Kolose 2:2 - Jaji ma Su-sungi

² Mo-moini gena-ge, ngoi ta si'a'a di'a site'e ngini ninga 'akala re sinyingara re ananga manga 'akala re sinyingara, la ngini mo-moini ni ma'u dadalara matengo re matengo singadolo ninga 'ahu 'i marimoi. Dadi ngini re ananga mo-moini nga'unu ni sahe re ni ngaku ti-tiai mangale Ma Jou'ongu Madutu 'ai rahasia, gena-ge Kristus masiretene.

Kolose 2:2 Iomraidhean Croise

Matias 11:25

Toma 'orasa gena-ge Yesus 'o kanau, “Baba, Ma Jou'ongu Madutu 'o kuasa toma diwanga re dungia, Ngoi to puji re silamo'o 'Ani lomanga sababu mo-moini gena-ge Baba na gogono toma ngowa'a pahe re ngowa'a 'akala soro'unu, mada'a Baba na sijumu toma ngowa-ngowa'a ga'a manga de'oso re ḏegoro ma tero sa'olo ngowa 'olo.

Matias 11:27

Ḏua Yesus 'o kanau, “ 'Ori i'a mo-moini, 'Ari Ḇaḇa ra sidoa'a ra Ngoi. Matengo i'a mai ua 'o nana'o Ngoi ḏuga-ḏuga pa'i 'Ari Ḇaḇa ḇato. Matengo i'a mai ua 'o nana'o 'ari Ḇaḇa ḏuga-ḏuga pa'i Ngoi, 'Ai Ngowa'a Nau'u, re ra guna ḇato ga'a Ngoi to sinana'o 'Ari Ḇaḇa.

Matias 13:11

Yesus 'a sangoro, “Ngini reni sanga cocatu di'a ni sahe 'ori i'a go-gogono mangale Soroga ma Pareta, mada'a toma ngowa'a lelegu so'o gena ua.

Lukas 1:1

Teofilus, ngoi Lukas tini sayanga. Ngowa'a manga repe ḏua 'aḏi makutale ya lefo ya sidiai habari mangale Yesus 'ai 'ahu wakutu Unanga 'o 'ahu tananga sigolona moju.

Yohanes 10:30

Ngoi re 'Ari Ḇaḇa, ngomi gena-ge rimoi.”

Yohanes 10:38

Kalaha ngini ni ngaku ua 'Ari demo mangale Ngoi 'a guna, ni ngaku Ngoi sababu Ngoi to 'a'a ga'a hera-heranga ga'a Tari Ḇaḇa ino. Na'o so'o gena ngini na waro re na sahe mangale 'Ari Ḇaḇa 'o marimoi ra Ngoi re Ngoi to marimoi Tari Ḇaḇa.”

Yohanes 16:15

Ba-banari mo-moini ma 'asala Tari Ḇaḇa gena-ge, re Ngoi reta waro ḏi'i. Ma sababu gena-ge Ngoi to kanau, 'oru ga'a Ma Ngagara 'Ofi-'Ofi 'i siajele ra ngini, gena-ge ma 'asala ra Ngoi.”

Yohanes 17:3

'Ahu kasingado-ngadolo i'a ma ngale so'o ne: Ngowa'a 'aḏi nana'o 'Ari Ḇaḇa, 'aḏi nana'o Ngoi ḏi'i. 'Ari Ḇaḇa pa'i matengo ḇato ga'a Ma Jou'ongu Madutu mode-mode'e; re Ngoi, Yesus Kristus ga'a 'Ari Ḇaḇa Ri 'utusu.

Yohanes 5:17

Yesus 'o kanau i'a ra ananga, “ 'Ari Ḇaḇa 'o munara tau-taunu singadolo 'orasa nange-ne, re Ngoi to munara ḏi'i.”

Yohanes 5:23

'Ari Ḇaḇa 'a si'a'a so'o gena, la ngowa'a mo-moini 'aḏi silamo'o Ngoi ma tero sa'olo ananga 'aḏi silamo'o Unanga. 'A guna ḇato ga'a silamo'o ua 'Ai Ngowa'a Nau'u, silamo'o ua ḏi'i 'Ai Ḇaḇa ga'a 'utusu ḏua Unanga gena-ge.

Yohanes 6:69

re ngomi remi ngaku re waro mode-mode'e Ma Jou Ngowa'a 'Ofi-'Ofi ga'a Ma Jou'ongu Madutu 'U 'utusu.”

Yesus 'ai so-soma'a 4:32

Ngowa'a ngaku Yesus mo-moini ya sirimoi manga 'ahu re manga 'akala re sinyingara. Matengo i'a mai ua na'o rema 'ori rana 'a basono pa'i ta unanga masiretene ḇato ua, mada'a di'a ananga mo-moini.

Roma 15:13

Ngoi to golo'o ra Ma Jou'ongu Madutu ga'a ninga ngo-nganono ma cimi, di'a nu siromanga taninga 'akala re sinyingara ma dara reo roanga re dame ti-tiai, ngini ga'a reni ngaku Unanga, la sababu Ma Ngagara 'Ofi-'Ofi ma kuasa, ninga ngo-nganono 'i ganapu te'e.

Roma 16:25

Puji re silamo'o Ma Jou'ongu Madutu! Unanga ga'a Rai kuasa 'i site'e ninga ngo-ngaku sababu reni dawongo Habari Roanga ga'a ngoi reta singadolo mangale Yesus Kristus. Ngoi reta singadolo habari gena-ge mete'e 'oru ga'a Ma Jou'ongu Madutu ra sijumu ra ngoi, mada'a toma 'ua re 'au wali moju ngene wa waro ua.

Roma 2:4

Awa ni ta'ajiri ngini ni paralu ua ni maḏibo toma ngo'omo boloto, sababu Ma Jou'ongu Madutu 'ai 'akala re sinyingara ma la-la, re sababu Unanga 'ai 'akala ḇanyo lai lamo'o; dadi jau-jau Unanga 'o sihukumu ngini ua. Ngini ni waro ua, Unanga 'ai de'oso re ḏegoro so'o gena-ge ra ngini, la ngini ni sanga donga di'a ni maḏibo toma ngo'omo boloto.

1 Korintus 14:31

Reo duhu so'o gena-ge, ngini mo-moini matengo re matengo nga'unu ni siajele habari da'u ra Ma Jou'ongu Madutu tala, la ngini mo-moini sanga do-doto'o re ninga ngo-ngaku lebe te'e.

1 Korintus 2:12

Re ngene wo sanga ua dungia ma 'akala; mada'a wo sanga Ma Ngagara 'Ofi-'Ofi ra Ma Jou'ongu Madutu tala, la nga'unu wa sahe mo-moini ga'a Unanga ro pula'a ra ngene sababu 'Ai mura re dadalara.

Galatia 3:28

Sababu gena-ge, ngini mo-moini ni ma tero: bae Yahudi bolo Yahudi ua, bae budaka bolo budaka ua, bae na-nau'u bolo we-were'a. Gena-ge 'i dadi sababu ngini mo-moini ni marimoi ra Kristus Yesus.

Efesus 1:7

Ngene rewo marimoi ra Kristus. Dadi gena-ge ma ngale Ma Jou'ongu Madutu ro singi-ngiranga nanga ḏosa-ḏosa re Unanga ro sibebasa ngene sababu Yesus 'ai ngaunu ri pa'ala di'a ngene. Gena-ge ri dadi sababu 'Ai mura re dadalara ga'a kama tola'a ua di'a ngene.

Efesus 3:16

Ngoi to manyiata ra Ma Jou'ongu Madutu ga'a 'o tegoro toma mulia ma pari cua, re 'Ai barakati kama moini ua. Ngoi to manyiata to golo'o ra Unanga gena-ge mangale 'Ai Ngagara 'Ofi-'Ofi 'i site'e ngini ninga 'akala re sinyingara.

Efesus 3:3

Ma Jou'ongu Madutu 'ai maksudu ga'a ma siḏa 'i rahasia, mada'a 'orasa nange-ne 'A sijumu re 'A siajele ra ngoi. Re gena-ge ga'a kiḏanga ua, ngoi ta lefo ḏua.

Efesus 6:22

Ngoi to siḏingoto unanga ra ngini, la unanga 'o singadolo minga habari. Dadi ngini ninga 'akala re sinyingara 'i elala ua.

Filipi 2:1

Ngoi reto waro ngini ninga ngo-ngaku 'i te'e sababu ni marimoi ra Kristus! Ngini ni sanga hiburu sababu Kristus 'o dadalara ngini. Ma Ngagara 'Ofi-'Ofi 'i babata re 'i marimoi ra ngini singadolo ngini ma'u dadalara matengo re matengo.

Filipi 3:8

Pa'i gena-ge ḇato ua, mada'a mo-moini ma tero sa'olo enanga gena-ge ga'a ngoi ta 'a'a ma siḏa, nange-ne ngoi ta site-tero enanga gena-ge ma faeda 'i cua ra ngoi. 'Oru ga'a 'age ra ngoi toma 'orasa nange-ne enanga ma ijana lai hali madutu, gena-ge mangale nana'o Kristus Yesus 'ari Jou. Sababu Kristus, ngoi ta sieanga mo-moini ga'a ma siḏa ngoi to site-tero 'i sigasa Ma Jou'ongu Madutu 'ai barakati ra ngoi. Mo-moini gena-ge ma tero sa'olo jeremoto, la ngoi nga'unu to dawongo Kristus,

Kolose 1:26

Ma Jou'ongu Madutu 'ai habari gena-ge Unanga 'a sirahasia moju musungu rema latu-latu toma ḏuḏunu toma ngowa'a mo-moini. Mada'a nange-ne, Ma Jou'ongu Madutu ra siwaiti Tai 'umata.

Kolose 1:27

Ma Jou'ongu Madutu mau 'a siwaiti Tai 'umata mangale 'ai rahasia ga'a 'i rousu re mulia gena-ge di'a ngini, ngowa'a Yahudi ua. Rahasia gena-ge Kristus 'o tegoro taninga 'akala re sinyingara ma dara. Dadi ngini ni waro mode-mode'e ḏuanga i'a Ma Jou'ongu Madutu 'o pula'a 'Ai mulia ma balangu ra ngini.

Kolose 1:9

Sababu gena-ge, ngomi mi manyiata tau-taunu di'a ngini. Wakutu ma mulaingi i'a ngomi mi 'isene mangale ngini, ngomi golo'o ra Ma Jou'ongu Madutu mangale 'Ai Ngagara 'Ofi-'Ofi 'i sipula'a 'akala soro'unu re wo-waro ra ngini, singadolo ngini nyengara ni waro ti-tiai, 'oru ga'a Ma Jou'ongu Madutu 'ai 'akala ma mau.

Kolose 2:19

Ananga gena-ge raḏi macako'o riwara ra Kristus sa'olo ananga manga sae'e. Mada'a Kristus 'a sirimoi 'Ai 'umata re 'O sinyanyasele manga 'ahu, la ananga manga ngo-ngaku ganapu dogo mete'e Ma Jou'ongu Madutu 'ai 'akala ma mau. Gena-ge ma tero sa'olo sae'e 'i siramasa lese, ga'a 'i sirimoi reo nguḏoto re donga-donga.

Kolose 3:14

Mo-moini gena-ge ma la-lamo'o ma re'u i'a: Ngini balasu ni ma'u dadalara. Sababu dadalara gena-ge 'i si'a'a ngini ni 'ahu marimoi ti-tiai.

Kolose 4:3

Ngini ni manyiata di'a ngomi ḏi'i mangale Ma Jou'ongu Madutu 'a welanga ngalana di'a mi singadolo habari rahasia mangale Kristus. Sababu habari gena-ge ngowa'a 'aḏi singosama ngoi toma bui.

Kolose 4:8

Ngoi to 'utusu Tikhikus ra ngini, la ngini ni waro mangale ngomi minga 'ahu, lobi'i re wangere, re unanga ḏi'i di'a 'a site'e ninga ngo-ngaku.

1 Tesalonika 1:5

Ngomi mawaro gena-ge 'i banari, sababu wakutu ngomi mi singadolo Habari Roanga ra ngini 'i mete'e pa'i ngomi minga demo-demo ḇato ua, mada'a 'i mete'e rema Ngagara 'Ofi-'Ofi ma kuasa. Sidogo ḏi'i, ngomi mi sijumu ra ngini mangale ngomi mi ngaku mode-mode'e Habari Roanga gena-ge 'i banari, sababu ngini masiretene ni waro ma duhu sa'olo ngomi mi 'ahu de-de'oso ngini wakutu ngomi taninga sigolona.

1 Tesalonika 3:2

re mi 'utusu 'a Timotius 'o tagi siḏa toma limau Tesalonika, la unanga 'o babata ngini re 'o site'e ninga ngo-ngaku ra Yesus Kristus. Timotius ḏi'i 'o dadi Ma Jou'ongu Madutu 'ai falalomu, 'o munara rimoi ra ngomi di'a singadolo Habari Roanga.

1 Tesalonika 5:14

Ngomi golo'o mode-mode'e ḏi'i ngini ni ḇangata ngowa'a ga'a 'aḏi munara ḇusuru, ni site'e ngowa'a ga'a manga 'akala re sinyingara 'i namoto ua, ni riono ngowa'a ma dinga'unu ua re ruta-ruta awa ra guna ḇato.

1 Timotius 3:16

Matengo i'a mai ua 'aḏi soloto mangale nanga 'agama ma do-doto'o 'i banari re 'i ti-tiai. 'Au wali, ma do-doto'o gena-ge mangale Kristus Yesus 'i sirahasia, sababu Ma Jou'ongu Madutu 'o masijumu nyangu. Mada'a nange-ne Unanga 'o masijumu ḏua ra ngene, dadi ngene wo ngaku nena-ne: Ma Jou'ongu Madutu 'ai Ngowa'a Nau'u matengo 'O matuhu sa'olo manusia, Ma Ngagara 'Ofi-'Ofi 'i siajele Unanga gena-ge Ma Jou'ongu Madutu 'ai Ngowa'a Nau'u, Unanga 'o masijumu toma mala'ekata, 'Ai lomanga sihabari toma bangsa mo-moini, Ngowa'a toma bangsa mo-moini toma dungia 'aḏi ngaku Unanga sibere re sijingi'i toma soroga.

'Ibrani 10:22

Sababu gena-ge ino ngene wo maco-cori ra Ma Jou'ongu Madutu renanga 'akala re sinyingara ma dara bo-boloto re nanga ngo-ngaku mode-mode'e. Gena-ge 'i nyengara sababu nanga 'akala re sinyingara ri si'ofi Rai ngaunu dadi ngene wo basono nanga sala riwara re nanga lese mai ri sigofi reo ḇanyo na'o wo sanga baptis.

'Ibrani 6:11

Ngomi golo'o mode-mode'e ngini matengo re matengo ni cufala munara tau-taunu di'a ma'u dadalara singadolo ma ḏo-ḏogumu, la ni dawongo 'oru ga'a ngini na singano-nganono.

2 Petrus 1:10

Sababu gena-ge 'ari ioronongoḏu ngo-ngaku rimoi, ngini balasu ni makutale lebe siḏi i'a, la ninga de'oso re ḏegoro la-la gena-ge 'i dadi lebe te'e taninga 'ahu. Na'o so'o gena-ge 'i dadi didina'o rimoi ga'a sijumu mode-mode'e Ma Jou'ongu Madutu nu'u 'aro'o re Nu'u cumutu di'a ngini ni mete'e re ni dadi 'Ai ngowa-ngowa'a. Na'o ngini na si'a'a so'o gena, ninga ngo-ngaku kama elala ua.

2 Petrus 1:3

Ma Jou'ongu Madutu 'a siḏagi 'Ai kuasa 'O pula'a 'oru ḇato ga'a ngene paralu, la nanga 'ahu nyengara 'i cuḏuḏu'u Ma Jou Yesus. Nange-ne ngene nyengara wa si'a'a sababu ngene rewo nana'o Ma Jou'ongu Madutu. Re sababu 'Ai 'akala re sinyingara la-la masala re 'Ai kabasarana, Unanga gena-ge na 'aro'o ngene, la ngene dadi 'Ai ngowa-ngowa'a,

2 Petrus 3:18

Sidiḇo ḏi'i, ngini balasu ni 'ahu boloto, la ngini ganapu basono Unanga 'ai mura re dadalara re ni sidogo ninga wo-waro ra Unanga. Unanga gena-ge nanga Jou Yesus Kristus ga'a nanga Salamata ma cimi. Puji re silamo'o Unanga nange-ne re singado-ngadolo i'a. 'Amin.

1 Yohanes 3:19

Na'o ngene wo dadalara mode-mode'e ioronongoḏu ngo-ngaku rimoi so'o gena-ge, ngene ra waro mode-mode'e mangale ngene Ma Jou'ongu Madutu 'ai ngowa-ngowa'a, Unanga ga'a 'O ba-banari. Dadi ngene nanga 'akala re sinyingara 'i ogoro wakutu ngene wo manyiata ra Unanga, kalaha nanga 'akala re sinyingara 'i sisala ngene. Sababu Ma Jou'ongu Madutu 'ai wo-waro lebe kau'u reo ngene nanga 'akala re sinyingara; Unanga 'a waro mo-moini mangale ngene.

1 Yohanes 5:7

'Age sakisi ro'ange mangale Yesus Kristus: