 2:3 Iomraidhean Croise

Matias 10:26

“Dadi mojongo awa manusia. 'Oru ḇato ga'a 'i gogono nange-ne, ḏuanga i'a 'i supu, re 'oru ḇato ga'a 'i rahasia nange-ne, ḏuanga i'a 'i waiti.

Lukas 11:49

Ma sababu gena-ge Ma Jou'ongu Madutu 'ai 'akala ma soro'unu ma betongo so'o ne: ‘Ngoi ḏuanga i'a to siḏingoto 'Ari nabi-nabi re 'Ari so-soma'a re mamuni'a ḏi'i taninga sigolona ya'u sisengene re ya'u sisikisa!’

Roma 11:33

Ma Jou'ongu Madutu 'ai mura re dadalara ma pari cua toma ngowa'a mo-moini. Unanga gena-ge 'Ai 'akala ma soro'unu re 'Ai wo-waro ma pari cua ḏi'i. 'A guna ua nga'unu 'a sahe Unanga 'ai maksudu! 'A guna ua nga'unu 'a sahe Unanga 'ai ngo'omo!

1 Korintus 1:24

Mada'a di'a ngowa-ngowa'a ga'a Ma Jou'ongu Madutu ro 'aro'o, bae ngowa'a Yahudi bae ngowa'a Yahudi ua, Habari Roanga gena-ge Ma Jou'ongu Madutu 'ai duhu di'a sijumu mangale 'Ai kuasa re 'Ai 'akala ma soro'unu.

1 Korintus 1:30

Ma Jou'ongu Madutu masiretene 'O sirimoi ngini ra Kristus. Re Kristus gena-ge 'o dadi ma tero sa'olo Ma Jou'ongu Madutu 'ai 'akala ma soro'unu ra ngene. Re sababu ngene rewo marimoi ra Kristus, ngene wo dadi loasa re banari re wo dadi Ma Jou'ongu Madutu 'ai ngowa-ngowa'a 'ofi-'ofi re Unanga 'O tuusu ngene.

Efesus 1:8

Unanga 'ai mura re dadalara gena-ge Unanga 'a sijumu kama tola'a ua, singadolo 'O pula'a 'Ai 'akala ma soro'unu ra ngene, la ngene wa sahe Unanga 'ai maksudu mo-moini di'a ngene.

Kolose 1:19

sababu Ma Jou'ongu Madutu 'o sitantukanga pasala ḏua 'Ai duhu re 'Ai kuasa mo-moini kama kuranga ua 'a sipa'ala Tai Ngowa'a Nau'u, Kristus.

Kolose 1:28

Kristus gena-ge ngomi mi singadolo ra guna ḇato. Ngomi mi si'elingi re mi doto'o ananga mo-moini reminga 'akala ma soro'unu. Ngomi minga maksudu di'a sigasa re sitalaḏi ngowa'a mo-moini ga'a raḏi marimoi ra Kristus, sa'olo ngowa'a ti-tiai ra Ma Jou'ongu Madutu.

Kolose 1:9

Sababu gena-ge, ngomi mi manyiata tau-taunu di'a ngini. Wakutu ma mulaingi i'a ngomi mi 'isene mangale ngini, ngomi golo'o ra Ma Jou'ongu Madutu mangale 'Ai Ngagara 'Ofi-'Ofi 'i sipula'a 'akala soro'unu re wo-waro ra ngini, singadolo ngini nyengara ni waro ti-tiai, 'oru ga'a Ma Jou'ongu Madutu 'ai 'akala ma mau.

Kolose 3:16

Ngini balasu ni 'elingi tau-taunu Kristus 'ai do-doto'o, la 'i parenta taninga de'oso re ḏegoro, demo re ganau. Dadi ngini ni mete'e ma duhu so'o ne: Ni ma'u doto'o, ni ma'u si'elingi di'a mete'e 'Ai do-doto'o reninga 'akala soro'unu. Re ni mete'e ma duhu so'o ne ḏi'i: Ni manyanyi Mazmur, puji-pujiana re manyanyi nyanyi ma lelegu. Re wakutu ngini manyanyi, ni sibere ie murasa ma la ra Ma Jou'ongu Madutu.

Kolose 3:3

Sababu ngini ma tero sa'olo reni sengene mamete'e Kristus. Gena-ge mangale: 'Ori i'a i'a toma dungia nena-ne 'i parenta ngini riwara. Nange-ne, ngini ma tero sa'olo ngowa'a dadunu 'aḏi 'ahu moju mamete'e ra Kristus. Dadi ni 'ahu marimoi ra Kristus ra Ma Jou'ongu Madutu 'ai biono toma soroga. Mada'a 'ahu gena-ge 'i go-gogono moju

2 Petrus 1:5

Sababu mo-moini gena-ge ga'a Ma Jou'ongu Madutu 'a si'a'a ḏua di'a ngene, ngini balasu makutale mode-mode'e, taninga ngo-ngaku ni sidogo de'oso re ḏegoro la-la toma ngowa'a lelegu. Re ni sidogo taninga de'oso re ḏegoro gena-ge, 'akala soro'unu.

Tingoýi 2:17

'A guna ḇato nga'unu 'o 'isene, balasu 'a totoho la-la ino 'oru ga'a Ma Ngagara 'Ofi-'Ofi 'i kanau toma jama'ata-jama'ata. 'A guna ḇato 'ai ngo-ngaku ra Ngoi kama elala ua singadolo 'o sengene, Ngoi to pula'a watasa oromo manna ga'a 'i gogono. Re Ngoi ḏi'i to pula'a maḏi bu-buḏo matengo ngai moi. Toma maḏi gena-ge 'i silefo lomanga su-sungi, matengo i'a mai ua ya waro, pa'i ngowa'a ga'a ya dawongo maḏi gena-ge, ananga gena-ge ya waro.”