Kolose 2:19 - Jaji ma Su-sungi

¹⁹ Ananga gena-ge raḏi macako'o riwara ra Kristus sa'olo ananga manga sae'e. Mada'a Kristus 'a sirimoi 'Ai 'umata re 'O sinyanyasele manga 'ahu, la ananga manga ngo-ngaku ganapu dogo mete'e Ma Jou'ongu Madutu 'ai 'akala ma mau. Gena-ge ma tero sa'olo sae'e 'i siramasa lese, ga'a 'i sirimoi reo nguḏoto re donga-donga.

Kolose 2:19 Iomraidhean Croise

Lukas 5:38

'Anggur ma su-sungi balasu sidai'i toma 'anggur ma ngi'i ma su-sungi ḏi'i.

Yohanes 17:21

Ngoi to golo'o ra Baba mangale ananga mo-moini gena-ge 'aḏi marimoi ma tero Baba marimoi ra Ngoi, re Ngoi to marimoi ra Baba. Na'o nyengara gari'a ananga 'aḏi marimoi ra Ngene, la ngowa'a toma dungia nena-ne ananga ḏuanga i'a 'aḏi ngaku mangale Baba reno 'utusu Ngoi.

Yesus 'ai so-soma'a 4:32

Ngowa'a ngaku Yesus mo-moini ya sirimoi manga 'ahu re manga 'akala re sinyingara. Matengo i'a mai ua na'o rema 'ori rana 'a basono pa'i ta unanga masiretene ḇato ua, mada'a di'a ananga mo-moini.

Roma 11:17

Sidogo ḏi'i, Israel manga ete re dotumu ma ju'uda mamuni'a gena-ge, ma tero sa'olo ate zaitun ma umanga ga'a ngowa'a ya tola'a. Re ngini ngowa'a Yahudi ua ma tero sa'olo zaitun ma ja-jaga ga'a 'i konyo toma bangana. Re jaga-jaga ma la'o gena-ge 'i sipata toma ate zaitun ma lese di'a singali umanga ga'a ri sitola'a. Ḏua jaga 'i sanga oromo toma ate zaitun ma utu'u nange-ge. So'o gena ḏi'i ngini ngowa'a Yahudi sanga barakati ga'a Ma Jou'ongu Madutu 'o sijaji toma ngowa'a Yahudi manga ju'uda.

1 Korintus 1:10

Ioronongoḏu ngo-ngaku rimoi, rema Ma Jou Yesus 'ai kuasa, ngoi to golo'o mode-mode'e balasu ni sirimoi ninga 'akala ma sanga. Awa ni ma'u tolabe singadolo ni ma'u salira. Ngini balasu ni marimoi, ni sirimoi ninga wo-waro re ninga 'akala ma sanga.

1 Korintus 11:3

Mada'a ngoi to mau ngini ni sahe mangale na-nau'u manga sae'e, gena-ge 'a Kristus. Re we-were'a manga sae'e, gena-ge na-nau'u. Re 'a Kristus 'ai sae'e, gena-ge Ma Jou'ongu Madutu.

1 Korintus 3:6

Ngoi to so'ana, 'a Apolos 'a ajala. Mada'a Ma Jou'ongu Madutu masiretene 'a sikonyo joro gena-ge.

Efesus 1:22

Re Ma Jou'ongu Madutu 'a sita'aloko mo-moini ra Kristus 'ai kuasa ma 'aḏu. Re Kristus gena-ge, ga'a 'O parenta mo-moini, 'o dadi jama'ata manga sae'e.

Efesus 1:23

Jama'ata gena-ge 'a Kristus 'ai lese. 'Ai jama'ata gena-ge, 'oru ḇato re ngi'i le'a ḇato, Unanga 'a sitomoto reo 'Ai 'ahu.

Efesus 2:21

Wala gena-ge 'i te'e sababu 'i simomi'i toma bangini ma maḏi ma re'u i'a, gena-ge Kristus Yesus ga'a 'A dogo lebe lamo'o i'a singadolo 'i dadi Ma Jou'ongu Madutu 'ai Wala ga'a 'i patasa di'a Unanga.

Efesus 4:3

Ma Ngagara 'Ofi-'Ofi ri sirimoi ngini, dadi ngini balasu ni makutale mode-mode'e di'a ni 'ahu toma dame, la ni 'ahu marimoi tau-taunu.

Efesus 5:29

sababu matengo i'a mai ua 'a emono 'ai diri masiretene! Siḏibo ḏi'i unanga 'a kalesanga re 'a jaga, ma tero sa'olo Kristus 'a palihara re 'A jaga 'Ai jama'ata,

Filipi 1:27

'Orasa nange-ne, lebe la-lamo'o i'a ngini ninga 'ahu ma duhu balasu 'i patasa di'a ngowa'a ga'a 'aḏi mete'e Habari Roanga mangale Kristus gena-ge. Dadi, bae ngoi to ma'u sanga moju bolo sanga riwara ra ngini, ngoi ḏuanga i'a ta 'isene mangale ngini ni marimoi. Re ḏi'i ngini ni marimoi taninga munara di'a ni sibukiti mangale Habari Roanga gena-ge 'i banari, dadi ngowa-ngowa'a ḏuanga i'a ya ngaku.

Kolose 1:10

Dadi, ngini nga'unu ni 'ahu mete'e Ma Jou'ongu Madutu 'ai 'akala ma mau, la ni sisanangi Unanga 'ai 'akala re sinyingara. Re ḏi'i ngini ninga ga'a la-la fara muḏuo i'a re ninga wo-waro mangale Ma Jou'ongu Madutu, enanga gena-ge 'i ganapu madogo-dogo toma 'ori i'a mo-moini.

Kolose 1:18

Kristus gena-ge 'Ai kuasa ma pari cua toma jama'ata ma tero sa'olo sae'e 'i kuasa toma lese. Unanga jama'ata manga 'ahu ma cimi sababu Unanga ma mulaingi dadunu Ro 'ahu moju toma ngowa'a senge-sengene manga sigolona ma tero sa'olo ngowa nau'u ma jomolo. Dadi pa'i Unanga masiretene ḇato 'o kuasa lai lamo'o re lai kau'u toma 'ori i'a i'a mo-moini,

Kolose 2:2

Mo-moini gena-ge, ngoi ta si'a'a di'a site'e ngini ninga 'akala re sinyingara re ananga manga 'akala re sinyingara, la ngini mo-moini ni ma'u dadalara matengo re matengo singadolo ninga 'ahu 'i marimoi. Dadi ngini re ananga mo-moini nga'unu ni sahe re ni ngaku ti-tiai mangale Ma Jou'ongu Madutu 'ai rahasia, gena-ge Kristus masiretene.

1 Tesalonika 3:12

Re ngomi mi golo'o ra Ma Jou di'a 'A dogo ninga dadalara matengo re matengo re ngowa'a mo-moini, ma tero sa'olo ngomi mi dadalara ngini.

1 Tesalonika 4:10

Toma dara gena-ge, ngini ni si'a'a ḏua re na sijumu ḏua taninga ioronongoḏu ngo-ngaku rimoi le'a bolo le'a toma daeraha Makedonia, mada'a ngomi golo'o mode-mode'e ra ngini mangale toma biono i'a, ngini balasu ni ma'u dadalara matengo re matengo lebe madogo-dogo i'a ḏi'i.

2 Tesalonika 1:3

Ngomi mi sibere ie minga murasa ma la tau-taunu ra Ma Jou'ongu Madutu, sababu ngini. Gena-ge 'i banari mode-mode'e re ngomi balasu masi'a'a so'o gena, sababu ngini ninga ngo-ngaku ra Ma Jou Yesus 'i madogo-dogo ḇato re ḏi'i ganapu ni ma'u dadalara matengo re matengo.

1 Petrus 3:8

Ma ḏo-ḏogumu tala, ngini balasu ni 'ahu ma'u 'aro'o la matengo re matengo reninga rorasa. Re balasu ni ma'u dadalara matengo re matengo, ma tero sa'olo ngowa'a gia nongoḏu 'aḏi ma'u dadalara, re ninga 'akala re sinyingara la-la re ni maholo ninga diri.

2 Petrus 3:18

Sidiḇo ḏi'i, ngini balasu ni 'ahu boloto, la ngini ganapu basono Unanga 'ai mura re dadalara re ni sidogo ninga wo-waro ra Unanga. Unanga gena-ge nanga Jou Yesus Kristus ga'a nanga Salamata ma cimi. Puji re silamo'o Unanga nange-ne re singado-ngadolo i'a. 'Amin.