Kolose 2:23 - Jaji ma Su-sungi

²³ Tantu ḏua, wakutu wa 'isene manga 'atoranga gena-ge wa ta'ajiri toma 'atoranga ma dara, 'age 'akala soro'unu. Sababu ngowa'a ga'a ya mete'e 'atoranga gena-ge, ananga 'aḏi cufala mete'e manusia manga 'agama ma 'atoranga, 'aḏi maholo manga 'akala re sinyingara, re 'aḏi sikisa manga lese. Mada'a 'atoranga mo-moini gena-ge ma faeda 'i cua! Re ḏi'i ma kuasa 'i cua toma 'atoranga ma dara di'a sibebasa ngowa'a, dadi ananga gena-ge mete'e ua manga nyafusu ma jira!

Kolose 2:23 Iomraidhean Croise

Roma 13:14

Siḏibo ḏi'i, ngini balasu ni mete'e Ma Jou Yesus Kristus 'Ai tabeata re 'Ai de'oso re ḏegoro, singadolo 'Ai tabeata re de'oso re ḏegoro gena-ge, enanga 'i dadi ma tero sa'olo ninga pakeanga. Re ni fikiri riwara mangale ni mete'e ninga tabeata baraḏosa ma nyafusu.

Efesus 5:29

sababu matengo i'a mai ua 'a emono 'ai diri masiretene! Siḏibo ḏi'i unanga 'a kalesanga re 'a jaga, ma tero sa'olo Kristus 'a palihara re 'A jaga 'Ai jama'ata,

Kolose 2:18

Awa ngini ni isene toma ngowa'a ga'a sisala ngini. Ngowa'a gena-ge 'aḏi masa-sakala maholo manga diri re 'aḏi silamo'o re siḏubuso mala'ekata-mala'ekata. Na'o ngini ni mete'e ananga gena-ge, ḏuanga i'a ninga ngogele ra Ma Jou'ongu Madutu 'i iranga. Ananga gena-ge 'aḏi siajele da-dadunu mangale manga tingoḏi-tingoḏi'i. Dadi ananga 'aḏi basono momole! Mada'a ananga gena-ge guru-guru sa-sakala ḇato ga'a manga momole 'i mete'e manga fikirana toma dungia ḇato.

Kolose 2:22

'Atoranga-'atoranga mo-moini gena-ge mangale oromo re ma lelegu ga'a 'i tahana ti'ara ua. Ngene wo pake gena-ge, ḏua ri moini. 'Atoranga gena-ge ma 'asala toma manusia manga hukumu re do-doto'o.

Kolose 2:8

Ngini balasu ni ma'istiari! Awa ngowa-ngowa'a nu'u sihaga re piri'u reo do-doto'o ga'a 'i sa-sakala, re ma faeda 'i cua. Do-doto'o gena-ge ma 'asala ra Kristus ua, mada'a toma manusia manga fikirana ino, re toma roh-roh ma jira ga'a 'i parenta dungia nena-ne.

1 Timotius 4:3

Ananga 'aḏi doto'o ngowa'a 'aḏi molo'ara awa, re oromo awa ngo-ngoromo haram. Mada'a ngo-ngoromo gena-ge, Ma Jou'ongu Madutu 'a sidadi di'a manusia ya oromo. Sababu gena-ge, ngene ga'a rewo ngaku Kristus re wa waro ḏua do-doto'o banari ra Ma Jou'ongu Madutu, ngene wo sibere ie murasa ma la ra Unanga, kara wa oromo ngo-ngoromo gena-ge.

1 Timotius 4:8

Na'o ngene wo site'e nanga lese, ma faeda pa'i ceka'a ua. Mada'a na'o wa site'e nanga nyawa sababu wo mete'e Ma Jou'ongu Madutu 'ai do-doto'o mangale 'ahu loasa re banari, enanga ma faeda lai lamo'o toma 'ori i'a mo-moini. Sababu na'o wo 'ahu so'o gena-ge, ngene wo sanga 'ahu ga'a Unanga 'a sijaji toma 'orasa nange-ne re 'ahu toma biono i'a.